U pas te koloto menai e Pol turu kristenira i Rom 12:6 - U Bulunagana U Niga

⁶ E Sunahan e hala raira a man tötöa a man nitagala tegi kato haniga menai ra a mamana mar toukui. Te haleia lö e Sunahan a nitagala tego lu menai lö u ranga hamatskö i tanen bate rararie men, ba lö te rarare hapopo namien te mar hamana uamölö.

U pas te koloto menai e Pol turu kristenira i Rom 12:6 Iomraidhean Croise

Matiu 23:34

Tara markato teka alia e hala ragou limiou u propet na u katuun u atei na u tson ateira tara lo. Ba limiou tena atung hamate ramiou a palai bate tapala ramien tara kuruse bate kato hamate ramen, ba limiou te lahus ramia a palai turu luman lotu i tamilimiou bate kute meramien tara mamana man taun.

Matiu 25:22

“Ba tana tson pepeito kap ti halei a huol a talen moni e la nama memi poeiena, ‘O tsunono, alö u halei lia a huol a talen moni i tamölö. Tara! Alia i kui habutu leli a tana huol a talen moni len.’

U Bulungana u Niga tere Iesu Kristo te kolotein e Luk 11:49

E Sunahan, te ka mena u hakhakats u niga, e pei, ‘Alia e hala ragou u propet na u katunun raranga i taren. Ba nori te kato homi rer romana a palai i taren, bate atung hamate raier a palai.’

Aposol 13:1

Turu kristenira i Antiok i kamei u propet na u katunun hihatuts turu lotu, ere Banabas, na e Simion ti ngö hasei a tson a ruruhana, na e Lusius na i Sairini, na e Manaen a hahikapien tere Herot a King, na e Sol.

Aposol 15:32

Ere Judas mere Sailas nori has u propet i hala rai u kristen u raranga u niga u parpara te kato hatagali a toriren.

Aposol 2:17

‘E Sunahan e poeiena, Tara pöata i murimuri te sukusukun kapa noa romana a pöata hoboto, alia e katoe gou a ka teka: Alia e hala nagou u Namnamei i tar turu katuun hoboto. A galapien tson i tamilimiou na galapien touhaliou has ena ranga nariou romana u rangan propet. U hitots i tamilimiou ena tare riou a man hiharöto, na u tsonpan ena sinasohe riou a man sinasoho.

Aposol 21:9

Nonei e ka mei a tohats a pien tahol a kukubei i tanen ti atein rangein u raranga turu propet.

U pas te koloto menai e Pol turu kristenira i Rom 1:11

Taraha, alia e ngil koruegu tego tara merai limiou bate hala ragi limiou a ka a niga turu Namnamei u Göagono, bate hatagalena u nihamana i tamilimiou.

U pas te koloto menai e Pol turu kristenira i Rom 12:3

E Sunahan e taatagi sileiou lia be hale nei lia a nikapan tara aposol. Na lia te ranga mera goulimiou hoboto a man tötöa, alimiou goma poeiemi alimiou e kapan miou. E möa. Hakats hamatskö naiam a peisa milimiou a man tötöa e antunana te mar hamana uami limiou, bate katoemiou a toukui te matsköna, taraha e Sunahan e hala hoboto raira a nihamana.

1 Korin 12:18

Kaba u tuenrei ena markato uanei teka, e Sunahan e hakeia a mamana makum turu tuenrei turu ngil peisa i tanen.

1 Korin 13:2

Na te ka megia lia a nitagala turu propet, na nitagala tego atei sil menai lia a mamanaka te mousuna na mamana niatei, na te ka megia lia u nihamana te tatei hasula megi lia a man pokus bate moana tu ngil tara tana katuun, alia a katuun papala tuun.

1 Korin 14:1

Alimiou go tagala sileiam a markato te ngil menari a tabi, na te ngil has menari a nitagala turu Namnamei u Göagono, na limiou go ngil hatagala korueiam a nitagala tego habulungana mena milimiou u raranga hamatskö tere Sunahan te ngöeri u rangan propet.

1 Korin 14:24

Kaba te ranga hoboto mia limiou turu rangan propet, ba katuun halhal tsi a katuun te hahamanana te tasuna bate hengo ranou limiou, u ranga i tamilimiou e saka korue noien bate haröte noien a man markato a man omi i tanen.

1 Korin 14:29

A huol tsi a topisa propet e tatei ranga ner u ranga hamatskö tere Sunahan, ba palai te tatei hula habirits ner a man ranga i taren.

1 Korin 3:5

Ere Apolos mere Pol, u saha u mar katuun? Alam u katunun kui tuun tere Sunahan tu hatuts railimiou tego hamana uaiam limiou i tanen. Alam a man tötöa e katoeiem a man toukui te hala railam e Sunahan.

1 Korin 7:7

Alia e ngil koruegu alimiou hoboto ego here milia. Kaba a man tötöa i tarara e ka mer a man nitagala te hala raien e Sunahan. A palai e kato hanigar tegi kaka puku uaien, na palai e kato haniga hasir tegi hitöl uaien.

2 Korin 8:12

Taraha, te kana a nimaniatan hala, e Sunahan e lu has me noien a nimaniata te antunana tara ha te ka memi limiou. Nonei ema ngile nei alö go halani a ka tema ka memilö.

Epesis 3:5

I manasa a ka teka ima hatei rai u katuun, kaba i romana u Namnamei tere Sunahan e haröto naien turu aposol na turu propet u niga i tanen.

Epesis 4:11

Na nonei e hala nema a man nitagala teka turu katuun: a palai i hala ramei a nitagalana tara aposol, na palai a nitagalana tara propet, na palai a nitagalana tara tson hahabulungana, na palai a nitagalana tara tsonun halotu na tson hihatuts.

Pilipai 3:15

Ara hoboto te atei haniga silera a Tsunono ega kamei u mar hakats u niga. Na te hakats halhal ria a palai i tamilimiou, ba e Sunahan te hamatsköe nou u hakhakats i tamilimiou.

1 Tesalonaika 5:20

Ma ranga homi nami a katuun te ranga nena u raranga u matskö tere Sunahan.

2 Pita 1:20

Kaba limiou go atei haniga sileiam a ka teka: e möa ta töa ta katuun tego antunan ranga hatarare peisein a mouna u raranga turu propet te kana turu Buku u Göagono.