U pas te koloto menai e Pol turu kristenira i Rom 16:13 - U Bulunagana U Niga

¹³ Hala has naiam u haniga tere Rupas, a tsomi koru tara Tsunono, na tere tsinanen has te kato here nai lia a pien i tanen.

U pas te koloto menai e Pol turu kristenira i Rom 16:13 Iomraidhean Croise

Matiu 20:16

Be Iesu e poeiena, “U katuun ti hamurimuri nori tena mamir romana, na u katuun ti mammam nori tena murimurir romana.”

U Bulungana u Niga tere Iesu Kristo te kolotein e Mak 15:21

Nori i tupali a töa toun Sairini, a solonen e Saimon e tamar ere Aleksenda mere Rupas. Ba nori e lue ren me hatöerien a kuruse tere Iesu.

U Bulungana u Niga tere Iesu Kristo te kolotein e Mak 3:35

Eresi te markato uaier turu ngil tere Sunahan, nori u toular na u hahinar na u tsinar.”

U Bulungana u Niga tere Iesu Kristo te kolotein e Jon 15:16

Alimiou uma hopö kap nami lia kaba alia tu hopö kap raiou limiou. Na lia u tus raiou limiou tego tataala uaiam limiou bate katoe miou u ngil tere Sunahan. Be Tamar te hala ranoui limiou a manka te singo sile moua limiou tara solor i tanen.

U Bulungana u Niga tere Iesu Kristo te kolotein e Jon 19:27

Ba nonei e poeiena i tar, “E tsinamölö teka.” Na nonei tara pöata teka ba lia e lu menagi e tsinana e Iesu tara luma i tar tegona ka nitöaien.

U pas te koloto menai e Pol turu kristenira i Rom 16:12

Na lia e haniga has uagu tere Traipina mere Traiposa, te kukui ber a Tsunono, na tere Pesis a tsomi i tar te kui hapara koru has bei a Tsunono.

U pas te koloto menai e Pol turu kristenira i Rom 16:14

Na haniga has raiam ere Asingkritus mere Pligan ne Hermis ne Patrobas ne Hermas na palair u kristen has te ka gono mera ren.

Epesis 1:4

I mamuma te habuteia e Sunahan u kolö na u puta, nonei e hopö kap sil raira tegi katuun uu ra i tanen, te hamana uarara tere Kristo. Nonei e ngilena tegi katuun uu ra i tanen batema ka merei ta markato ta omi i matanen.

2 Tesalonaika 2:13

Alam e roron haniga bera mou limiou tere Sunahan, alimiou a pala te taatagi sil rena a Tsunono. Taraha, e Sunahan e hopö kap raiou limiou i mam noa tego lu pouts meraien limiou i tanen. Pöata tu hamana mia limiou turu ranga hamana, u Namnamei i tanen e kato hagogosi a torimilimiou.

1 Timoti 5:2

Na lö go kato rai a touhaliou pan u tsinamölö bate kato here has rami u kukubei u hahinamölö turu hakats u gogoso.

2 Jon 1:1

Alia e Jon, a tson a kapan i tamilimiou. Alia e koloto menagi u pas teka i tamölö a tahol te hopö kapiin e Sunahan na galapien has i tamölö. Alia na u katuun hoboto te atei silem u hihatuts u mana, e ngil hamana koru ramou limiou, taraha u raranga u mana e ka nitöana i torirara.