U pas te koloto menai e Pol turu kristenira i Rom 1:28 - U Bulunagana U Niga

²⁸ U katuun ima hakats nai e Sunahan na i raman ka mei a niatei a niga, ba nonei e töa rongaronga ranen tegi ka noahas menaien u hakats u omi na tegi kato homi has menaien a markato a omi.

U pas te koloto menai e Pol turu kristenira i Rom 1:28 Iomraidhean Croise

Aposol 17:23

Alia u hula la bate tareiegu a man makum a man Göagono te lotu mia limiou. Alia u tara hasi a töa makumun haats te kana u ranga te poeiena: ‘Tara töa got tema atei sileri u katuun.’ Nonei a Got teka te hatsunono uami limiou na limiou ema atei sile mien, nonei a Got te habulungana nagu lia i tamilimiou.

Aposol 17:32

U katuun i hengo hakapi u raranga tere Pol. Ba pöata ti hengo naien a katuun e takei poutsia tara tou mate, ba palai e gol hahamana naren. Kaba palai i pei, “Alam e ngilin hengoem u raranga i tamölö tara tana pöata.”

U pas te koloto menai e Pol turu kristenira i Rom 1:18

E Sunahan i Kolö e haröto nena nonei e raharaha rena u katuun hoboto te kato homir, u katuun te hatu kap ner u raranga u mana na man markato a man omi i taren, e Sunahan ena hahuna ranouen.

U pas te koloto menai e Pol turu kristenira i Rom 1:21

Nori e atei sileren, kaba nori ema hapan hantuna narien tara nikapan i tanen, na nori ema haniga has uari i tanen. Nori e hakats papalar, ba u hakhakats u tutu i taren te kato hakuhil ranen.

U pas te koloto menai e Pol turu kristenira i Rom 1:24

U katuun i saputu mei a markato a omi be Sunahan e töa rongaronga ranen ba nori e markato uaier timar ngil uaien, ba nori e hiakatokato hohomi naier a peisaren.

U pas te koloto menai e Pol turu kristenira i Rom 1:26

Be Sunahan e töa rongaronga ba ranen ba nori e markato uaier timar ngil uaien. A touhaliou i raman a markato tara hitöl bate hiakaka gono poutsur.

1 Korin 15:34

La pouts muma turu hakhakats u haniga bate hanöa ba namiou a man markato a man omi taraha a palai ema atei sil noeri e Sunahan. Alia e ranga sila gia tara nimatsingolo i tamilimiou.

2 Korin 10:5

Alam e kato ba nem a mamanaka te hatu kap nena na te hipus nena tegi atei sil menai u katuun e Sunahan. Alam e palis hasem u hakhakats turu katuun te omi korur bate kukuteier u ranga tere Kristo.

Epesis 5:4

Alimiou goma rarare homi mi na e goma tatei ranga homi mi. Na limiou goma tatei hiounga homi hasmi. Alimiou u katuun tere Sunahan, ema niga koru nei tego markato uaiam limiou teka. Alimiou go haniga tuun las uaiam tere Sunahan.

2 Tesalonaika 1:8

Ba nonei temi hahuna ranou romana u katuun tema atei sileri e Sunahan na nori has te hipus ner u Bulungana u Niga tere Iesu Kristo a Tsunono i tarara.

2 Timoti 3:8

Ti markato uu ere Janis mere Jambris, nori ima hengoei e Mosis. U mar katuun teka u hakats i taren e omi hakapa, nori ema hamana lel ri.

Taitus 1:16

Nori e pei laser nori e atei siler e Sunahan, kaba a markato i taren te haröto nena nori ema atei sileri e Sunahan. Nori e hipus korur, na nori ema antunan kato has nari ta ka ta niga. Na u katuun ema ngil koru has rarien.

Pilimon 1:8

Tara markato teka, ba lia tema antunan matsingolo nagi tego ranga hatagala meilia lö tara solona e Kristo tego kato menai lö a toukui tego kati lö.

2 Pita 3:5

Kaba nori ema ngilin hakats hanigari bate atei siler, e Sunahan e kato homi hakapi a han i puta teka te katoeien. E markato uana teka, i manasa koru e Sunahan e ranga tuun ba u kolö e butuna ba u tsiktsiki e butu nama i gusuna u ramun ba nonei e ololo kap nanei u tsiktsiki u ramun. Ba i murinen be Sunahan e ranga lenina ba uolo pan e kato homiena a han i puta.