U pas te koloto menai e Pol turu kristenira i Rom 12:3 - U Bulunagana U Niga

³ E Sunahan e taatagi sileiou lia be hale nei lia a nikapan tara aposol. Na lia te ranga mera goulimiou hoboto a man tötöa, alimiou goma poeiemi alimiou e kapan miou. E möa. Hakats hamatskö naiam a peisa milimiou a man tötöa e antunana te mar hamana uami limiou, bate katoemiou a toukui te matsköna, taraha e Sunahan e hala hoboto raira a nihamana.

U pas te koloto menai e Pol turu kristenira i Rom 12:3 Iomraidhean Croise

U Bulungana u Niga tere Iesu Kristo te kolotein e Luk 18:11

A Parasi e tuol pepeisa me mar singo uana teka, ‘O Sunahan, alia e haniga uagu i tamölö te namala kato homi uagi lia te kato uaier a palair u katuun. Alia ema kopkop gi, nema gamogamo gi, nema tsikolo gi. Na lia ema kato homi has uagi te markato uana a lulu takis i tioum.

U Bulungana u Niga tere Iesu Kristo te kolotein e Jon 3:34

E Sunahan te haleiema a katuun teka ba nonei emi hatei nena u raranga tere Sunahan. Na nonei e saputu mena u Namnamei u Göagono te hala nenama e Sunahan i tanen.

U pas te koloto menai e Pol turu kristenira i Rom 1:5

E Iesu Kristo e hala railam a nitagala tego aposol uu lam i tanen, ba lam te hatei namen turu hun katuun hoboto tegi hamana uaien i tanen, bate hengo hanige ren.

U pas te koloto menai e Pol turu kristenira i Rom 11:20

E manana. Nori i peko ba merai tima hamana uaien. Kaba limiou e ka sila tuun mia turu nihamana. Bara! Ka haniga talaiam batema saalemi a peisamilimiou. E möa. Alimiou go matout iam.

U pas te koloto menai e Pol turu kristenira i Rom 11:25

A matsi hahatoulana, alimiou goma pei mi alimiou e atei korumiou. Alia e ngilegu alimiou go atei sileiam u raranga u mana teka te mous i manasa: e kato uana teka, a nihihipus tara tei Israel ema ka nitöa noi romana. E möa. E antuna noa romana tara pöata te onoto noua u hihase turu katuun tema Jiu ri te pala uaier tere Sunahan.

U pas te koloto menai e Pol turu kristenira i Rom 12:16

Kaka haniga gono meraiam u katuun, möa tu hapanpan iam. Kaka haniga gono meraiam u katuun papala, ba tema pei mi alimiou lahas te ka memiou a niatei.

1 Korin 15:10

Kaba tara nihitaguhu tere Sunahan ba lia temar butu uagu teka, na nikalala i tanen ema la pukpuku nei. Alia e kui hatagala bala regu a palair u aposol hoboto, kaba ema lia nei. E Sunahan te ka gono menou lia.

1 Korin 3:10

Tara nitagala tere Sunahan te haleien lia, nonei e hale ii lia a niatei tego kui mei lia a luma a niga, na lia u haka hakapi u pos simen tara luma. Kaba a taina katuun te kuienou a luma ieluna u pos simen. A man tötöa man katunun kui teka egi harare haniga koruni temar kui menaroien a luma.

1 Korin 7:17

Alimiou a man tötöa ego marka uaiam temar ngil mena milimiou a Tsunono, na temar ngö mena milimiou e Sunahan. Nonei teka temar hatuts mera gilia u katuun hoboto tere Sunahan.

2 Korin 10:13

Alam ema antunan ranga sesei pinopino nami a man toukui na ielesala tema atei silemilam. Kaba lam e ranga sesei las namou a toukui te hala railam e Sunahan, ba tena antuna puku has noua i tamilimiou.

2 Korin 12:13

Alia u markato has uu i tamilimiou tu roron markato has uamalia tara palair u hun katuun tere Kristo. Alimiou e hakats silemiou tuma singo menai lia ta monin hitaguhu? Haromana koru, taatagi namoulia tara markato teka.

2 Korin 12:7

Alia i hatare ii a man para a man hiharöto pan koru tere Sunahan. Nonei ema ngile ii tego hakats sesei menai lia a peisar, ba nonei e haniga nena tego sagoho menai lia a kamits i peisar. Nonei a kamits teka e here nei a katunun kui tere Satan te hakamitse noulia bate hatu kap nena tego hakats sesei koru menai lia a peisar.

Galesia 6:3

Kaba limiou goma mar hakats uami teka bate poeiemiou, Alia a katuun pan na lia ema tatei hitaguhu gi. E möa. A katuun temar hakats uana teka e gamoena a peisanen bate here nei a katuun papala.

Epesis 3:2

Alia e ateigu alimiou u atei sil hakapeiam e Sunahan te hale mei lia a toukui teka ego taguhu merai lia alimiou, taraha nonei e taatagi koru ranoura.

Epesis 3:4

Na te rite moa limiou u raranga teka ba limiou te luemou a niatei ti mar atei sil menai lia u ranga momous te hatei mamin e Kristo.

