U pas te koloto menai e Pol turu kristenira i Rom 12:18 - U Bulunagana U Niga

¹⁸ Torohana hatagala sil tego ka haniga koru merai lö u katuun hoboto.

U pas te koloto menai e Pol turu kristenira i Rom 12:18 Iomraidhean Croise

Matiu 5:5

Na u katuun te kakamotor batema tatei raharahari egi sasaala. E Sunahan e ngö raneien u katunun sasaala, taraha nori e lue riou a han i puta.

Matiu 5:9

Na u katuun te nolo pouts rer a pala te hiaraharahar egi sasaala. E Sunahan e ngö ranoien u katunun sasaala, taraha nonei e ngö has ranoien romana a galapien i tanen.

U Bulungana u Niga tere Iesu Kristo te kolotein e Mak 9:50

U sol u ka u niga. Kaba te taia ba nena u sol a nitatasena i tanen, ba lö temar kato hatatasena pouts mena moien ime? E möa. Na limiou go here hasemi u sol ba limiou te hiakaka haniga hobotomiou.”

U pas te koloto menai e Pol turu kristenira i Rom 1:15

Na lia e ngilin habulungana koru has nagia u Bulungana u Niga i tamilimiou u katuun te ka mia i Rom.

U pas te koloto menai e Pol turu kristenira i Rom 14:17

Taraha, a Nipepeito tere Sunahan ema kannou nei na ema kaan ua nei. E möa. A Nipepeito tere Sunahan a mouna a markato a matskö i matana e Sunahan na masalohana na nisasaala te hala ranei ra u Namnamei u Göagono.

U pas te koloto menai e Pol turu kristenira i Rom 14:19

Na ragi kute sil korui a markato te hagumena a niniganiga na te hatakei hanigeiena a katuun na te hagum haniga rena ra hoboto.

1 Korin 7:15

Kaba te laba nena lö a hahikapien tema hamana nei, haka ban, alö ema kits mia turu hamalina tara hitöl. Kaba e Sunahan e ngö sil railimiou u mun tahol tego ka hoboto haniga uaiam limiou.

2 Korin 13:11

Matsi hahatoulana, alia e hakapa talegu u raranga i tar. Alimiou go torohana hatagala koruiam tego matskö koru uaiam limiou. Hengo taleiam u raranga i tar. Na limiou go hia tangtanganaiam bate ka haniga hobotomiou. Alimiou go markato uaiam teka be Sunahan te ka gono mera nou limiou, taraha nonei a mouna a markato te hiangilngil uaier na te hiakaka haniga uaier.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

Epesis 4:3

Alimiou go torohana hatagala iam tego pile kap hoboto mena milimiou u töa u hakats te hala nema u Namnamei tere Sunahan, ba limiou te ka haniga hobotomiou.

1 Tesalonaika 5:13

Hakats haniga raiam bate ngil koru ramen taraha, nori e taguhu rariou limiou. Na limiou go kaka haniga hobotoiam.

2 Timoti 2:22

Alö go tori tsugani a mamanaka te habutena u ngilngil u omi te roron kamer u hitots, ba lö te tagala silem a markato te hamana uaria tere Sunahan bate matskö has mia i matanen. Alö go ngil noa hasir u katuun bate ka haniga gono mera men. Alia e hala menagi u raranga teka i tamölö na turu katuun hoboto a toriren te gogosona, bate singo siler a Tsunono ega taguhu raien.

Hibru 12:14

Alimiou go torohana hatagala sileiam tego ka haniga gono mera milimiou u katuun hoboto. Taraha, a katuun tema göagono nei ema antunan tara nanei a Tsunono.

1 Pita 3:11

Nonei ega habirits ban a man markato a man omi bate kato hanigana. Na nonei ega ngil korui a markato tara masalohana bate kukute hatagala korue nen.