U pas te koloto menai e Pol turu kristenira i Rom 1:7 - U Bulunagana U Niga

⁷ Alia te koloto uagu i tamilimiou hoboto u katuun te ngil koru raiena e Sunahan te ka mia tara taun i Rom. E Sunahan e ngö sil railimiou tego katuun uaiam limiou i tanen pepeisa. Ne Sunahan e Tamarara na e Iesu Kristo a Tsunono, e tatei taatagi rariou limiou na e tatei hala has rari limiou a masalohana.

U pas te koloto menai e Pol turu kristenira i Rom 1:7 Iomraidhean Croise

Matiu 5:16

Na u ualesala i tamilimiou ega kato has uu iesana bate alesala uana turu katuun. Ba nori te tare riou a markato a niga i tamilimiou bate soloseier e Tamamilimiou i Kolö.”

U Bulungana u Niga tere Iesu Kristo te kolotein e Jon 20:17

Be Iesu e poeiena i tanen, “Möa tu pile kap naiou lia, taraha alia ema la noa gi iasa tere Tamar. Kaba alö go la tara man hahatoulana i tar, u katuun te hamana ria i tar, balö tena hatei ramen alia e la uagu iasa tere Tamar na e Tamamilimiou has. Alia e la uagu tere Sunahan i tar na tere Sunahan has i tamilimiou.”

Aposol 15:23

Nori i hala gono meraien u pas temar ranga uu teka: “Alam u aposol na pal kapan, alam a töa pala has i tamilimiou te hamana uaiem tere Iesu. Alam e koloto menami u pas teka i tamilimiou a matsi hahatoulana tu tuhana ma tara pala tema Jiu ri, te ka mia tara taun i Antiok na tara provins i Siria na i Silisia.

Aposol 9:13

Be Ananias e ranga palisina me poeiena, “O Tsunono, u katuun u para ti hate ii lia a katuun teka. Nori i pei nonei e kato hakamits korur u katuun i tamölö i Jerusalem.

U pas te koloto menai e Pol turu kristenira i Rom 1:6

Na u raranga teka e la has uana i tamilimiou, u katuun te ngö sil rai e Sunahan tego hun katuun uaiam limiou tere Kristo.

U pas te koloto menai e Pol turu kristenira i Rom 5:1

A Tsunono i tarara e Iesu Kristo e kato beraira a masalohana tegi ka gono menai ra e Sunahan. Na ra e matskö tala ria i matana e Sunahan, taraha ara e hamana ria tere Iesu.

U pas te koloto menai e Pol turu kristenira i Rom 5:5

Na ra ema hahaloso pinopino rei, taraha e Sunahan e hala raira u Namnamei u Göagono me hala raneira u ngilngil te kana i torirara.

U pas te koloto menai e Pol turu kristenira i Rom 8:28

Na ra e ateira, a mamanaka hoboto e kui haniga silena u katuun te ngiler e Sunahan, u katuun te ngö sil rai e Sunahan tegi kukute menaien u ngilngil i tanen.

U pas te koloto menai e Pol turu kristenira i Rom 9:25

Turu Buku tere propet Hosea e Sunahan e mar ranga uu teka: “U katuun tema katuun uari i tar, alia e ngö ragoien, ‘U katuun i tar.’ Na hun katuun tima taatagi railia, alia e ngö ragouien, ‘A matsomi i tar!’

1 Korin 1:24

Kaba u katuun te ngöri e Sunahan, u Jiu na u katuun tema Jiu ri, nori e ngiler u hihatuts teka. E haröto nena e Kristo nonei a nitagala tere Sunahan na niatei has tere Sunahan.

1 Korin 16:23

A nihitaguhu tara Tsunono e Iesu e tatei ka gono mera noulimiou.

2 Korin 13:14

A Tsunono e Iesu Kristo e tatei taguhu ranou limiou, na e Sunahan e tatei taatagi has ranou limiou, na u Namnamei u Göagono e tatei ka haniga has mera noulimiou hoboto. Alia e Pol

Galesia 6:18

A matsi hahatoulana i tar, a nitaatagi tara Tsunono i tarara e Iesu Kristo e tatei kagono meiena u namnamei i tamilimiou hoboto. U mana. Alia e Pol

Epesis 1:2

E Tamarara e Sunahan na e Iesu Kristo a Tsunono e tatei taatagi ranou limiou bate hala has ranei limiou a masalohana.