Epesis 4:16

A luta tara spana e harokoto hatagala hobotena a mamana makum turu tuenrei. Na pöata te kui haniga hobotona a mamana makum, ba u tuenrei hoboto te pan hanigana. Ara u katuun tere Kristo e here hase rei a man makum turu tuenrei. Na ragi hiangilngil bate hiatagtaguhura ba u nihamana i tarara te pan susuluna.

Pilipai 2:13

E Sunahan noahas te kuina i torimilimiou bate taguhu ranou limiou tego kukute mena milimiou u ngilngil i tanen bate katoemiou a manka te hanige nen.

Kolosi 1:29

Nonei te sioung sila gialia bate kui hatagala koru megu a nitagala i tanen te kana i tar bate las hatagala korue noulia.

Kolosi 2:13

I manasa alimiou u ka halhal ba naiam a nitöatöa tere Sunahan, taraha alimiou u katuun u omi na limiou u ka mia ielesala tara Lo tere Sunahan. Kaba i romana e Sunahan e hala gono me ranei limiou na e Kristo a nitöatöa a mana. Nonei e luban a mamana markato a omi hoboto i tarara.

1 Timoti 1:14

Ba lia e saputu megu a niniganiga tara Tsunono me tapiou menama u nihamana na u ngilngil te kana tere Iesu Kristo.

1 Timoti 2:15

Kaba a touhaliou ena lu sila pouts raroua tena posa mera roien a galapien, na tena hamana nitöa uarouen tere Sunahan bate ngil raier a palair u katuun bate kamer u hakats u matskö na u niga.

1 Timoti 2:9

Na lia e ngil hasegu a touhaliou gi hasei u mar hasobö tega tara hanigaia i matar u katuun. Nori gi hasei mei u hasobö u hakats u niga. Nori gima hakats hapara nai tegi maman kato menaien a huluren bate hakeier a manka a man kankanaha na u hasobö na mamanaka a hihol i tanen te pan koruna. E möa.

Taitus 2:12

bate hatuts raneira tegi tori tsuga menaira u ngilngilina i puta. Na tara pöata i romana aragi hala puta hasi a peisarara bate kukutera a markato a niga tere Sunahan.

Taitus 2:2

Hatutsir u tsonpan egima spak ii, nori egi hakats hanigani a man markato te katoeren bate kukuteier a man markato te nigana. Nori egi atei sil haniga korui u raranga u mana tere Sunahan na markato te ngil menari a taina katuun, na markato tegi tuol hakarapoto uu bate söateiera a mamana nitiama.

Taitus 2:4

bate haröto rari a touhaliou te kukubei noar, ime tegi mar ngil meraien a pal tson na galapien i taren,

Taitus 2:6

Na lö go ranga hatagala has mer u hitots egi hakats haniga bate hala puta haseier a peisaren.

Jemis 4:6

Kaba u nihitaguhu tere Sunahan e tagala bala nena u ngil i tarara. U raranga tere Sunahan e pei hasena, “E Sunahan e tokitoki nena a katuun te hangisena ba nonei te taguhena a katuun te hateteneiena a peisanen.”

1 Pita 1:13

Alimiou go hamatsköeiam u hakhakats i tamilimiou bate hakats haniga mia i peisa milimiou. Hamana nitöa sileiam a nihitaguhu te lue milimiou romana tara pöata te butu nama e Iesu Kristo.

1 Pita 4:11

A katuun te ka mena a nitagala tega habulungana menaien u raranga, ega habulungana hamatskön u raranga tere Sunahan. Na katuun te roron hitaguhuna ega hitaguhu mei a nitagala te lue nen tere Sunahan. Ba tara mamanaka a solona e Sunahan e hala sei sila naroa tere Iesu Kristo, nonei te ka nitöa mena a nikapan na nitagala tara mamana pöata. U mana.

1 Pita 4:7

A nikapakapa tara mamanaka e susuku hakapa. Nonei tego hakats halesala haniga beiam limiou bate hakats haniga mia i peisamiou ba limiou te tatei singo uamiou tere Sunahan.

1 Pita 5:5

Na e markato has uana iesana, alimiou u katuun u hitots ego hala puteiam a peisa milimiou turu katuun u kapan. Na limiou hoboto ego hateteneiam a peisa milimiou bate hiatagtaguhumiou. Taraha, u Buku u Göagono e poeiena, “E Sunahan e tokitoki rena u katuun te hangiser, kaba nonei e taguhu rena u katuun te hateteneier a peisaren.”

1 Pita 5:8

Alimiou go hakats haniga mia i peisamilimiou, na ego haneiam! Taraha, u pakö i tamilimiou e Satan e roron hula lana bate sakeiena ta katuun tega kato homien. E here nei a laion te hula ngala lamena te sake menaneien ta ka ta töatöa tega noueien.

3 Jon 1:9

Alia u koloto hakapa menai u pas turu kristen te ka ria tara pala i tamölö. Kaba e Diotrepis, nonei e ngilin haka mam nena a peisanen ba nonei tema tara marei nei lia na nitsunono i tar. Nonei te ngilin tsunono panina.