U pas te koloto menai e Pol turu kristenira i Rom 13:9 - U Bulunagana U Niga

⁹ U raranga u kapan te poeiena, “Alö go ngil koru menai a tana katuun temar ngil has mena milö a peisamölö.” U raranga teka nonei a mouna u raranga te poeiena, “Alö goma tsikolo ii. Alö goma hihipöli ii. Alö goma kop ii. Alö goma tortor sile ii a ka tara tana katuun.” Na a markato tego ngil menai lö a tai e mouna has uana tara palaina u raranga.

U pas te koloto menai e Pol turu kristenira i Rom 13:9 Iomraidhean Croise

Matiu 22:39

Na u hahuoluna u raranga u kapan e kato uana teka, ‘Alö go ngil korui a tana katuun temar ngil has mena milö a peisamölö.’

U Bulungana u Niga tere Iesu Kristo te kolotein e Mak 10:19

Alö e atei silem u Maloto u Raranga tere Sunahan. E markato uana teka: ‘Alimiou goma hihipulimi. Na egoma tsikolomi. Na egoma kopkopmi. Na egoma gamogamomi. Na egoma gamo nami a manka tara tana katuun bate luemen. Hapaneiam e tamamilimiou na e tsinamilimiou.’”

U Bulungana u Niga tere Iesu Kristo te kolotein e Mak 12:31

Na u hahuoluna u raranga u pannen teka: ‘Alö go mar ngil koru mei a tana katuun temar ngil koru has mena milö a peisamölö.’ E möa tu tana tu mar raranga tega pan balein u huol u raranga teka.”

U Bulungana u Niga tere Iesu Kristo te kolotein e Luk 10:27

Ba nonei e poeiena, “U Buku u Göagono e poeiena, ‘Alö go ngil koru a Tsunono i tamölö e Sunahan turu tori hoboto i tamölö nu namnamei na nitagala na u hakats hoboto i tamölö, bate ngil has menami a tana katuun temar ngil mena milö a peisam.’”

U Bulungana u Niga tere Iesu Kristo te kolotein e Luk 18:20

Alö e atei silem a man lo tere Sunahan. Hena: ‘Alö goma tsikolo ii. Alö goma hipuli ii. Alö goma kop ii. Alö goma gamogamo ii. Alö go hapani e tamamölö na e tsinamölö.’”

Galesia 5:13

Kaba alimiou a matsi hahatoulana, e Sunahan e ngö sil rai limiou tego hapolasa ba mena milimiou a Lo. Kaba u raranga teka ema ranga nanei alimiou go pekoeiam a Lo bate kukute lase miou u ngilngilina i puta. E möa. Kaba e Sunahan e hapurese sil rai limiou tego hiangilngil uaiam limiou bate hiatagtaguhu miou.