Epesis 6:23

E Sunahan e Tamarara na e Iesu Kristo a Tsunono e tatei hala nariou a masalohana na u ngilngil hamana i tamilimiou hoboto te hamana mia tere Iesu, bate taguhu has rariou limiou tego hamana haniga uaiam limiou.

Pilipai 1:2

E Sunahan e Tamarara na e Iesu Kristo a Tsunono e tatei taatagi rariou limiou na e tatei hala has rari limiou a masalohana.

Pilipai 4:13

E Kristo nonei te hale noi lia a nitagala, na te hantune noulia tara mamanaka hoboto.

Pilipai 4:20

Aragi solosei nitöani e Sunahan e Tamarara tara mamana pöata hoboto. U mana.

Pilipai 4:23

A nitaatagi tere Iesu Kristo a Tsunono e tatei ka gono mena u namnamei i tamilimiou. Alia e Pol

Kolosi 1:2

U pas teka e koloto menari i tamilimiou u katuun te hamana mia tere Kristo i Kolosi. E Tamarara e Sunahan e tatei taatagi ranou limiou na e tatei hala has ranoui limiou a masalohana.

Kolosi 3:12

E Sunahan e hopö kap sil railimiou tego katuun uaiam limiou i tanen na nonei e ngil koru ranou limiou. Tara markato tala teka ba limiou te hiakaka haniga miou bate niga mia tara palai. Alimiou go kato hateteneiam a peisa milimiou bate tuatami mia tara palai batema tatei raraha boroboro rami u katuun te kato homiria i tamiliou.

Kolosi 3:15

Na a masalohana tere Kristo ega mammam nitöani a nitöatöa i tamilimiou. E Sunahan e ngö gögono hoboto raiou limiou tego kato menai limiou a töa a katuun bate hiakaka haniga hoboto miou. Ba limiou te haniga nitöa uamiou i tanen.

1 Tesalonaika 1:1

Alam ere Pol mere Sailas na e Timoti e koloto menami u pas teka i tamilimiou hoboto, u kristenira tara taun i Tesalonaika te pala uar tere Sunahan e Tamarara, na u katuun has tere Iesu Kristo a Tsunono. Sunahan e tatei taatagi ranou limiou bate hala has ranoui limiou a masalohana.

1 Tesalonaika 1:3

Pöata te singo mialam tere Tamarara e Sunahan, alam ema mala solopalemi te hamana haniga uami limiou na te kato haniga has uami limiou. Na lam ema solopala hasemi te ngil mera milimiou a palair u katuun bate taguhu ramen. Na te hamana hatagala uami limiou tena la pouts nama romana e Iesu Kristo a Tsunono i tarara.

1 Tesalonaika 1:4

A mats hatoulana, alam e atei sil hasem e Sunahan e ngil koru ranou limiou na e hopö kap has raiou limiou.

1 Tesalonaika 4:7

E Sunahan ema ngö sil ranei ra tegi kato homi uu ra. E möa. Nonei e ngö sil ranei ra tegi kato haniga uu ra.

1 Tesalonaika 5:28

A nitaatagi na niniganiga tere Iesu Kristo a Tsunono i tarara e tatei kagono meranou limiou. Nonei talasi. Alam ere Pol mere Sailas na e Timoti

2 Tesalonaika 1:2

E Sunahan e Tamarara na e Iesu Kristo a Tsunono e tatei taatagi rariou limiou na e tatei hala has raroui limiou a masalohana.

2 Tesalonaika 3:16

A Tsunono noahas, nonei a mouna a masalohana, e tatei hamasalohana ranou limiou tara mamana pöata na tara mamana markato. A Tsunono e tatei ka gono mera noulimiou hoboto.

2 Tesalonaika 3:18

E Iesu Kristo a Tsunono i tarara e tatei taguhu ranou limiou hoboto. Nonei talasi. Alam ere Pol mere Sailas ne Timoti

1 Timoti 1:2

Alia e koloto menagi u pas teka i tamölö, O Timoti! Alö e heremi a pien hamana koru i tar te hamana hoboto uarara tara Tsunono. E Sunahan e Tamarara na e Iesu Kristo a Tsunono, e tatei hale rilö a niniganiga na nitaatagi na masalohana.

1 Timoti 6:2

A katunun kukui puku te ka na tara katuun pan te kamena u nihamana goma tatei omieien, noahasina te pala uanen tere Kristo. Nonei ega ngil korueien bate kui hatagala koru beienen, taraha, nonei e kui beiena a katununa turu nihamana. Alö go hihatuts hatagalein a manka teka.

