U pas te koloto menai e Pol turu kristenira i Rom 13:7 - U Bulunagana U Niga

⁷ Alimiou go hala naiam a mamana takis turu katuun te lulueier a takis. Na limiou go hapan has raiam u katuun te panir bate solosei ramen.

U pas te koloto menai e Pol turu kristenira i Rom 13:7 Iomraidhean Croise

Matiu 17:25

Be Pita e poeiena, “Aa.” Ba tara pöata te tasuia e Pita i luma me katsin rangana, be Iesu te ranga mam tsiponna i tanen me poeiena, “O Saimon, u saha u mar hakats i tamölö? Esi te holena a takis turu king tara man han i puta? U katuun hamatskö tere king tsi u katuun halhal?”

Matiu 22:21

Ba nori e poeier, “E Sisa.” Be Iesu e poeiena i taren, “Bara, hala talemi e Sisa a manka i tanen, bate hala hasemi e Sunahan a manka i tanen.”

U Bulungana u Niga tere Iesu Kristo te kolotein e Mak 12:17

Be Iesu e poeiena, “Bara, halemi e Sisa a manka i tanen, bate hala hasemi e Sunahan a manka te ka uana i tanen.” Ba nori e asingoto koru ner ti hengo menaien a ka te rangein e Iesu.

U Bulungana u Niga tere Iesu Kristo te kolotein e Luk 20:22

Bara, alö go ranga mera moulam, e niga hasina tara Lo i tarara tegi takis uu ra tere Sisa, tsi e möa?”

U Bulungana u Niga tere Iesu Kristo te kolotein e Luk 20:25

Be Iesu e poeiena, “Bara, halemi e Sisa a manka tere Sisa, bate hala hasemi e Sunahan a manka tere Sunahan!”

U Bulungana u Niga tere Iesu Kristo te kolotein e Luk 23:2

Ba nori e tanian kout ner e Iesu me poeier, “Alam u tari a katuun teka e kato hatuturi u katuun i tamulam turu hihatuts i tanen. Nonei e ranga hapiouni tego hala menai lam a takis tere Sisa. Na nonei e roron ngöe nei a peisanen e Mesaia, a king.”

U pas te koloto menai e Pol turu kristenira i Rom 12:10

Hiangilngil iam te kato uar a man hahatoulana hamana. Na limiou go hapaneiam a tai i tamilimiou.

U pas te koloto menai e Pol turu kristenira i Rom 13:6

Nonei a ka te hol sile milimiou a takis, taraha u katuun tara gamman e kui beier e Sunahan te katoe rien a toukui i taren.

Epesis 5:33

Na limiou a man tötöa a man tson ego ngil koru raiam a man touhaliou i tamilimiou, temar ngil has mena milö a peisa mölö pouts, na limiou a touhaliou go haka puteiam a peisa milimiou tara pal tson i tamilimiou.

Epesis 6:5

U katunun kui, alimiou go hengo raiam u tson mammam i tamilimiou. Alimiou go hapan ramen bate torohana hatagala silemiou tego kato hasasaala mera mien. Na limiou go kui hanigaiam bate kui heremi u katunun kui tere Kristo.

1 Timoti 5:13

Nori u amoaba teka toum e ka pinopino riou bate hula la uar tara man luma. Na nori toum e ranga pinopino sil hase riou a palair u katuun bate kato pinopino tunur bate ranga has ner a manka tegi ma ranga naien.

1 Timoti 5:17

U tsunono te kui haniger a toukui i taren egi hala rai u tara marei pan, e la koru uana turu tsunono te rararer na te hihatuts hasir.

1 Timoti 6:1

U katuun te karia tara tou kits turu katunun kukui puku egi tara marei a tsunono i taren bate solosei raren. Taraha, u katuun e namots ranga hohomi ner a solo tere Sunahan na u hihatuts i tarara.

1 Pita 3:7

Alimiou has a pal tson, alimiou go hakats haniga raiam a touhaliou i tamilimiou, taraha a tahol ema mar tagala uanei temar tagala uana a tson. Na limiou go hapan has ramen, taraha nori has e lu gono mera roi limiou a nitöatöa tere Sunahan. Alimiou go markato uaiam teka, bate möa nou taka tega antunan hatu kap naiou a man singosingo i tamilimiou.