U pas te koloto menai e Pol turu kristenira i Rom 2:13 - U Bulunagana U Niga

¹³ U katuun te hengo tuun laser a Lo ema matskö ria i matana e Sunahan. E möa. U katuun lasi te kukuteier a Lo, nori te matskö ria i matana e Sunahan.

U pas te koloto menai e Pol turu kristenira i Rom 2:13 Iomraidhean Croise

U Bulungana u Niga tere Iesu Kristo te kolotein e Luk 18:14

Be Iesu e poeiena, “Alia e ranga mera goulimiou, a katuun teka te matsköna i matana e Sunahan tara pöata te la pouts uaien i han, kaba a Parasi e möa. A katuun te hala seiena a peisanen ena hala putei riou. Na katuun te hala puteiena a peisanen ena hala seie riou.”

U Bulungana u Niga tere Iesu Kristo te kolotein e Luk 8:21

Be Iesu e poeiena i taren hoboto, “E tsinar na u toular nori u katuun te hengoer u raranga tere Sunahan bate kukutie ren.”

U Bulungana u Niga tere Iesu Kristo te kolotein e Jon 13:17

Te atei silemia limiou a ka teka, alimiou e kalala rariou tego kukute nenamen limiou.

Aposol 13:39

A Lo tere Mosis ema antunan luba nanei a markato a omi i tamilimiou bate ngö ranei limiou u katuun u matskö. Kaba e Iesu e luba nena a markato a omi hoboto turu katuun te hamana uaier i tanen, bate ngö has raneien u katuun u matskö.

U pas te koloto menai e Pol turu kristenira i Rom 10:5

I manasa e Mosis e mar koloto uu teka turu katuun ti ngilin butu hamatsköia i matana e Sunahan tara Lo: “A katuun te katoena a mamanaka hoboto te ranga uana a man Lo, nonei te lue nou a nitöatöa.”

U pas te koloto menai e Pol turu kristenira i Rom 2:25

Te kukute mia limiou u Jiu a Lo tere Sunahan, bara, ga e niga talana tu hapö mena milimiou a hatöatongo tere Sunahan i pikpikö milimiou. Kaba te pekoe mia limiou a Lo, bara, ga limiou u mastein hapö tala naiam a hatöatongo tere Sunahan.

U pas te koloto menai e Pol turu kristenira i Rom 3:20

A katuun te kukutiena a mamanaka te ranga nena a Lo ema matskö neia i matana e Sunahan, taraha a Lo e haröto nena a katuun te kato homina.

U pas te koloto menai e Pol turu kristenira i Rom 3:23

U katuun hoboto i kato homi na ema antuna ria tara mar katuun te ngilena e Sunahan.

U pas te koloto menai e Pol turu kristenira i Rom 3:30

Taraha, a töa puku a Sunahan te kato hamatskö ranou u Jiu na u katuun tema Jiu ri turu nihamana i taren.

1 Korin 4:4

Alia ema hakats sabe nagi ta töa ta ka ta omi tu kati lia, kaba a ka teka ema haröto nanei tego möa menai lia ta ka ta omi. A Tsunono peisa nonei te one noulia.

Galesia 2:16

Kaba ara e atei silera a katuun te kukuteiena a Lo turu Jiu ema matskö neia i matana e Sunahan. E möa. U katuun te hamana ria tere Iesu Kristo, nori u katuun te ngö ranoui e Sunahan u katuun u matskö. Ara e atei silera e möa ta katuun tega antunan matsköia i matana e Sunahan te kukute mena neien a Lo turu Jiu.

Galesia 5:4

A katuun te kukute sile nei a Lo turu Jiu tega matskö uaien i matana e Sunahan, nonei e luba nena a peisanen tere Kristo. E Sunahan ema antunan hanige neien.

Jemis 1:27

A katuun te niga hamanana na te matsköna i matana e Sunahan e Tamarara e markato uana teka: nonei egona taguhir u binai na u amoaba tara pöata te omina a nikaka i taren, na nonei e ka halehana ba nena a manka a man omi tara han i puta.

1 Jon 2:29

Na te atei silemia limiou e Iesu nonei a katuun a matskö, ga lö e atei sil talem a katuun te kato hanigana nonei a pien tere Sunahan.

1 Jon 3:7

A matsi galapien, te katsin gamo rana limiou ta katuun, alimiou goma hamane mien. A katuun te kato haniga nitöana, nonei a katuun a matskö, te markato has uana e Kristo.