2 Timoti 1:2

Alia e koloto lel uagu i tamölö, o Timoti. Alö a pien koru i tar. E Sunahan e Tamarara na e Iesu Kristo a Tsunono i tarara e tatei taguhe rioulö bate taatagi has nariou lö bate hala hase roilö a masalohana.

2 Timoti 4:22

A Tsunono e tatei ka gono mena u namnamei i tamölö, na nonei e tatei taguhu ranou limiou. Alia e Pol

Taitus 1:4

O Taitus, alö a pien tson i tar, te hamana hoboto uarara tere Sunahan. E Sunahan e Tamarara na e Iesu Kristo te taguhu raioura e tatei taatagi nariou lö na e tatei hala hase rilö a masalohana.

Pilimon 1:25

A nihitaguhu tere Iesu Kristo a Tsunono e tatei ka gono mena u namnamei i tamilimiou. Alia e Pol

Pilimon 1:3

E Sunahan e Tamarara na e Iesu Kristo a Tsunono i tarara egi taatagi naioulö na egi hala hase ii lö a masalohana.

Jemis 1:1

Alia e Jemis, a katunun kukui puku tere Sunahan na tere Iesu Kristo a Tsunono. Alia e koloto menagi u pas teka i tamilimiou u Jiu te ka mia tara man taina man han, bate hala negu u hanhaniga i tamilimiou.

1 Pita 1:15

E möa. E Sunahan e ngö hakapa raiou limiou, nonei e göagonona na e niga koruna. Na e markato uana teka, a mamana markato i tamilimiou ega niga koru has.

1 Jon 3:1

Tara, e Tamarara e Sunahan e ngil koru ranoura, bate ngö raneira a galapien i tanen. Na u mana koru, ara a galapien hamana koru tere Sunahan. U katunura i puta tema pala uari tere Sunahan ema atei sil has rarira, taraha nori ema atei sil haserien.

2 Jon 1:3

E Sunahan e Tamarara na e Iesu Kristo a Pien Tson i tanen, turu ngilngil na tara nimana i tanen, e tatei taatagi rariou ra bate taguhu rariou ra bate hala rari ra a masalohana.

Revelesin 2:1

A katuun tu tari lia e pei hasi i tar, “Alö go koloto menai u raranga teka tara angelo tara hun katuun tere Kristo te ka ria i Epesis: “U ranga teka nonei u raranga tara katuun te pile nena a tohit a pitopito turu ualima u pal matou i tanen, na te hula hahis hasna i gusuna u tohit u lam goul.

Revelesin 2:12

Nonei a katuun e pei hasi, “Alö go koloto menai u raranga teka tara angelo tara hun katuun tere Kristo te ka ria i Pegamum: “U raranga teka nonei u ranga tara katuun te ka mena u kilatan hiatatung te nou hihapalana.

Revelesin 2:18

Na nonei a katuun tu tari lia e pei hasi, “Alö go koloto menai u raranga teka tara angelo tara hun katuun tere Kristo te ka ria i Taiataira: “Nonei u raranga teka tara Pien Tson tere Sunahan, a matanen te here nei u tula te kulupuna, na pitapitana mounen te kankanaha here nei a bras ti turun hagogosi.

Revelesin 2:29

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo.”

Revelesin 2:8

Ba nonei a katuun e ranga lenina me poeiena, “Alö go koloto menai u raranga teka tara angelo tara hun katuun tere Kristo te ka ria i Smeena: “U raranga teka u raranga tara katuun te ngöeri a Hahatania na ni Kapakapa, te mate me töatöa poutsuna.

Revelesin 22:21

A Tsunono e Iesu e tatei taguhu rena u katuun hoboto i tanen. U mana.

Revelesin 3:14

Nonei a katuun e hakapi u ranga me poeiena, “Alö go koloto menai u raranga teka tara angelo tara hun katuun tere Kristo te ka ria i Laodisia: “U ranga teka nonei u raranga tara katuun te ngöeri ‘U Mana,’ nonei te haröto hamana nena u raranga tere Sunahan. Na nonei a mouna a mamanaka hoboto te habuti e Sunahan.

Revelesin 3:22

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo.”

Revelesin 3:7

Na nonei a katuun tu tari lia e pei hasi, “Alö go koloto menai u raranga teka tara angelo tara hun katuun tere Kristo te ka ria i Piladelpia: “U ranga teka nonei u raranga tara katuun te göagonona na te manana na te pile nena a nitsunono tere Devit. A ka te kalate nen, e möa tegi tatei hapili menaien. Na ka te hapilie nen, e möa tegi tatei kalata menaien.