U pas te koloto menai e Pol turu kristenira i Rom 12:8 - U Bulunagana U Niga

⁸ Te ka memia lö a nitagala tego hatagala menai lö a nihamana tara palai, balö te kato hasemen. Te hitaguhu mia lö tara moni, alö a tatangana. Te tara kap ramia lö a palai, ba lö te hipakoko hanigam batema karousmi. Te taatagi sile mia lö a palai, balö te taguhu ramen bate sasaalam.

U pas te koloto menai e Pol turu kristenira i Rom 12:8 Iomraidhean Croise

Matiu 25:40

“Ba lia te ranga palis ragouen bate peigou i taren, ‘Na lia e hatei hamana koru ragou limiou, tu katoe mia limiou a markato teka ta töa tara man hahatoulana i tar, alimiou u kato be mien lia.’

Aposol 11:23

Pöata tena tukuien, ba nonei e tarena a nihitaguhu tere Sunahan e ka gono meraien, ba nonei e sasaalana. Na nonei e kato hatagali u hakats turu katuun hoboto tegi hatagala menaien a toriren bate hamana nitöa uaier tere Sunahan.

Aposol 13:12

Pöata te tareia e gamman a ka teka ba nonei e töan hamanana. Nonei e asingoto koruni u hihatuts tara Tsunono.

Aposol 13:15

I murina ti rit hakapeia u ranga tara Lo tere Mosis na palaina u raranga turu propet, ba tsunono na turu lotu e tuoluna me poeiena, “A matsi hatoulana, te ka memia limiou ta tsi rangan hitaguhu turu katuun, ba limiou te tatei hatei namen.”

Aposol 15:32

Ere Judas mere Sailas nori has u propet i hala rai u kristen u raranga u niga u parpara te kato hatagali a toriren.

Aposol 20:2

Pöata te tataala hakapa la len tara man makum teka, me hala has nalala u rangan hitaguhu u parpara turu kristen, ba nonei ena töan butuna tara provins i Gris, te keien a topisa a tsihou. Pöata te katsin osa ien tara tolaala tega la uaien i Siria, kaba u Jiu i korupakö naien. Ba nonei e hakats nena tega sila pouts uaien i gusuna i Masedonia.

Aposol 20:28

Alimiou go tara kap haniga naiam a peisa milimiou na u katuun hoboto tere Iesu, te here rari u sipsip. U Namnamei u Göagono e hopö kap raiou limiou u katunun taratarakap i taren. Taraha, nonei e ngilena alimiou go taratara kap haniga raiam u katuun tere Sunahan. A Pien Tson i tanen e sakahis hakapa raien u rahatsing i tanen.

Aposol 4:36

Hena, a töa katuun a solonen e Josep te tuhanaia tara tolo i Saiprus na te hatubunaia tere Livai. U aposol i ngöeien e Banabas. A mouna solo teka e poeiena, “A katuun te katoena u rangan hitaguhu.”

U pas te koloto menai e Pol turu kristenira i Rom 12:13

Alimiou go hala has rami a palair u kristen a manka i tamilimiou, bate lu has merami u katuun i luma i tamilimiou.

U pas te koloto menai e Pol turu kristenira i Rom 13:6

Nonei a ka te hol sile milimiou a takis, taraha u katuun tara gamman e kui beier e Sunahan te katoe rien a toukui i taren.

1 Korin 12:28

Na e Sunahan e halani a mamana mar toukui tara man tötöa tara hun katuun i tanen. Tara makum tutuun nonei e hatuolir u aposol, na tara hahuoluna a makum nonei e hatuolir u propet, na tara a hatopisana makum nonei e hatuolir u tson hihatuts, na pala te antunan katoner u mirakol, na u katuun te antunan kato haniga pouts raier u katuun, na u katuun te taguhu raier a palai, na niatei na tara toukui na tara tson mammam, na tai te antunan ranga nena u mamana u mar ranga.

1 Korin 14:3

Kaba a katuun te ranga nena u raranga u hamatskö tere Sunahan e ranga uana turu katuun, ba nori te atei sile ren. Ba nonei te hatagala ranen bate hatami ranen ba te taguhu sil raneien tegi hamana haniga uaien.

2 Korin 1:12

U mana nitöa, alam e tatei sasaalam bate ranga mem u hakats u gogoso nitöa ti marka uu lam tara niniganiga te hala railam e Sunahan, ba lam te kato hamatsköm bate kato haniga mia tara han i puta teka na i mata milimiou has. Alam uma kato mei a manka teka a niatei i tamulam, kaba tara niatei tere Sunahan.

