U pas te koloto menai e Pol turu kristenira i Rom 16:2 - U Bulunagana U Niga

² Lu menami a tahol teka i tamilimiou, taraha nonei e pala uana tara Tsunono. E nigana te markato uaier u katuun tere Sunahan teka. Na limiou e tatei taguhe men tara saha ka te ngile nen. Taraha, nonei e taguhe ioulia na katuun a parpara.

U pas te koloto menai e Pol turu kristenira i Rom 16:2 Iomraidhean Croise

Matiu 25:40

“Ba lia te ranga palis ragouen bate peigou i taren, ‘Na lia e hatei hamana koru ragou limiou, tu katoe mia limiou a markato teka ta töa tara man hahatoulana i tar, alimiou u kato be mien lia.’

Aposol 9:13

Be Ananias e ranga palisina me poeiena, “O Tsunono, u katuun u para ti hate ii lia a katuun teka. Nori i pei nonei e kato hakamits korur u katuun i tamölö i Jerusalem.

Aposol 9:15

Ba Tsunono e poeiena i tanen, “Lala, taraha alia u hopö kapiin a katuun teka tega hatei menaien a solor turu katuun tema Jiu ri na turu king i taren na turu katunura i Israel.

Aposol 9:36

Tara taun i Jopa e kamei a tahol te hamana uu tere Iesu a solonen e Tabita, turu HaGrik nori i ngöeien e Dokas. Tara mamana pöata nonei e roron kato a markato a niga, bate taguhu has rena u katuun ti möa ta ka.

Aposol 9:39

Be Pita e takeina me la gono mera nen. Pöata tina butuien ba u katuun e las menarien tara rum iasa te kaia e Dokas. U amoaba i tuol hobotoia i rehina e Pita bate taber. Nori i haröto haseien a man hasobö te katoe e Dokas me hala raneien tara pöata te ka gono noa meraien e Dokas.

Aposol 9:41

Be Pita e pile nena a limanen me las hatakeie nen, be Tabita e tuoluna. Nonei e töatöa pouts tala. Be Pita e ngö gögono rena u amoaba na palair u kristen, ba nonei e hala pouts raneien e Dokas.

U pas te koloto menai e Pol turu kristenira i Rom 15:7

Hianiganigaiam, temar haniga has merai e Kristo alimiou, ba markato teka te soloseie nou e Sunahan.

U pas te koloto menai e Pol turu kristenira i Rom 16:15

Na haniga has mia tere Pilalogas mere Julia ne Nirias mere hahinanen ne Olimpas na u kristen hoboto te ka gono mera ren.

U pas te koloto menai e Pol turu kristenira i Rom 16:23

Na e Gaius has, a luma i tanen te ka gia lia na te roron lotu has ria, e hala has nena a niniganiga i tanen i tamilimiou. E Irastas a kuskus tara gamman tara taun teka na hahatoulana i tarara e Kuortus, nori e hala hoboto has ner a niniganiga i tamilimiou. A nihitaguhu tara Tsunono i tarara e Iesu Kristo e tatei ka gono mera noulimiou hoboto. U mana.

U pas te koloto menai e Pol turu kristenira i Rom 16:6

A niniganiga has i tar tere Maria, te kui hatagalaia i gusumilimiou.

U pas te koloto menai e Pol turu kristenira i Rom 16:9

Haniga be hase mou lia tere Erbanus te kui gono meraiou ra tere Kristo, na e Steikis has, a tsomi i tar.

Epesis 5:3

Alimiou u katuun tere Sunahan alimiou goma ranga has nami a tou tsikolo na u hirata u omi na te mamangil menari a mamanaka.

Pilipai 1:27

A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

Pilipai 2:29

Alimiou go sasaala memen bate soloseie men tara solona a Tsunono. Na limiou go soloseiam a mar katuun teka.

Kolosi 4:10

E Aristakus, te karabus gono menou lia, e hala has ranoui limiou u hanhaniga, na e Mak has a hatoulana tere Banabas. Alimiou u lu hakapeiam u raranga te poeiena, tega la men romana i tamilimiou ba limiou te hanige men.

1 Timoti 2:10

Nori gi kato nitöani a man markato a man niga. A markato teka e matsköna tara touhaliou te poeier nori e hatsunoner e Sunahan.

2 Timoti 1:18

Na lö e atei haniga sil hasem temar taguhu menaien lia i Epesis. A Tsunono e tatei hanige nen tegona sabe menaien a nitaatagi tara Tsunono turu Lan Pan te la nama.

Taitus 2:3

Na lö go hatuts hasir u toböana egi kukute a markato a niga tere Sunahan bate kato hanigar. Ba nori tema tatei ranga hohomi nari a tai, na u ngilngilina tara tou ua egoma tatei kits kap raien. Ba nori te hatuts rari a palai a man markato a man niga,

Pilimon 1:12

Noahasina te ngil koru menagien lia, kaba lia e hala pouts mena goien i tamölö.

Pilimon 1:17

Na te tara here tala namilö alia a hahikapien i tamölö, bara, mar lu tala menai e Onesimus tego mar lu has menailö alia.

2 Jon 1:10

Temi hihatuts nena ta katuun u raranga tema matskö neia turu hihatuts tere Kristo, ba limiou tema tatei lu mena mien i luma i tamilimiou, batema tatei ranga hatami has mia i tanen.