U pas te koloto menai e Pol turu kristenira i Rom 1:20 - U Bulunagana U Niga

²⁰ A katuun ema antunan tare nei e Sunahan, kaba tara pöata te habuteia e Sunahan a mamanaka te noana i romana, u katuun i atei sil a markato tere Sunahan na nitagala i tanen te ka nitöana. A manka te habuti e Sunahan e haröto halesala nena a ka teka, ba u katuun tema antunan poeieri nori ema atei sileri e Sunahan. E möa.

U pas te koloto menai e Pol turu kristenira i Rom 1:20 Iomraidhean Croise

Matiu 5:45

Te kato uamou limiou teka, ba limiou te haröto namou alimiou a galapien tere Tamamilimiou te kana i Kolö. Taraha, nonei e roron hapirena a pitala i tanen tara katuun a niga na tara katuun a omi has, na nonei e roron hapolena a langits tara katuun te kato hamatsköna na tara katuun tema kato hamatskö has nei.

U Bulungana u Niga tere Iesu Kristo te kolotein e Mak 10:6

Kaba i mam koru tara pöata te habuteia e Sunahan a mamanaka, ba nonei e katoeiena a tson na tahol.

U Bulungana u Niga tere Iesu Kristo te kolotein e Jon 1:18

E möa ta töa ta katuun tega tara noabi e Sunahan. Kaba a töa koru a Pien Tson i tanen, nonei has e Sunahan te sukusuku koruna i torina e Tamanen, nonei te haröto raira e Sunahan.

U Bulungana u Niga tere Iesu Kristo te kolotein e Jon 15:22

Sanena lia tuma la mei batemi hatei ragien a man raranga i tar, ba nori te tatei peier, ‘Alam ema kato homi mi.’ Kaba tu la hamana ma lia batemi hatei ragien u raranga i tar, e möa tala tegi mar mous uaien.

Aposol 17:29

“Ti tuhanaia ra tere Sunahan, bara tema tatei pei rei nonei e here nei a goul tsi a silva na a hatu na a ka te hakats mam nena a katuun bate toke nen. E möa.

Aposol 22:1

Ba nonei e poeiena, “A man hatamana na man hatoulana, hengoiam ba lia te ranga hatarare gia i tamilimiou.”

U pas te koloto menai e Pol turu kristenira i Rom 1:19

Taraha, e Sunahan e haröto raneien a mamanaka a para i tanen, a manka te antunan atei siler u katuun.

U pas te koloto menai e Pol turu kristenira i Rom 16:26

Kaba i romana e butu halesalana i matar u katuun. Na u raranga ti kolotein u propet e halakasi a nimana tere Sunahan, a Sunahan te ka nitöana. E Sunahan e hakei u raranga u tagala tegi habulungana menai u raranga teka turu katuun hoboto, ba nori te tatei hamana ria i tanen bate hengo hase ren.

U pas te koloto menai e Pol turu kristenira i Rom 2:1

Te one mia lö a palair u katuun, ga lö e kato homi hasim. Alimiou e möa tego ranga uaiam. Pöata te pei mia limiou a palair u katuun e omir bate hahatu peisa mia i taren, ga limiou e kato has uamiou iesana.

U pas te koloto menai e Pol turu kristenira i Rom 2:15

Nori e haröto ner a ka te haröto nena a Lo e ka hasna i toriren. Na toriren iogana e haröto has nena te mana uana a ka teka, taraha u hakats i taren e poeiena a markato i taren e omina tsi a markato i taren e matsköna.

1 Korin 1:20

Esi nonei a katuun a atei? Na esi nonei a katununa turu buku? Na esi nonei a katuun a ateina tara Lo tere Mosis? Nori hoboto ema pan ria i matana e Sunahan. E Sunahan e hatei hakapein a niateina tara han i puta, a ka papala koru.

Kolosi 1:15

E Kristo te hatara ranera ime te markato uana e Sunahan. Nonei te butu tutuun ia tara manka hoboto te habuti e Sunahan.

Kolosi 2:9

A mamanaka tere Sunahan e kana i tanen, a nikapan na mamana nitagala na niniganiga i tanen e kana turu tuenrei tere Kristo. Nonei a tsunono pan koru te pan saluhe ba rena u tsunono hoboto.

1 Timoti 1:17

Aragi solosei a Kingina tara mamana pöata, nonei puku a King teka tema antunan mate nei na tema antunan tara nari. E Sunahan nonei a töa puku. Aragi solosei nitöa naien tara mamana pöata. U mana.

1 Timoti 6:16

Nonei a töa tema antunan mate noi na nonei e kana turu ualesala pan tema antunan la hasukusuku uari u katuun. Emoa ta katuun tega antunan tareien i manasa na ema antunan tara noahas nari i romana. Aragi soloseien, nonei te tagala saluhe nitöana. U mana.

Hibru 11:27

Turu nihamana noahas tere Mosis ba nonei laba nena i Itsip. Nonei ema matoute ii te raharaha uu a king. A katuun ema antunan tare nei e Sunahan, kaba e Mosis e herei e tareien bate tagala silena a ka te ngilin katoeien.

Hibru 9:14

Kaba u rahatsing tere Kristo e tagala koruna. Tara nitagala turu Namnamei te ka nitöana, e Kristo e hala menai a peisanen tere Sunahan na nonei e möa ta töa taka ta omi tega kaia i tanen. U rahatsing i tanen e galus ban u hakhakats u omi, te ka uana tara tou mate, bara te tatei kui beiera e Sunahan te ka nitöana.