U pas te koloto menai e Pol turu kristenira i Rom 1:8 - U Bulunagana U Niga

⁸ Alia e hatei mam ragou limiou alia e haniga uagu tere Sunahan, te singo uagu lia i tanen tara solona e Iesu Kristo. Alia e hakats ragou limiou bate haniga uagu tere Sunahan, taraha u katuun hoboto e hengo ner te hamana uami limiou.

U pas te koloto menai e Pol turu kristenira i Rom 1:8 Iomraidhean Croise

Matiu 24:14

Ba u Bulungana u Niga teka tara Nipepeito tere Sunahan te hihatuts laneria romana tara mamana han i puta, ba man hun katuun hoboto te hengoe ren romana, ba i murinen ba kapakapana a pöata te töan butu nou.”

U Bulungana u Niga tere Iesu Kristo te kolotein e Luk 2:1

Tara pöata teka e Sisa Ogastas te gamman Pania i Rom. Nonei e hala nela u raranga tegi hakoloto menai u katuun hoboto a soloren turu buku tara gamman.

Aposol 11:28

A töa i taren, a solonen e Agabas, e tuol ia turu hagum, ba tara nitagala turu Namnamei u Göagono ba nonei e hatei nena a bes pan e butu noa tara mamana han hoboto i puta. A bes pan teka e butu hamanaia tara pöata te gamman pan ia e Klodias.

Aposol 28:22

Kaba alam e ngilem alö peisa tego hatei rameilam a ka te hamana mia lö. Taraha, alam e atei silem u katuun tara han hoboto ema ngileri u lotu teka.”

U pas te koloto menai e Pol turu kristenira i Rom 10:18

Na lia e rangata ragou limiou: a tei Israel ima hengo nai u ranga teka? E möa. Nori i hengo hakapa. Te pei hasena u Buku u Göagono: “U raranga tere Sunahan e la kalakala hoboto uu turu han i puta.”

U pas te koloto menai e Pol turu kristenira i Rom 16:19

U katuun hoboto e atei siler alimiou e hengoe miou u Bulungana u Niga, na lia e sasaala koru mera goulimiou. Kaba lia e kato silegu alimiou go atei sil hanigeiam a markato a niga bate tutu ba namiou a markato a omi.

U pas te koloto menai e Pol turu kristenira i Rom 6:17

Na limiou go haniga uaiam tere Sunahan! Taraha, i mam nen alimiou i katuun papala mia tara markato a omi. Kaba i romana alimiou e kukute miou na e hengo hanige miou u raranga u mana ti hatuts rai limiou.

1 Korin 1:4

Alia e roron haniga nitöa bera goulimiou tere Sunahan, turu mamana u hitaguhu te hala raien limiou te hamana ua milimiou tere Iesu Kristo,

2 Korin 2:14

Aragi haniga uu tere Sunahan. Nonei te mammam here raneira u soldia ti tagala saluheia tara hiatatung, taraha ara e pala uaier tere Kristo. E Sunahan e taguhu ranoura, bara te polaser u Bulungana u Niga tere Kristo turu katuun hoboto, bate here nei u soka u masi nitöa te hatei nena te atei sil menarienra tara mamana makum.

Epesis 1:15

Nonei te haniga hiton sil bera gilia alimiou tere Sunahan. Pöata ti hengo naia lia temar hamana uami limiou tere Iesu a Tsunono, na temar ngil koru mera milimiou u katuun hoboto tere Sunahan, alia ima mala solopala railimiou tara man singo i tar na ti haniga sil merai lia alimiou tere Sunahan.

Epesis 3:21

Nonei e tatei luena a solo pan turu katuun i tanen na tere Iesu Kristo tara mamana pöata hoboto i murimuri. U mana.

Epesis 5:20

Alimiou go haniga nitöa mia tere Sunahan e Tamarara, tara mamanaka na tara mamana pöata, ba limiou te katoe mien tara solona e Iesu Kristo a Tsunono i tarara.

Pilipai 1:11

Ba limiou te saputu memiou romana a man markato a man niga te habuteiena e Iesu Kristo, bate töan hapanemiou e Sunahan bate soloseie men.

Pilipai 1:3

Mamana pöata alia e hakats ragou limiou bate haniga uagu tere Sunahan.

Kolosi 1:3

Pöata te singo bera mia lam alimiou tere Sunahan, alam e roron hanigan töa uam tere Sunahan, e Tamana e Iesu Kristo a Tsunono i tarara.

1 Tesalonaika 1:2

Alam e hanigan töa bera mou limiou tere Sunahan bate singo be has ramou limiou.

1 Tesalonaika 2:13

Na tana ka has te roron haniga sile mia lam tere Sunahan. Pöata tu piou naia lam u raranga tere Sunahan i tamilimiou, alimiou u ma poeiemi nonei u raranga tara katuun tuun lasi. E möa. Alimiou u hanige men bate hamanemiou nonei u raranga hamana tere Sunahan. Na u raranga i tanen e kato haniga ranou limiou te hamana mena mien limiou.

2 Tesalonaika 1:3

A matsi hahatoulana, alam e haniga nitöa bera mou limiou tere Sunahan, temar niga uanen. Taraha, a nihamana i tamilimiou e butu haniga susul nama na u hiangilngil i tamilimiou hoboto e butu susul haniga hasina.

2 Timoti 1:3

Alia e haniga uagu tere Sunahan te solosei mena gilia u hakats u gogoso ti markato has uu tubur i manasa. Na lia e haniga uagu i tanen tara lan na bong te singo sil menagi lia alö.

Pilimon 1:4

Tara man pöata te singo sile gia lia alö tere Sunahan, alia e haniga uagu i tanen.

Hibru 13:15

Ba tere Kristo aragi haats nitöa uu tere Sunahan te solosei mena reira e Sunahan te ranga uarara i tanen.

1 Pita 2:5

La uamuma i tanen bate heremi a man hatu a man niga te kuieri a luman lotu. E Sunahan e ngilin kui ranei limiou a töa luman lotu turu namnamei. Alimiou e here rami u pris u niga tere Sunahan bate kui be men tara nitagala turu Namnamei i tanen. U pris e roron haats menari a man haats a man niga tere Sunahan, na e kato has uana iesana, e Sunahan e ngilena alimiou go hala naiam a peisa milimiou i tanen, taraha e Iesu Kristo e mate sil raiou limiou.

1 Pita 4:11

A katuun te ka mena a nitagala tega habulungana menaien u raranga, ega habulungana hamatskön u raranga tere Sunahan. Na katuun te roron hitaguhuna ega hitaguhu mei a nitagala te lue nen tere Sunahan. Ba tara mamanaka a solona e Sunahan e hala sei sila naroa tere Iesu Kristo, nonei te ka nitöa mena a nikapan na nitagala tara mamana pöata. U mana.