U pas te koloto menai e Pol turu kristenira i Rom 2:20 - U Bulunagana U Niga

²⁰ Na limiou e roron hamatskö ramiou u katuun tema hakats hanigari, na limiou e hatuts ramiou u katuun te hakats here rari a galapien. Alimiou e peimiou alimiou e atei silemiou a Lo tere Mosis e ka mena a man niatei hoboto na man raranga a man mana te ngiler u katuun.

U pas te koloto menai e Pol turu kristenira i Rom 2:20 Iomraidhean Croise

Matiu 11:25

Nonei tara pöata teka be Iesu e poeiena, “O Tamar, alö e Tsunono pan mia i Kolö na i puta. Alia e haniga uagu i tamölö te hamous mena milö a manka teka turu katuun te poeier e ka mer a niatei, bate haröto namen turu katuun papala tema atei balari.

U pas te koloto menai e Pol turu kristenira i Rom 2:19

Alimiou e peimiou alimiou e haröto namiou a markato tere Sunahan turu katuun u tutu, te here rari u katuun u matakiou te hula la ria turu kuhil.

U pas te koloto menai e Pol turu kristenira i Rom 3:31

Ge hana, ara e kato homiera a Lo tere Mosis te kukute mena reira a markatona turu nihamana? E moa koru. U nihamana i tarara te tupa mera neira tara saha ka te ngilena a Lo.

U pas te koloto menai e Pol turu kristenira i Rom 6:17

Na limiou go haniga uaiam tere Sunahan! Taraha, i mam nen alimiou i katuun papala mia tara markato a omi. Kaba i romana alimiou e kukute miou na e hengo hanige miou u raranga u mana ti hatuts rai limiou.

1 Korin 3:1

A matsi hahatoulana, alia uma antunan ranga uai i tamilimiou temar ranga uagu lia turu katuun te kukutier u Namnamei tere Sunahan. Alia u ranga uu i tamilimiou te tatei ranga uagu lia turu katuun te ka las mer u hakatsina i puta.

2 Timoti 1:13

Pile kap hakarapotein a markatona turu raranga u mana tu hatutsin lia i tamölö, balö te katoe men turu nihamana na te ngil menari a taina katuun te ka has na tere Iesu Kristo.

2 Timoti 3:5

U katuun e kukutie riou a man markato pinopino turu lotu, bate holis naier tega ka menai u lotu ta nitagala. Alö go hatalis bar u mar katuun teka.

Taitus 1:16

Nori e pei laser nori e atei siler e Sunahan, kaba a markato i taren te haröto nena nori ema atei sileri e Sunahan. Nori e hipus korur, na nori ema antunan kato has nari ta ka ta niga. Na u katuun ema ngil koru has rarien.

Hibru 5:13

U katuun temar kato uar teka ema tatei tara hanigeri a ka te nigana na ka te omina.

Jemis 3:1

A matsi hahatoulana, möa tu riri sileiam tegona hihatuts menami limiou a markato a nigana tere Sunahan. Taraha, e Sunahan ena tara hatagala koru noa romana tara pala te hatuts raier u katuun, tegi hihatuts homi uaien.

1 Pita 2:2

Alimiou go ngil korueiam u raranga u gogoso na u niga tere Sunahan, temar bes sil mena nei a pien ti hagou posei a sus. Nonei u raranga teka e taguhu ranou limiou bate katuun hatagala susul uamiou tara markato turu Namnamei, be Sunahan te lu pouts ranou limiou.