U pas te koloto menai e Pol turu kristenira i Rom 14:8 - U Bulunagana U Niga

⁸ Ara e töatöa silera tegi kato hasasaala mei a Tsunono. Na nimate has i tarara, a ka peisa noahas tara Tsunono. Te töatöa ria ra tsi te mate ria ra, ara u katuun tara Tsunono.

U pas te koloto menai e Pol turu kristenira i Rom 14:8 Iomraidhean Croise

U Bulungana u Niga tere Iesu Kristo te kolotein e Luk 20:38

A ka teka e ranga nena nonei e Sunahan uana turu katuun te töatöar. E ma Sunahan uanei turu katuun u mate. Taraha? I matana e Sunahan, nori hoboto e töatöa noar.”

U Bulungana u Niga tere Iesu Kristo te kolotein e Jon 21:19

E Iesu e mar ranga uu teka bate haröto nena temar solosei mena nei romana e Pita e Sunahan tara pöata te atung hamate rien romana. Be Iesu e poeiena i tanen, “Kukute mou lia.”

Aposol 13:36

“U ranga teka ema hatei nanei e Devit. Taraha, i murina te katoeia e Devit u ngil tere Sunahan tara pöata i tanen, ba nonei e töan matena ba nori e kaho narien ti kaho raia u tubunen, ba nonei e koremena.

Aposol 20:24

Kaba lia ema hakats hapara nagi tego töatöa uu lia tsi tego mate uu lia. Kaba lia e hakats sil koruegu tego antunan hakapa haniga menai lia a toukui teka tu lueia lia tere Iesu a Tsunono, a toukuina te hatei menari u Bulungana u Niga tara nihitaguhu tere Sunahan.”

Aposol 21:13

Ba nonei e ranga palisina me poeiena, “Aha te tabe sile milimiou? Alimiou e kato hatitiama koruemiou a torir. Te ngilin kits narouen lia tara karabus, alia e tatei karabusugu, na lia e haniga hasigu tegona mate sil menai lia e Iesu i Jerusalem.”

1 Korin 15:23

Kaba ara a man tötöa egi hahaloso bi a pöata hamatskö i tarara. E Kristo te takei mam, ba ra te pala uaier tere Kristo te takei pouts has roua tara pöata tena la pouts namen romana.

Pilipai 1:20

A torir e ngil hatagala koruena na e hamana koru hasena alia ema katoe goi ta ka tego kato hamatsingole ioulia. Na tara mamana pöata alia ema ngilin matout gi. Na lia e ngilegu a peisar hoboto ega hapani e Kristo, te töatöa noa gialia tsi tena mate goalia.

Pilipai 2:17

Alia toum e mate gou bate here goi u haats te la uana tere Sunahan, taraha alia u taguhu raiou limiou tego hamana uaiam limiou. Te mate hamana goua lia, alia e sasaala noahas gou.

Pilipai 2:30

Taraha, nonei e kui bei e Kristo e antunaia te sukusukun mate uaien. Nonei e kato sil tega kato hakapa menaien a toukui tima antunan kato hakapa bemi limiou alia.

1 Tesalonaika 5:10

Nonei e mate sil tegi ka nitöa gono menaien ra, noahasina te töatöa noa roa ra tsi te mate hakapa mam rouara tara pöata te la pouts namen romana.

Revelesin 14:13

Ba lia e hengoegu u töa u raranga i Kolö bate poeiena i tar, “Alö go kolotein a ka teka: Sasaala iam u katuun tara Tsunono tena mate riou te taniana i romana bate la lasina!” Ba u Namnamei tere Sunahan e poeiena, “U mana koru! Nori e husa roua tara toukui i taren. Na markato a niga ti katoeien e la gono has merouen.”