U pas te koloto menai e Pol turu kristenira i Rom 15:26 - U Bulunagana U Niga

²⁶ Taraha, a hun katuun tere Kristo i Masedonia na i Gris e hala naier u moni tegina taguhu merai u katuun tere Kristo i Jerusalem ti möa ta ka.

U pas te koloto menai e Pol turu kristenira i Rom 15:26 Iomraidhean Croise

Matiu 25:40

“Ba lia te ranga palis ragouen bate peigou i taren, ‘Na lia e hatei hamana koru ragou limiou, tu katoe mia limiou a markato teka ta töa tara man hahatoulana i tar, alimiou u kato be mien lia.’

Matiu 26:11

Alimiou e ka gonon töa mera mou u katuun te moar ta moni. Kaba lia ema tatei ka gonon töa mera goi limiou.

U Bulungana u Niga tere Iesu Kristo te kolotein e Luk 14:13

Pöata te katoe mia lö a kannou, ngöri u katuun ti möa ta ka, na u tuenrei omi, nu mou omi, na u matakiou.

U Bulungana u Niga tere Iesu Kristo te kolotein e Luk 6:20

E Iesu e tara uu turu katunun tsitsilo i tanen me poeiena, “Sasaalaiam, alimiou ti möa ta ka. Taraha? A Nipepeito tere Sunahan e ka uana i tamilimiou!

Aposol 16:12

Alam u laban i Niapolis be kete uaiem tara taun i Pilipai, a han pan tara provins i Masedonia, a han has turu katunura i Rom. Ba lam e gamon ka bumia i Pilipai.

Aposol 16:9

Tara bong be Pol e tarena u töa u hiharöto. A töa tsonuna i Masedonia e tuol me poeiena i tanen, “Alö go aroho uama i Masedonia batemi taguhu ramou lam!”

Aposol 18:12

Kaba tara pöata te gamman ia e Galio i Gris, ba u Jiu e takei hobotor mena luerima e Pol. Ba nori ena piou narien turu kout me poeier, “A katuun teka e roron hatuts ranei u katuun tegi kato menaien u mar lotu tere Sunahan tema matskö neia tara Lo i tamulam u Jiu.”

Aposol 19:21

Na i murina a manka teka, ba u Namnamei tere Sunahan e haleie nei e Pol u hakats tega la uaien tara provins i Masedonia na i Gris, bate la hamurimuri uana i Jerusalem. Be Pol e poeiena, “I murina tena tare goua lia a man han teka, balia tena tara hase gou i Rom.”

Aposol 9:13

Be Ananias e ranga palisina me poeiena, “O Tsunono, u katuun u para ti hate ii lia a katuun teka. Nori i pei nonei e kato hakamits korur u katuun i tamölö i Jerusalem.

1 Korin 16:15

Bara a matsi hahatoulana alimiou e atei silemiou e Stepanas na pal katuun i tanen. Nori u katunura i Gris ti hamana tutuun uu tere Kristo. Turu ngil peisa i taren ba nori te taguhu koru rer u katuun tere Sunahan.

1 Korin 16:5

Alia e la mam buagou i Masedonia, ba lia te töan la uagou i tamilimiou.

2 Korin 1:16

Alia u hakatsin tegona tara mam merai limiou bate töan la uagu tara provins i Masedonia, balia te kopis pouts guma batemi tara lel ragou limiou, ba limiou te tatei taguhe moulia tego la lel uu lia tara provins i Judia.

2 Korin 11:9

Na pöata tu ka gono meraia lia limiou ba moni i tar e makmakumuna, alia uma singoe ii ta moni i tamilimiou. Taraha, a matsi hahatoulana ti lama i Masedonia i mi pioue ii lia a manka tu ngili lia. Alia uma mala singoe ii ta moni i tamilimiou, na lia ema antunan hatiama ragi limiou bate singoe gou ta moni tara man pöata te la nama.

2 Korin 2:13

Kaba lia uma kamei ta niniganiga, taraha alia uma antunan sabei e toularara e Taitus. Ba lia e laba regu u katuun i Troas me lauagu i Masedonia.

2 Korin 7:5

I murina tina tukuia lam i Masedonia, alam uma husa ii. A nomi e butuia i tamulam tara mamana pala. Alam na palair u katuun u hiaraharaha, na torimulam e matout koru has.

2 Korin 9:12

A toukui a niga teka te katoe milimiou e taguhu rena u katuun tere Sunahan, ba u katuun u para te hengo narouen bate haniga koru uariou tere Sunahan.

2 Korin 9:2

Alia e atei silegu alimiou e ngilin taguhu ramen. Pöata tena ranga goua lia tara tei Masedonia, alia ena ranga sesei nitöa ragou limiou bate poeiegu, “A matsi hahatoulana tere Kristo tara provins i Gris i ngilin hala noa hasiin a monin hitaguhu turu hiningal te la hakapa.” U ngilin hitaguhu i tamilimiou e kato has ranen ba nori te ngilin hitaguhu hasir.

2 Korin 9:4

Ara ena mots matsingolora tegi na sabe menai a tei Masedonia te la gono mere gulia, tegoma kato taatago menami limiou ta moni tu mar ranga uu lia.

Pilipai 4:15

Alimiou u katunura i Pilipai e atei miou, a pöata tu laba naia lia a provins i Masedonia temi rarare mameia lia u Bulungana u Niga, alimiou puku a pal katunura turu lotu tu taguhe moulia tara markato tu hala mena milimiou a moni na man taina manka has. Kaba palair u katuun, e möa.

1 Tesalonaika 1:7

Alimiou u haröto naiam a markato a niga bu katuun hoboto e hamana uar tere Kristo tara provins i Masedonia na tara provins i Gris e markato haniga has uaier tu markato uaiam limiou.

1 Tesalonaika 1:8

U bulungana tara Tsunono te butu mam ia i tamilimiou me tasata uana i Masedonia na i Gris na turu han i lehana. Alam ema antunan ranga lel nami ta ka, taraha u katuun turu han hoboto i hengo hakapein u nihamana i tamilimiou tere Sunahan.

1 Tesalonaika 4:10

Na lam e atei silem alimiou e ngil hamana ramiou a man hahatoulana hoboto i tamilimiou te hamana uaier tere Kristo te ka ria tara mamana han i Masedonia. Kaba lam e hatei noahas ramou limiou a matsi hahatoulana i tamulam, alimiou go hiangilngil pouts noahasiam, ba u ngil teka te pan susul nou.

1 Timoti 1:3

Tara pöata tu la uu lia tara provins i Masedonia, alia u ngili alö go kakaia tara taun i Epesis, ba lö te hapiou rem a palair u katunura i Epesis te hihatuts ner u raranga u gamo.

Pilimon 1:5

Taraha, alia u hengoen te ngil koru mera mi lö u katuun hoboto tere Sunahan na te hamana koru has ua mölö tere Iesu a Tsunono.