U pas te koloto menai e Pol turu kristenira i Rom 4:14 - U Bulunagana U Niga

¹⁴ Sanena u katuun te kukutier a Lo te luer aha te rangein e Sunahan, ba u nihamana i tarara te la papala tununa bu ranga hamana tere Sunahan tema taguhu tala ranei a pala te hamanar.

U pas te koloto menai e Pol turu kristenira i Rom 4:14 Iomraidhean Croise

U pas te koloto menai e Pol turu kristenira i Rom 3:31

Ge hana, ara e kato homiera a Lo tere Mosis te kukute mena reira a markatona turu nihamana? E moa koru. U nihamana i tarara te tupa mera neira tara saha ka te ngilena a Lo.

U pas te koloto menai e Pol turu kristenira i Rom 4:16

Nonei te hala sila naia e Sunahan u raranga hamana teka i tanen turu katuun te hamanar. A nihitaguhu peisa tere Sunahan te habutu hamane nou u raranga hamana i tanen. E markato uana teka bu ranga hamana i tanen te la uana turu katuun hoboto tere Abraham. E la hoboto uana i tarara u katuun te hamanara, u Jiu na u katuun has tema Jiu ri, tegi mar hamana uu ra temar hamana uu e Abraham. Taraha, e Abraham e here nei e tuburara hoboto u katuun te hamanara.

1 Korin 1:13

E Kristo i lu kaakati? Gesi te mate sil raiou limiou tara kuruse? Alia e Pol? E möa! Ga limiou u habaptais mia tara solona e Pol? E möa koru!

Galesia 2:21

Alia ema ngilin katoegi a nitaatagi tere Sunahan a ka pinopino. Tega kato haniga raira a Lo tere Mosis ba ra te butu haniga ria i matana e Sunahan, bora, ge Iesu e mate pinopino tala.

Galesia 5:4

A katuun te kukute sile nei a Lo turu Jiu tega matskö uaien i matana e Sunahan, nonei e luba nena a peisanen tere Kristo. E Sunahan ema antunan hanige neien.

Pilipai 3:9

Alia e ngilegu a peisar ega ka nitöa uu tere Kristo tara mamana nikaka tar i puta. Alia ema tatei pei lenegi alia a katuun a matskö te kukute mena gilia a Lo turu Jiu. E möa. Alia e tatei poeiegu e Sunahan te kato hamatsköe ialia i matanen, taraha alia e hamana uagu tere Kristo.

Hibru 7:19

A Lo tere Mosis ema kato hanige ii ta töa ta ka na ta katuun. Kaba a maroro a niga bala koru e butu hakapa, na ra e tatei la uara tere Sunahan te sila uara ra tara maroro teka.

Hibru 7:28

A Lo tere Mosis e hopö kap rena u katuun tuun tegi tsunono pan uaien turu pris, kaba nori ema tagala nitöa sileri a markato a omi. Kaba u raranga u mana koru te lama i murina a pöata tara Lo, te hopö kapiin a Pien tson tere Sunahan te matskö nitöana tara toukuin pris teka te ka nitöa nou tara mamana pöata tema antunan kapa nei.