U pas te koloto menai e Pol turu kristenira i Rom 4:11 - U Bulunagana U Niga

¹¹ E Abraham e hapö hamurimurin a hatöatongo tere Sunahan, bate hatei tala nena e Sunahan e ngöeien a katuun a matskö te hamana uaien, ba nonei e töan hapö nena a hatöatongo tere Sunahan. E Sunahan e kato sile ii a ka teka tegi ngö menai e Abraham e tubur u katuun hoboto te hamaner e Sunahan be Sunahan te ngö raneien u katuun u matskö i matanen, noahasina tema ka merien a hatöatongo tere Sunahan.

U pas te koloto menai e Pol turu kristenira i Rom 4:11 Iomraidhean Croise

Matiu 16:16

Be Saimon Pita e ranga palisenen me poeiena, “Alö e Mesaia te hopö kapiin e Sunahan. Alö a Pien Tson tere Sunahan te töatöa nitöana.”

Matiu 8:11

Na lia e hatei ragou limiou, u katuun u parpara koru e la rima romana tara mamana han. Batemi gum gono mera nou ere Abraham mere Aisak ne Jekop tara kannou iahana a Nipepeito tere Sunahan.

U Bulungana u Niga tere Iesu Kristo te kolotein e Luk 19:9

Be Iesu e poeiena i tanen, “I romana e Sunahan e lu pouts hakapa ralala u katuun tara luma teka. Taraha? Alö e mar hamana uaiem temar hamana uu e Abraham.

U Bulungana u Niga tere Iesu Kristo te kolotein e Jon 3:33

Kaba a katuun te hengoe nen e sabiena te mana uana e Sunahan.

U Bulungana u Niga tere Iesu Kristo te kolotein e Jon 3:36

A katuun te hamanena nonei a Pien tere Sunahan e ka mena a nitöatöa te ka nitöana. Na katuun te hahamanana na tema hengoe neien, nonei ema tatei lue nei a nitöatöa hamana, na raharaha tere Sunahan e ka nitöana i tanen.

U Bulungana u Niga tere Iesu Kristo te kolotein e Jon 6:35

Be Iesu e poeiena i taren, “Alia nonei a kannou te hala nena a nitöatöa. E si te la uanama i tar ema tatei bes noi na esi te hamanana i tar ema tatei maka noi.

U Bulungana u Niga tere Iesu Kristo te kolotein e Jon 6:40

Nonei koru a ka te ngilena e Tamar, u katuun hoboto te tare riou lia na te hamana uar i tar, nori egina lueiou a nitöatöa te ka nitöana. Na lia e hatakei pouts ragoen romana tara tou mate tara kapakapana pöata.”

U Bulungana u Niga tere Iesu Kristo te kolotein e Jon 6:47

“U mana koru alia e hatei ragou limiou, a katuun te hamanana e ka menou a nitöatöa te ka nitöana.

U Bulungana u Niga tere Iesu Kristo te kolotein e Jon 8:33

Ba nori e poeier i tanen, “Alam u tuhanama tere Abraham. Na lam ima kukui puku noia ta katuun. I me temar mouna uana u ranga i tamölö te poeiena, ‘Alimiou e hapurese rariou’?”

U pas te koloto menai e Pol turu kristenira i Rom 10:11

U Buku u Göagono e poeiena, “A katuun te hamana uana i tanen ema antunan hamatsingole roi.”

U pas te koloto menai e Pol turu kristenira i Rom 10:4

Kaba e Kristo e hakapa a markato teka tara Lo. Na i romana u katuun hoboto te hamanar, nori te butun matskö ria i matana e Sunahan.

U pas te koloto menai e Pol turu kristenira i Rom 10:6

Kaba a markato a matskö te la nama tara nihamana e poeiena, “Alimiou goma poeiemi i torimilimiou, ‘Esi te la nou i Kolö, tsi esi te la nou tara han i puta iogana nitöa?’” U raranga teka ti kolotein i manasa e mar mouna uana teka: ara gima lu pouts mena mei e Kristo i Kolö, tsi ara gima lu pouts has mena meien tara han turu mate. E möa!

U pas te koloto menai e Pol turu kristenira i Rom 3:26

Kaba i romana nonei e haröto nena te matskö uanen na te kato hamatskö has mena neien a katuun te hamana uana tere Iesu.

