U pas te koloto menai e Pol turu kristenira i Rom 4:17 - U Bulunagana U Niga

¹⁷ Na temar ranga has uana u Buku u Göagono, “Alia e Sunahan te taguhe goulö ba lö te hatubuna moa tara katuun a parpara.” E Abraham e hamana uu tere Sunahan te hatöatöa poutsena a katuun a mate na te ranga nena a ka tema butu noa nei bate butuna.

U pas te koloto menai e Pol turu kristenira i Rom 4:17 Iomraidhean Croise

Matiu 3:9

Alimiou goma tatei mar hakats uami teka, ‘Alam e kamem e Abraham e tubumulam.’ Alia e hatei ragou limiou, e Sunahan e antunan katoe nei u hatu teka a hun haposa tere Abraham. E Sunahan ema antunan ngil pinopinoe nei a katuun te pala uana tere Abraham. E möa. E ngileiena a katuun te kato hanigana.

U Bulungana u Niga tere Iesu Kristo te kolotein e Jon 5:21

U mana koru, te hatakei rena e Tamar u katuun tara tou mate i taren bate hala raneien a nitöatöa, alia a Pien i tanen e kato has uagou iesana bate hala has nagou a nitöatöa turu katuun te ngil raiegu lia.

U Bulungana u Niga tere Iesu Kristo te kolotein e Jon 5:25

Alia e hatei hamana koru ragou limiou, i romana na i murimuri has, u katuun tema ka meri a nitöatöa teka e hengoe riou u raranga tara Pien tere Sunahan, ba katuun te hengo hanigana e lue nou a nitöatöa teka.

U Bulungana u Niga tere Iesu Kristo te kolotein e Jon 6:63

U Namnamei puku lahas te hala nena a nitöatöa. U tuenrei puku ema antunanei. U raranga te hatei ragu lei lia limiou, nonei u rarangana turu namnamei, na nonei te hala ranei limiou a nitöatöa.

Aposol 15:18

A Tsunono e mar ranga uu teka, nonei te habuti u raranga teka i manasa koru.’ “U propet timar koloto uu teka.

U pas te koloto menai e Pol turu kristenira i Rom 3:29

E Sunahan nonei a Sunahan pepeisa turu Jiu? E moa. Nonei a Sunahan has turu katuun tema Jiu ri.

U pas te koloto menai e Pol turu kristenira i Rom 4:18

E Abraham ema hanöan hamana ii tega butu uu rangan hamana tere Sunahan, noahasina te tara here meien a ka teka ema butu noi, nonei e hamani a ka egona mar butu noahas uu temar ranga uu e Sunahan. Ba i murinen be Abraham e hatubuna rena u katuun u parpara koru. Temar ranga noahas menai e Sunahan e Abraham, “A pala i tamölö ena parpara koru riou.”

U pas te koloto menai e Pol turu kristenira i Rom 4:2

Sanena e Sunahan te hanigei e Abraham te kato hamatskö menaien a mamanaka, ba nonei te tatei ranga sesei nena a peisanen. Kaba nonei ema kato uai teka. E möa.

U pas te koloto menai e Pol turu kristenira i Rom 8:11

E Sunahan e hatakei poutsi e Iesu Kristo tara tou mate i tanen. Na te kana u Namnamei tere Sunahan i tamilimiou, nonei e kato hatöatöa pouts hase nou a tuenrei milimiou te matena.

U pas te koloto menai e Pol turu kristenira i Rom 9:11

Na e Sunahan e ngilin hopö kap sile ii a töa pien tson tego kato menaien u ngilngil tere Sunahan, ba nonei e poeiena tere Robeka, “A pien a hamua e kui benou a hahuoluna a pien.” E Sunahan e mar ranga mam noa uu teka ba galapien tema posa noa rari, na tima kato haseien a ka niga na ka omi. Nonei e hopö kap merai a galapien u ngil peisa i tanen. E ma hopö kap meraien a markato i taren.

U pas te koloto menai e Pol turu kristenira i Rom 9:26

Tara han ti hatei mam raien, ‘Alimiou ema katuun uami i tar,’ e Sunahan te töatöa nitöana ena ngö ranouien a galapien i tanen.”

1 Korin 1:28

E Sunahan e hopö kapir u katuun te sigala raier na te omi raier na te ngörari u katuun papala. Taraha, nonei e ngilin haka puta raiena a manka te haka seier u katunura i puta.

1 Korin 15:45

I mar koloto menai teka turu Buku u Göagono, “A Adam tutuun, e butu mema u namnamei u töatöa.” Na Adam te butu hamururima, e Kristo, e butu mema u namnamei te hala nena a nitöatöa.

1 Timoti 6:13

Alö go pile hakarapotein u raranga tere Sunahan batema kamenei tu korkoriana e antunana tena la pouts nama romana e Iesu Kristo te ranga hanigein u raranga u mana i matana e Pontias Pailat. Alö go hengo hanigei u raranga tere Sunahan, ba u katuun tema tatei ranga homi naroi lö. Alö go markato uu teka e antunana tara pöata te butu pouts nama romana e Iesu Kristo a Tsunono i tarara.

Hibru 11:12

Ba tara töa tson puku teka, a tson a tsonpan koru bate katsin matena, nonei a tson teka te kamei u hatutubunei u parpara koru te herei a man pitopitora i kolö na u kotolana tema antunan ase sabe nari.

Hibru 11:3

Turu nihamana i tarara bara te atei silera e Sunahan e habuteia a mamanaka turu ranga i tanen. Na sahaka te tare rara, e butuma tara ka tima tarei ra.

Hibru 11:7

Te hamana menai e Noa e Sunahan te ranga menaien a pöata a omi tega lama tema tara noei e Noa, e Noa e hengöe e Sunahan me kuiena a tolaala, te niga sila gono meraien a galapien i tanen. Ba nonei e haröto nena te hahuna merai e Sunahan u katuun i puta ti hahamana uaien, be Sunahan e ngöe neien a katuun a matskö te hamana uaien.

1 Pita 2:10

I manasa alimiou ima katuun uami tere Sunahan, kaba i romana alimiou u katuun i tanen. Na limiou ima atei silemi te taatagi mera nei e Sunahan u katuun, kaba i romana alimiou e atei silemiou e Sunahan e taatagi ranou limiou.

2 Pita 3:8

A man hahikapien i tar, alimiou go hakats kap naiam a ka teka: te tara mena nei a Tsunono a man pöata, e markato uana teka, u töa u lan e antunana turu 1,000 u hiningal, na u 1,000 u hiningal e antunana turu töa u lan.