U pas te koloto menai e Pol turu kristenira i Rom 1:25 - U Bulunagana U Niga

²⁵ Taraha, nori e tori tsuga ner a manka a man mana te hatei nena e Sunahan ba nori te hamaner a manka a man gamo. Nori e hatsunono haser a manka te habuti e Sunahan, bate tori tsuga tsipon naier e Sunahan te habuti a mamanaka, nonei koru tegi solo sei nitöa nira! U mana.

U pas te koloto menai e Pol turu kristenira i Rom 1:25 Iomraidhean Croise

Matiu 10:37

“A katuun te ngil koruena e tamanen na e tsinanen, batema ngile nei lia, nonei ema katuun hamana uanei i tar. Na katuun te ngil koruena a pien tson i tanen na pien tahol i tanen batema ngile nei lia, nonei ema katuun hamana uanei i tar.

Matiu 6:24

“A katuun ema antunan kui neia tara huol a tsunono. Taraha, nonei e rama nanou a töa bate ngilena a tabi. Alö ema antunan kui hoboto bemi e Sunahan na moni.

U Bulungana u Niga tere Iesu Kristo te kolotein e Jon 2:8

Ba nonei e ranga mera nen me poeiena, “Kana tale iam ta töa ta kap ba limiou tena hale mien a tson te taratara kap nena a kannou.” Ba nori e la mena rien i tanen.

U pas te koloto menai e Pol turu kristenira i Rom 1:18

E Sunahan i Kolö e haröto nena nonei e raharaha rena u katuun hoboto te kato homir, u katuun te hatu kap ner u raranga u mana na man markato a man omi i taren, e Sunahan ena hahuna ranouen.

U pas te koloto menai e Pol turu kristenira i Rom 1:23

Nori ema hatsunoneri e Sunahan a kapan te ka nitöana. E möa. Nori e hatsunono laser u kesa tara ka te tatei matena: a katuun na apena na poum na muki na kökötsi.

U pas te koloto menai e Pol turu kristenira i Rom 9:5

U katuun pan tere Sunahan i kaia i gusura u tuburen. Na e Kristo has e butun katuun ia turu Jiu, e Kristo te pan talana tara mamanaka. E Sunahan e tatei kato hasasaale nen tara mamana pöata. U mana.

2 Korin 11:31

E Sunahan e Tamana e Iesu a Tsunono e atei silena alia ema gamo gi. Aragi solosei nitöa naien tara mamana pöata!

Epesis 3:21

Nonei e tatei luena a solo pan turu katuun i tanen na tere Iesu Kristo tara mamana pöata hoboto i murimuri. U mana.

1 Tesalonaika 1:9

U katuun e hatei noahas rari lam tu mar toul mera milimiou alam, na nori i hatei has rai lam tu laba menami limiou u kesa bate kukutie miou e Sunahan a Got hamana na Got a töatöa.

1 Timoti 1:11

Na u hihatuts u mana na u niga nitöa te matsköna turu Bulungana u Niga te halei lia e Sunahan te pan saluhena, nonei tego hihatuts hamatskö ni lia.

1 Timoti 1:17

Aragi solosei a Kingina tara mamana pöata, nonei puku a King teka tema antunan mate nei na tema antunan tara nari. E Sunahan nonei a töa puku. Aragi solosei nitöa naien tara mamana pöata. U mana.

2 Timoti 3:4

Nori e hala rariou u katuun u niga turu pakö i taren. Nori e kato homi pinopino riou batema hakats haniga naroi a markato i taren. Na nori e haka sei korueriou a peisaren. Nori e ngil korue riou a markatona i puta batema ngileri e Sunahan.

1 Jon 5:20

Ara e atei silera a Pien Tson tere Sunahan e la silema i puta tegomi hala meraien ra a niatei tegi tatei atei sil menai ra e Sunahan hamana. Ara e ka gono mera e Sunahan hamana na e Iesu Kristo a Pien Tson i tanen. Nonei a Sunahan hamana teka, na a katuun te pala uana tara Pien Tson i tanen e ka mena a nitöatöa te ka nitöana.