U pas te koloto menai e Pol turu kristenira i Rom 15:14 - U Bulunagana U Niga

¹⁴ A matsi hahatoulana, alia e hamanegu alimiou u katuun u niga koru ba limiou te ka memiou a niatei te antunan hatuts pouts memi limiou a peisamiou.

U pas te koloto menai e Pol turu kristenira i Rom 15:14 Iomraidhean Croise

1 Korin 1:5

tara mar maroro te habulungana mena milimiou u raranga tere Sunahan, na temar atei sil menari a niatei tere Sunahan na man raranga i tanen.

1 Korin 12:8

A töa e haleri a nitagala tego ranga meien u hakats u niga, na tabi e haleri a nitagala tego habulungana menaien a niatei a niga.

1 Korin 13:2

Na te ka megia lia a nitagala turu propet, na nitagala tego atei sil menai lia a mamanaka te mousuna na mamana niatei, na te ka megia lia u nihamana te tatei hasula megi lia a man pokus bate moana tu ngil tara tana katuun, alia a katuun papala tuun.

1 Korin 8:1

Tara kannou ti haats nai u kesa alimiou e poeiemiou, “Alam hoboto e atei silem a ka te matsköna.” Kaba a niatei tuun te kato ha hihipusena a katuun. A markato te ngil menari a tana katuun nonei te taguhena a katuun.

1 Korin 8:10

Taraha, te tare roua lö, alö te kamem a niatei e nou mia iahana luman lotu turu kesa, ba nori te ngilin nou hase riou a kannou te haats ba naria turu kesa.

1 Korin 8:7

Kaba para a katuun ema atei silenei a ka teka. Taraha nori e hakats noa has naier u kesa. Na pöata te noue rien a kannou turu haats, nori e poeier u haats tara got hamana. Nori e hakats hapara ner a ka teka ba a tsitabubun hakats i taren te omina.

2 Korin 8:7

Kaba te kato haniga mia limiou tara mamanaka, turu nihamana na tara niatei, na temar takei uami limiou temar ngil mena mi lam alimiou, alam e ngilem alimiou go markato haniga has uaiam teka tara toukui te hala naria a monin hitaguhu.

Epesis 5:9

Taraha, u ualesala te habutena a mamanaka te nigana na te matsköna na te manana.

Pilipai 1:11

Ba limiou te saputu memiou romana a man markato a man niga te habuteiena e Iesu Kristo, bate töan hapanemiou e Sunahan bate soloseie men.

Pilipai 1:7

E niga nitöana temar hakats mera gilia limiou teka, taraha a torir e roron hakats sil nitöa ranoulimiou. E Sunahan e kalala hoboto raioura tara pöata tuma ka noaia lia tara karabus, bate kato hatagala noahasegu u Bulungana u Niga. Na e Sunahan e kalala noahas ranou ra i romana te ka gia lia tara karabus.

Kolosi 3:16

U raranga tere Kristo ega ka nitöaia i torimilimiou bate hatakuieiena a mamanaka a niga. Hatuts rami u katuun a mamana niatei a niga ba nori te kukutie ren. Ba limiou te kömemiou u sam na u köman lotu na u köma te hatakeiena u namnamei u göagono i torimilimiou. Tara pöata te köma mia limiou, ba torimilimiou te haniga has uana tere Sunahan.

1 Tesalonaika 5:11

E kato uana teka, ba limiou te hiatagtaguhu miou bate hatagale miou a taina katuun ti roron markato uaiam limiou.

1 Tesalonaika 5:14

Na lam e hatei hatagala has ramou limiou go ranga meraiam u katuun u karous egi kukui pouts. Kato ha ongolo pouts raiam u katuun te matoutur, bate taguhu ramiou u katuun tema tagalari. Na limiou goma ranga sisi memi a tana katuun.

2 Tesalonaika 1:11

Ba lam te singo nitöa bera moulimiou. Alam e singo silem e Sunahan te hopö kap raiou limiou e tatei haniga ranou limiou, bate hala ranei limiou a nitagala tego kato memi limiou a ka a niga hoboto te ngilin katoe milimiou, na tego hakapa haniga mena milimiou a toukui te hamane milimiou be Sunahan te taguhu ranou limiou.

2 Timoti 1:5

Alia e hakats pouts negu u nihamana i tamölö u tagala koru te ka noa mam ma tere tubumölö a tahol e Lois, be la lel nama tere tsinamölö e Eunis na lia e hamanegu e ka has na i tamölö.

Pilimon 1:21

Alia e koloto megi u pas teka taraha, alia e atei silegu alö e kato bemoi lia a ka teka, na man palaina a manka lel has.

Hibru 5:12

Alam u solon hatuts raiou limiou antunana alimiou go hihatuts hamanasa iam. Kaba e möa. Alimiou e ngil noa hasemiou a tana katuun tega hatuts lel railimiou a man markato turu raranga tere Sunahan ti hatuts tutuun railimiou. Alimiou e here pouts lel rami u göama te sus noar, tema antunan noueri a kannou a kihil.

Hibru 6:9

Alam e mar ranga uaiem teka, kaba lam e hamanem a markato i tamilimiou e niga bala nena a markato a omi teka, taraha e Sunahan e lu pouts raiou limiou.

2 Pita 1:12

Nonei te ngilin ranga hatei kapin töa mera gilia limiou ba u hakats i tamilimiou te hakats kap nitöanena a manka teka, noahasina ti atei sil hakapa memien limiou bate tuol hakarapoto mia turu raranga u mana tu lueiam limiou.

1 Jon 2:21

Alia ema poeiegi alimiou ema atei silemi a manka te manana, ba lia te koloto uagu i tamilimiou. E möa. Alia e koloto uagu i tamilimiou taraha alimiou e atei silemiou a manka te manana, na limiou e atei sil hasemiou e möa ta töa ta ka ta gamo tega tatei butuma tara manka te manana.