U pas te koloto menai e Pol turu kristenira i Rom 12:11 - U Bulunagana U Niga

¹¹ Alimiou go kui hatagala iam batema karousmi. A torimilimiou ega sasaala koru te kui bemi limiou a Tsunono.

U pas te koloto menai e Pol turu kristenira i Rom 12:11 Iomraidhean Croise

Matiu 24:12

A man markato a man omi teka e para koruna romana ba u ngilngil turu katuun u parpara te kapa susul nou.

Matiu 25:26

Ba katuun pan i tanen e poeiena, ‘Alö a tson pepeito kap a omi na karous! Alö e poeiem alia ema kui gi kaba lia e roron luegou a hihol tara toukui tara tana katuun?

Aposol 18:25

Nonei i hatutse ii a maroro tara Tsunono, na nonei e tagala sil korui a Tsunono. Nonei e roron hatuts hamatskö rai u katuun a manka tere Iesu te hengo naien. Kaba nonei e atei sil peisa lasi a man hihatuts tere Jon a Tsonun Baptais.

Aposol 20:19

Na limiou e atei sile miou, a para pöata ti kitseia u Jiu u raranga tegi pitaputa menaien lia. Na tara ka teka alia u ka mei a nitiama na u kamits u para. Kaba lia u hala putei a peisar bate katoegu a toukui tara Tsunono.

1 Korin 7:22

A katunun kukui puku te ngöena a Tsunono e here nei a katuun te tapurese hakapaia i matana a Tsunono. Na katuun tema katunun kukui pukui tara pöata te ngöeien e Sunahan e here tale nei a katunun kukui puku tere Kristo.

Epesis 4:28

A katuun a kopkop ega hanöa ban a tou kop bate tanian kuina. Nonei ega kuin a limanen peisa, ba nonei te ka menou a mamanaka bate taguhu hasena a katuun te moana ta ka.

Kolosi 4:1

U katuun pan, alimiou go kato haniga mia turu katunun kui i tamilimiou. Taraha, alimiou e atei sil hase miou alimiou e ka memiou a katuun pan i tamilimiou i Kolö.

1 Timoti 5:13

Nori u amoaba teka toum e ka pinopino riou bate hula la uar tara man luma. Na nori toum e ranga pinopino sil hase riou a palair u katuun bate kato pinopino tunur bate ranga has ner a manka tegi ma ranga naien.

Hibru 12:28

Na ragi haniga uu tere Sunahan te ka uaria ra tara nipepeito i tanen tema antunan gas nari. Aragi hatsunoneien na ragi singo uu i tanen, bate hapane ren na aragi matout haseien.

Jemis 5:16

E markato uana teka, ba limiou te hiahahatei namiou a manka man omi tu katoeiam limiou, ba töa te singo uana tere Sunahan bate singo beiena a tai. Te kato uamou limiou teka, ba limiou te niga pouts mou. Te singo hatagalana a katuun te nigana i matana e Sunahan, u singo teka e katoe nou a toukui pan.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

1 Pita 4:8

A ka te pan bala koruna tara mamanaka, alimiou go hiangilngil hatagalaiam, taraha u ngilngil nonei te kato hataie nou a mamana a markato a omi.

Revelesin 2:4

Kaba a töa ka te omina: alimiou ema mar ngil mena milia tu mar ngil mam mena milimiou alia.