U pas te koloto menai e Pol turu kristenira i Rom 3:30

Taraha, a töa puku a Sunahan te kato hamatskö ranou u Jiu na u katuun tema Jiu ri turu nihamana i taren.

U pas te koloto menai e Pol turu kristenira i Rom 4:10

Ga i hangisa te butuia a ka teka? I murina te hapö naien a hatöatongo tere Sunahan i pikpikönen? E möa. E Sunahan e ngö noei e Abraham a katuun a matskö i mamuna te hapö naien a hatöatongo tere Sunahan.

U pas te koloto menai e Pol turu kristenira i Rom 9:30

Bora ime tegi mar ranga uu ra? U katuun tima Jiu ii na tima torohanan kato hamatskö ia i matana e Sunahan, kaba turu nihamana i taren be Sunahan e ngö raneien u katuun u matskö i tanen.

U pas te koloto menai e Pol turu kristenira i Rom 9:33

Ti mar koloto has menaien turu Buku u Göagono: “Tara. Alia e hake gou a hatu i Saion, a hatu te tutu ranoua u katuun. Ba u katuun te hamana ria romana i tanen tema tatei hamatsingolo raroien.”

U pas te koloto menai e Pol turu kristenira i Rom 9:6

Kaba lia ema poegi u raranga u mana tere Sunahan e la papala. Emoa. Taraha, a palair u katunura i Israel ema katuun hamana hoboto uari i Israel.

2 Korin 1:22

Nonei e böto kap sil raira tegi katuun uu ra i tanen, me hala has raneira u Namnamei i tanen, a ka tutuun te hatei raneira a mamanaka te ranga hamana naien ena la nama romana.

Galesia 3:22

U Buku u Göagono e mar ranga uana teka, a markato a omi e karabus raiena u katuun hoboto i puta tara nitagala i tanen. A ka teka i kato sile ii u katuun te hamana uaier tere Iesu Kristo egi lui a ka te ranga hamanein e Sunahan.

Galesia 3:29

Na limiou te pala uamiou tere Kristo e here hasemi a galapien hamana tere Abraham, na ka te ranga hamanein e Sunahan tega hala naien tere Abraham e la has uana i tamilimiou.

Galesia 3:7

Ba lö te tara talemen, u katuun te hamanar nori a galapien tere Abraham.

Galesia 5:5

Kaba tara nitagala turu Namnamei u Göagono bara te hamana ra tere Sunahan. Bara te hahalosera tego ngö meraien ra u katuun u matskö.

Galesia 6:16

E Sunahan e tatei taatagi rena u katuun hoboto te hengo hanigeier u raranga teka, bate hala nena a masalohana turu katuun te hamana ria i tanen.

Epesis 1:13

Na limiou has, e Sunahan e hopö kap merai limiou u Namnamei u Göagono te ranga hamana naien. Nonei e hopö kap sil railimiou tego katuun uaiam limiou tere Kristo. Taraha, alimiou u hengoeiam u raranga u mana na u Bulungana u Niga te poeiena e Sunahan e ngilin lu pouts mera nei limiou i tanen, ba limiou te hamana uamiou tere Kristo.

Epesis 4:30

Alimiou goma kato hataatagemi u Namnamei u Göagono tere Sunahan, taraha nonei a hatöatongo tere Sunahan te haröto nena te hanöa ba mena milimiou romana a manka man omi hoboto.

Pilipai 3:9

Alia e ngilegu a peisar ega ka nitöa uu tere Kristo tara mamana nikaka tar i puta. Alia ema tatei pei lenegi alia a katuun a matskö te kukute mena gilia a Lo turu Jiu. E möa. Alia e tatei poeiegu e Sunahan te kato hamatsköe ialia i matanen, taraha alia e hamana uagu tere Kristo.

Hibru 11:7

Te hamana menai e Noa e Sunahan te ranga menaien a pöata a omi tega lama tema tara noei e Noa, e Noa e hengöe e Sunahan me kuiena a tolaala, te niga sila gono meraien a galapien i tanen. Ba nonei e haröto nena te hahuna merai e Sunahan u katuun i puta ti hahamana uaien, be Sunahan e ngöe neien a katuun a matskö te hamana uaien.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

Revelesin 9:4

Nori i hateirai egima tatei kato homiei u garas tsi a ruei na manka te lebeier. Nori gi kato hakamits lasir u katuun tima ka mei a hatöatongo tere Sunahan i poleren.