U pas te koloto menai e Pol turu kristenira i Rom 16:18 - U Bulunagana U Niga

¹⁸ Taraha, nori u katuun teka ema kui beri a Tsunono i tarara e Kristo. E möa. Nori e kui siler u ngilngilina i puta i taren. Nori e roron angoso rer u katuun bate gamo rer u katuun tema atei sileri a ka tema mana nei.

U pas te koloto menai e Pol turu kristenira i Rom 16:18 Iomraidhean Croise

Matiu 24:11

U katuun tema propet ri e butur romana bate gamour, bate ngöeri a peisaren u propet tere Sunahan, bate gamo rer u katuun u parpara.

Matiu 24:24

Taraha, u Mesaia gamogamo na u propet gamogamo e butur romana, ba nori te katoer romana u hiharöto u kapan na man mirakol. Tegi antuna uen, ba nori te gamo rer romana u katuun te hopökapir e Sunahan.

Matiu 6:24

“A katuun ema antunan kui neia tara huol a tsunono. Taraha, nonei e rama nanou a töa bate ngilena a tabi. Alö ema antunan kui hoboto bemi e Sunahan na moni.

Matiu 7:15

Be Iesu e rangana me poeiena, “Hanei sil raiam u propet u gamogamo. Nori e hererari u muki u hie, kaba nori e gamor bate kato here nari a peisaren u sipsip u alena.

U Bulungana u Niga tere Iesu Kristo te kolotein e Jon 12:26

A katuun te ngilin kato nena a toukui i tar ega kukutie iou lia. Na katuun te katoena a toukui i tar ena ka noua tena ka has goua lia, e Tamar te kato hapane nouen.”

U pas te koloto menai e Pol turu kristenira i Rom 14:18

Na katuun te kui beiena e Kristo tara markato teka, e Sunahan na u katuun has e hanige ren.

U pas te koloto menai e Pol turu kristenira i Rom 16:19

U katuun hoboto e atei siler alimiou e hengoe miou u Bulungana u Niga, na lia e sasaala koru mera goulimiou. Kaba lia e kato silegu alimiou go atei sil hanigeiam a markato a niga bate tutu ba namiou a markato a omi.

2 Korin 11:3

Kaba lia e matoutegu, alimiou ena mots heremi e Eva te hengo sila nai u gamo tere Satan a kökötsi, batema hakats sil lenemi e Kristo puku lahas a töa.

2 Korin 2:17

Taraha, alam ema here rami a palair u katuun te kato here nari u raranga tere Sunahan a toukuin moni i taren bate hahol sile rien tegi lu menaien ta moni. E möa. Tara solona e Kristo alam e ranga hamana mia i matana e Sunahan, taraha, nonei te hala raiou lam ba lam te habulungana hamatskö nem u raranga te hala namen.

2 Korin 4:2

Alam e rama nem a markato a omi te hamouseier, na markato a gamo, na lam ema hapone mi, nema luba nami ta pala turu raranga tere Sunahan. E möa. Alam e ranga nem u ranga hamatskö na u raranga hamana tere Sunahan i matar u katuun hoboto ba nori te tatei oneier a markato i tamulam i matana e Sunahan.

Galesia 1:10

Alia ema kato megi u raranga teka tegi haniga menai lia u katuun. Emoa. Alia e kato silegu e Sunahan tega hanigeiou lia. Te kato hasasaala ragoua lia u katuun, alia ema kui begi e Kristo.

Pilipai 2:21

A palair u katuun hoboto e hakats las ner a nikaka peisa i taren, batema hakats sileri a manka tere Iesu Kristo.

Pilipai 3:19

Nori e ka ria tara marorona tegi tia uaien, taraha nori e hakats sil talaser a tou nou, bate sasaala mer te haniga menarien a man markatona tara nimatsingolo, bate hakats puku lasner a mankana i puta.

Kolosi 2:4

Alia e mar ranga mera gilimiou teka, taraha a tana katuun e namots ranga mera nei limiou u gamo.

Kolosi 3:24

Taraha, a Tsunono e hala ranei romana limiou u hamatana u niga. Alimiou e luemiou romana u hamatana te haputu raneien u katuun i tanen. Taraha, alimiou e kui sil korue miou e Kristo. Nonei a Tsunono i tamilimiou.

2 Tesalonaika 2:10

Nonei e gamo nitöa rena romana u katuun tena tia riou, taraha nori ema ngileri u raranga hamana te tatei lu pouts mera neien tere Sunahan.

1 Timoti 6:5

A hiaraharaha te katon toa naier u katuun teka, u baku tutu tema atei sil haseri a ka a mana ba nori te poeier, u lotu a maroro te tatei lu sila namialö ta moni.

Jemis 1:1

Alia e Jemis, a katunun kukui puku tere Sunahan na tere Iesu Kristo a Tsunono. Alia e koloto menagi u pas teka i tamilimiou u Jiu te ka mia tara man taina man han, bate hala negu u hanhaniga i tamilimiou.

2 Pita 2:3

Tara markato te gono be menarien a peisaren a mamanaka, nori e hatei has rari limiou romana a man ranga pinopino bate luer a moni. E Sunahan e solon hopö kapiin a nihahuna i taren, na nori e taia hamana riou.

U pas te kolotein e Jut 1:1

Alia e Jut, a katunun kui tere Iesu Kristo, e toular e Jemis. Alia e koloto menagi u pas teka i tamilimiou, u katuun te ngöri e Sunahan. E Sunahan e Tamarara e ngil koru ranou limiou, na e Iesu Kristo te taratara kap ranou limiou.

U pas te kolotein e Jut 1:12

U katuun teka e kato homi here rari limiou, a ka a korkoriana te kato homiena u hasobö. Pöata te gono hoboto sile mia limiou a kannou bate haröto has nemiou te hiangilngil uami limiou, nori emi nou gono has mera riou limiou. Ba nori te hirata pinopinor bate hakats peisa has ner a peisaren. Nori e here rari u köasi u ruruhana te möa ta langits te söata ba nena a lomolomo. U köasi teka ema taguhe nei a manka ni puta, na u katuun has teka e mastein hihatutsur. Kaba nori e here haseri a ruei tema mala huari tara pöatan hua na tara mamana pöata. U ruei tema mala hua nei e kaho ba ner, bate lango nitöana. Na u katuun has teka ema habuteri ta markato tega taguhir u katuun.

U pas te kolotein e Jut 1:16

U katuun teka e roron ranga homi ner a nikaka i taren bate mamala sasaalari. Nori e kukutier u ngilngil u omi i taren. Nori e ranga sesei ner a peisaren na nori e angoso raier u katuun tegi lube meraien ta ka.

Revelesin 1:1

U hiharöto tere Iesu Kristo. E Sunahan e haleien a manka teka ega haröto raien u katunun kui i tanen a manka tena butu nou romana. E Kristo e hala mena mei a angelo i tanen i tar, alia e Jon a tsonun kui i tanen, me haröte nei lia a manka teka.