U pas te koloto menai e Pol turu kristenira i Rom 15:13 - U Bulunagana U Niga

¹³ E Sunahan e tatei hala ranei ra u raranga hamana tegi hamana sil menaien ra. Nonei e tatei kato hasasaala ranou limiou bate hala ranei limiou a masalohana te hamana uami limiou i tanen. Ba u Namnamei i tanen te hala ranoui limiou a nitagala tego hamana nitöa uamia limiou turu raranga hamana i tanen.

U pas te koloto menai e Pol turu kristenira i Rom 15:13 Iomraidhean Croise

U Bulungana u Niga tere Iesu Kristo te kolotein e Jon 14:1

“Alimiou goma tokumi. Hamana uaiam tere Sunahan na i tar.

U Bulungana u Niga tere Iesu Kristo te kolotein e Jon 14:27

“Alia e laba meragi limiou a masalohana, a masalohana i tar alia e hala ragien limiou. Alia ema mar hala uagi temar hala uar u katunura i puta. Kaba a masalohana i tar e niga bala nena a masalohana i taren. A torimilimiou egoma toku ii na egoma matout has ii.

U pas te koloto menai e Pol turu kristenira i Rom 12:12

A ka te hamana sile milimiou e tatei hasasaala ranou limiou. Te butuna u tori tiama, ba limiou te tuatamimiou. Alimiou go singo nitöa uaiam tere Sunahan.

U pas te koloto menai e Pol turu kristenira i Rom 14:17

Taraha, a Nipepeito tere Sunahan ema kannou nei na ema kaan ua nei. E möa. A Nipepeito tere Sunahan a mouna a markato a matskö i matana e Sunahan na masalohana na nisasaala te hala ranei ra u Namnamei u Göagono.

U pas te koloto menai e Pol turu kristenira i Rom 15:5

E Sunahan te tuol hatagala nitöana na te hatagala nitöa ranoura ega hala rai limiou a masalohana bate kukutemiou a markato tere Iesu Kristo.

1 Korin 2:4

A man raranga na man hihatuts i tar ema tagala ii tego tuke menaien a katuun. E möa. U raranga i tar e harötein a nitagala turu Namnamei tere Sunahan.

2 Korin 9:8

Be Sunahan te tatei hala ranei limiou a mamanaka a niga, ba limiou tema makmakum ba namoi ta ka. Ba limiou te ka memou a mamanaka te antunan kate moa limiou a mamana toukui a niga.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

Epesis 1:2

E Tamarara e Sunahan na e Iesu Kristo a Tsunono e tatei taatagi ranou limiou bate hala has ranei limiou a masalohana.

1 Tesalonaika 1:5

Taraha a pöata tu hala naia lam u Bulungana u Niga i tamilimiou, alam uma ranga papala ii. E möa. A nitagala tere Sunahan na u Namnamei u Göagono i tanen e taguhema u raranga i tamulam, na e haröto hasiin u raranga i tamulam e manana. Alimiou e atei silemiou a markato a niga i tamulam e taguhu has raiou limiou ba limiou te hamana miou.

1 Timoti 1:1

Alia e Pol, a aposol tere Iesu Kristo. E Sunahan te lu pouts raiou ra na e Iesu te hamana riara nori i hopö kap silei lia tego aposol uu lia.

Hibru 6:11

Na lam e ngilem alimiou a man tötöa ego markato haniga noahas uaiam teka, antunana te butu hamana noa romana a manka te hamana silemi limiou.

1 Pita 1:8

Noahasina alimiou ema tare mien, kaba limiou e ngile men. Na tema tara noahas memien limiou i romana, kaba limiou e hamana mia i tanen. Ba limiou te sasaala memiou a nisasaala a kapan koru te pan bala nena u raranga te torohanan hatei nanen.