U pas te koloto menai e Pol turu kristenira i Rom 2:27 - U Bulunagana U Niga

²⁷ Te markato tala uanen teka ba markato turu katuun tema Jiu ri te haröto nanou a markato i tamilimiou u Jiu e omina. Taraha, alimiou e peko noa hasemiou a man Lo, noahasina te ka memia limiou a Lo ti koloto naia turu Buku na hatöatongo has tere Sunahan. Kaba nori e hengo hanigeier a Lo, noahasina tema ka merien a hatöatongo tere Sunahan.

U pas te koloto menai e Pol turu kristenira i Rom 2:27 Iomraidhean Croise

Matiu 3:15

Be Iesu e ranga palisenen me poeiena, “E noahasina alö go markato uu temar ranga uagu lia. Tara markato teka bara te kato hantunera a mamanaka a matskö te ngilena e Sunahan.” Be Jon e töa kukutiena temar ranga uu e Iesu.

Aposol 13:22

Be Sunahan e tsugena e Sol me hakeiena e Devit a king i taren. Nonei e mar ranga menai e Devit teka: ‘Alia e tara sabiegu e Devit a pien tere Jesi nonei a mar katuun te ngile gulia. A torir e ngil korue nen. Nonei te kukute hanige nou u mamana u ngil hoboto i tar.’ E Sunahan temar ranga uu teka.

U pas te koloto menai e Pol turu kristenira i Rom 13:10

Te ngil menami limiou a tana katuun, alimiou ema kato homie mien. Na markato turu ngilngil nonei a mouna a ka te kato silena a Lo tere Sunahan.

U pas te koloto menai e Pol turu kristenira i Rom 2:15

Nori e haröto ner a ka te haröto nena a Lo e ka hasna i toriren. Na toriren iogana e haröto has nena te mana uana a ka teka, taraha u hakats i taren e poeiena a markato i taren e omina tsi a markato i taren e matsköna.

U pas te koloto menai e Pol turu kristenira i Rom 2:20

Na limiou e roron hamatskö ramiou u katuun tema hakats hanigari, na limiou e hatuts ramiou u katuun te hakats here rari a galapien. Alimiou e peimiou alimiou e atei silemiou a Lo tere Mosis e ka mena a man niatei hoboto na man raranga a man mana te ngiler u katuun.

U pas te koloto menai e Pol turu kristenira i Rom 2:25

Te kukute mia limiou u Jiu a Lo tere Sunahan, bara, ga e niga talana tu hapö mena milimiou a hatöatongo tere Sunahan i pikpikö milimiou. Kaba te pekoe mia limiou a Lo, bara, ga limiou u mastein hapö tala naiam a hatöatongo tere Sunahan.

U pas te koloto menai e Pol turu kristenira i Rom 2:26

A katuun tema Jiu nei ema hapö nanei a hatöatongo tere Sunahan i pikpikönen. Kaba te hengo hanige nen u raranga tara Lo, be Sunahan te kato here has naneien a katuun te hapö nena a hatöatongo tere Sunahan.

U pas te koloto menai e Pol turu kristenira i Rom 2:29

A Jiu hamana nonei a katuun te hengo hanigeiena e Sunahan i torinen. Na mar hatöatongo te ngil koruena e Sunahan ema ka neia turu pikpikö. E möa. Kaba a hatöatongo te ngilena e Sunahan nonei u tori te kato hagogosi u Namnamei u Göagono. A mar katuun teka ema ngil ranei u katuun egi hapaneien. E möa. Nonei e ngil lasena e Sunahan tega hapaneien.

U pas te koloto menai e Pol turu kristenira i Rom 3:30

Taraha, a töa puku a Sunahan te kato hamatskö ranou u Jiu na u katuun tema Jiu ri turu nihamana i taren.

U pas te koloto menai e Pol turu kristenira i Rom 8:4

E Sunahan e kato mei a ka teka tegi matskö koru uu ra tara Lo. Taraha, u ngilngilina i puta ema hakui lel ranei ra. E möa. U Namnamei tere Sunahan te hakui tala ranou ra.

1 Korin 7:19

Taraha, u hapö na tema hapö uamilö a ka tetenei koru. A ka lasi te pan koruna, tegi hengo haniga menai ra u raranga tere Sunahan.

2 Korin 3:6

Nonei te kato hantue ranou lam ba lam te hatei la rem u katuun u rangan kits u tsimus. Ema ka uanei tara man Lo ti koloto tunini. E möa, a ka turu Namnamei tere Sunahan. A man Lo ti koloto tunini e hala nena a tou mate, kaba u Namnamei tere Sunahan te hala nena a nitöatöa.

Galesia 5:14

Taraha, u mamana u raranga hoboto tara Lo e kana iahana u töa puku u raranga teka: alö go mar ngil menai a tana katuun temar ngil has mena milö a peisa mölö.

Epesis 2:11

Alimiou u katuun halhal ima posa gono merai lam u Jiu, na limiou e atei silemiou alam e ngö rami limiou u katuun tema ka memi a hatöatongo tere Sunahan i pikpikö milimiou, taraha alam e roron hapö nem a hatöatongo tere Sunahan kaba limiou u möa.

2 Timoti 3:15

Tu tetenei noaia lö, alö i hatutse ii u Buku u Göagono te antunan hale noi lö a niatei temar lu pouts mera nei e Sunahan u katuun, te hamana uaren tere Iesu Kristo.

Hibru 11:3

Turu nihamana i tarara bara te atei silera e Sunahan e habuteia a mamanaka turu ranga i tanen. Na sahaka te tare rara, e butuma tara ka tima tarei ra.