U pas te koloto menai e Pol turu kristenira i Rom 13:12 - U Bulunagana U Niga

¹² A pöata a omi teka te here nei a bong e katsin kapana, na pöatan pepeito kap tara nitsunono tere Kristo te here nei a lan e sukusukuna. Aragi hanöa a markato a omi te ka uana turu kuhil bate katoera a markato a niga te ka uana turu ualesala.

U pas te koloto menai e Pol turu kristenira i Rom 13:12 Iomraidhean Croise

U pas te koloto menai e Pol turu kristenira i Rom 13:14

Alimiou go katoeiam a markato tere Iesu Kristo a Tsunono. Alimiou ema tatei kukute lenemi u ngil turu tuenrei i tamilimiou.

1 Korin 10:11

A manka hoboto teka e butu sil tegi haröto meraira tegima markato uaira teka. I koloto sileien tego hatuts meraien ra a man markato teka, ara te töatöa noara te ka ria turu tsiktsiki teka te katsin kapa hamanasana a pöata.

1 Korin 7:29

A ma tsi hahatoulana, u raranga i tar e mar mouna uana teka: a pöata i tarara i puta e makmakumuna. Na e möa ta ka tego tatei hatu kap ba rai limiou u ngilngil tere Sunahan. A katuun a hitöl goma hakatsin töapala nai a hitöl, kaba ega hakats hasiin a toukui tara Tsunono tego mar hakats has uu a katuun a tabuna hitöl.

2 Korin 10:4

Alam ema hiatatung memi a mankaan hiatatunguna i puta. E möa. Alam e hiatatung mem a man kaan hiatatung a man tagala tere Sunahan te antunan kato homiena a manka te tagala koruna.

2 Korin 6:7

Alam e ranga hamanam na lam e ka mem a nitagala tere Sunahan. Alam e kui mem a markato a niga na matskö tara pal matou na u raranga tere Sunahan tara pal keruka.

Epesis 4:22

Na limiou go ba neiam u ngilngilina i puta i tamilimiou. U ngilngil teka e kana tara nikaka mam i tamilimiou na nonei e kato homi susul ranou limiou.

Epesis 5:11

Alimiou goma ka gono merami u katuun te katoeier a markatona turu kuhil. E ma habute nei ta ka ta niga. Na limiou go haröto naiam te omi uana a markato teka.

Epesis 5:8

Alimiou i ka has mia turu kuhil. A ka teka e haharuei nena a markato a omi. Kaba i romana alimiou e ka tala mia turu ualesala tara Tsunono. Ba limiou te ka here rami u katunura turu ualesala.

Hibru 10:25

Ara gima hanöan hagum ii, te markato uaier a palair u katuun. E möa. Aragi kato hatagala kap nitöari a man hahatoulana, taraha u Lan Pan tara Tsunono e sukusuku hakapama.

Hibru 12:1

Aragi hakats silir u katuun u parpara te ka hahis rarioura ti harötein u nihamana. Na ragi luban a mamanaka hoboto te kato halolomoto ranoura, tegi piata ura turu resis te hopö kap beraira e Sunahan. Aragi luban a man markato a man omi te pile kap ranoura, bara te kukute hatagalera a maroro te haröto raira e Sunahan.

Jemis 1:21

Alimiou go tsugaba neiam a man markato hoboto te korkorianana na te omina. Alimiou go haka puteiam a peisa milimiou tere Sunahan bate sasaala memiou u raranga te hakeien i torimilimiou, taraha u raranga teka e tatei luba pouts ranei limiou a niomi.

Jemis 5:8

Na limiou go hahaloso haniga hasiam. Kato hatagaleiam a torimilimiou, taraha a Tsunono e sukusukun la nama.

1 Pita 2:1

Alimiou go hapolasa ba naiam a man markato a man omi i peisa milimiou. E möa tu kato leneiam tu ranga tu gamo, na e möa lel tego ranga homi sil mera milimiou a palai.

1 Pita 4:7

A nikapakapa tara mamanaka e susuku hakapa. Nonei tego hakats halesala haniga beiam limiou bate hakats haniga mia i peisamiou ba limiou te tatei singo uamiou tere Sunahan.

2 Pita 3:11

Na temar taia tala uana romana a mamanaka tara markato teka, ba limiou te kato hatagala sil talemiou tego niga koru uaiam limiou bate hala nemiou a peisa milimiou tere Sunahan.

2 Pita 3:9

A Tsunono ema hamokomoko nei tega kato menaien a manka te ranga hamana naien tega katoeien, temar hakats uaier a palair u katuun. E möa. Nonei e hahaloso ranou limiou, taraha nonei ema ngile nei ta töa ta katuun ega taia, kaba e ngilena u katuun hoboto egi habirits ban a man hakats na man markato a man omi i taren.

1 Jon 2:18

A matsi galapien, nonei i romana a kapakapana pöata. Alimiou u hengo noahas neiam tega butu uama romana a ka te korupaköni e Kristo. Na u katuun u parpara te korupakö ner e Kristo i butu hakapa. A ka teka e haröto raneira a pöata i romana a kapakapana pöata.

Revelesin 1:3

A katuun te ritena u raranga teka na u katuun has te hengoer a manka ti koloto naia turu rangan propet teka bate kukutie ren, egi sasaala. E hatei nena a manka te butu nou, na pöata e sukusuku nama te butu hamana noua a manka teka.

Revelesin 22:10

Ba nonei e pei hasena i tar, “Alö goma hamouse ii u raranga turu buku teka te hatei nena a manka te butuna romana. Taraha? A pöata te butu hamana noien e sukusuku nama.