2 Korin 11:3

Kaba lia e matoutegu, alimiou ena mots heremi e Eva te hengo sila nai u gamo tere Satan a kökötsi, batema hakats sil lenemi e Kristo puku lahas a töa.

2 Korin 8:12

Taraha, te kana a nimaniatan hala, e Sunahan e lu has me noien a nimaniata te antunana tara ha te ka memi limiou. Nonei ema ngile nei alö go halani a ka tema ka memilö.

2 Korin 9:11

Aa, e Sunahan e hala ranei limiou a mamanaka ba limiou te antunan hala hapara has ramou a palair u katuun. Ba tara toukui te katoemulam, te hala mena milam a monin hitaguhu te hala na milimiou ba u katuun te haniga uariou tere Sunahan.

2 Korin 9:13

Aa, nori e haniga uariou tere Sunahan, taraha alimiou e tangana ramen na palai has. A markato has teka te haröto nanou alimiou e kukute hanige miou u Bulungana tere Kristo te hamane milimiou ba nori te soloseie riou e Sunahan.

2 Korin 9:7

Alimiou a man tötöa e tatei mar hala hapopo uamiou tu markato mena milimiou u hakats i tamilimiou. Alimiou goma hala memi a monin hitaguhu u huol u hakats, tsi te hala has uaier a palai. E Sunahan e ngil koru rena u katuun te sasaala mer te hala uaren.

Epesis 6:5

U katunun kui, alimiou go hengo raiam u tson mammam i tamilimiou. Alimiou go hapan ramen bate torohana hatagala silemiou tego kato hasasaala mera mien. Na limiou go kui hanigaiam bate kui heremi u katunun kui tere Kristo.

Kolosi 3:22

Na u katunun kukui puku, hengo raiam u katuun pan i tamilimiou tara mamanaka bate kukutemiou aha te ranga naren. Ma hengo puku rami tara pöata te peito rarien limiou tego kato hasasaala mera mien limiou. E möa. Alimiou go hengo nitöa mera mien u ngil pan i torimilimiou bate matoutemiou a Tsunono i Kolö.

1 Tesalonaika 2:3

Alam ema katoemi u ranga te katoeier u katuun u omi na u gamogamo. E möa. Na lam ema hakats homi mi nema gamo has rami u katuun. E möa.

1 Tesalonaika 2:8

Alam u ngil koru raiou limiou bate hala rami limiou u Bulungana u Niga tere Sunahan. Na lam uma peits ba railimiou ta töa taka i tamulam, na peisamulam has, taraha alimiou a matsomi i tamulam.

1 Timoti 4:13

E antunana tena la guma lia, alö go hatagala nitöani tego rit menai lö u Buku u Göagono turu katuun bate hahengor, balö te rararie men bate hihatuts has namen.

1 Timoti 5:17

U tsunono te kui haniger a toukui i taren egi hala rai u tara marei pan, e la koru uana turu tsunono te rararer na te hihatuts hasir.

1 Timoti 6:18

Hateiri egi kato haniga bate katoeier a mamana markato a niga. Nori egi tatangana bate hia halhala ner a manka i taren.

Hibru 10:25

Ara gima hanöan hagum ii, te markato uaier a palair u katuun. E möa. Aragi kato hatagala kap nitöari a man hahatoulana, taraha u Lan Pan tara Tsunono e sukusuku hakapama.

Hibru 13:17

Hengo haniga raiam u tsunono i tamilimiou, bate kukute miou u raranga i taren. Taraha, nori e tara kapin toa rariou limiou. Te hengo ramouen limiou, ba nori te sasaala meriou a toukui i taren. Kaba te möa nouen, ba toriren te tiama nou, ba ka teka tema taguhu ranoui limiou.

Hibru 13:22

A matsi hahatoulana, hengo hanigeiam u raranga te koloto negulia teka batema sökanami, taraha u pas teka u makmakum.

Hibru 13:24

Hala menami u hanhaniga i tamulam tara pal kapan hoboto i tamilimiou na turu katuun hoboto tere Sunahan. A matsi hatoulana hasiri Itali e hala has rari limiou u hanhaniga i taren.

Hibru 13:7

Hakats sil raiam u tsunono i tamilimiou, nori ti hatei mam railimiou u raranga tere Sunahan. Hakats kap naiam a manka man niga te butuma tara markato a niga i taren, ba limiou te hamana mia tere Sunahan timar hamana has uaien.