U pas te koloto menai e Pol turu kristenira i Rom 1:13 - U Bulunagana U Niga

¹³ A matsi hahatoulana alia e hatei ragou limiou, tara para a pöata alia u ngil korui tegona tara merai limiou, kaba a nilala i tar ema mala manai. Alia e ngilegu u katuun i gusumilimiou egi hamani u raranga i tar, ti mar hamana has uu a palair u katuun tema Jiu ri.

U pas te koloto menai e Pol turu kristenira i Rom 1:13 Iomraidhean Croise

U Bulungana u Niga tere Iesu Kristo te kolotein e Jon 12:24

Alia e hatei hamana koru ragou limiou. Tema lebe ria a ngalin kannou, nonei e marka tuun las uanou teka. Kaba tena lebe roien ba nonei tena hua haparpara nou romana.

U Bulungana u Niga tere Iesu Kristo te kolotein e Jon 15:16

Alimiou uma hopö kap nami lia kaba alia tu hopö kap raiou limiou. Na lia u tus raiou limiou tego tataala uaiam limiou bate katoe miou u ngil tere Sunahan. Be Tamar te hala ranoui limiou a manka te singo sile moua limiou tara solor i tanen.

U Bulungana u Niga tere Iesu Kristo te kolotein e Jon 4:36

A katuun te harengena a kui e lu taleiena a hihol i tanen na e lu gögono sil hase nei a kannou, a kannouna tara nitöatöa teka nitöana. Ba u katunun leba na u katunun harenge te sasaala hobotor te lu mena rien a hihol. Ba u raranga ti halani te butu hamana talana. ‘A töa katuun ena lebaleba nou ba tai tena harenge nou.’

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 14:27

Temi butu talaien i Antiok ba nori e gono hoboto raier u kristen, ba nori e hahatei naier a mamanaka hoboto te kato be raien e Sunahan, me poeier, “E Sunahan e kalati a maroro turu katuun tema Jiu ri, ba nori te hamanar.”

Aposol 15:12

Ba u hagum e gumuna me hahengona turu raranga tere Banabas mere Pol ti hahatei menaien u mamana u mirakol te kato sila nai e Sunahan i taren i gusuna u katuun tema Jiu ri.

Aposol 19:21

Na i murina a manka teka, ba u Namnamei tere Sunahan e haleie nei e Pol u hakats tega la uaien tara provins i Masedonia na i Gris, bate la hamurimuri uana i Jerusalem. Be Pol e poeiena, “I murina tena tare goua lia a man han teka, balia tena tara hase gou i Rom.”

Aposol 21:19

Be Pol e hatsi söasa ranen, be hatei raneien a mamanaka hoboto te katoe e Sunahan me poeiena, “E Sunahan e taguhe moulia ba nonei te kato be ranei u katuun tema Jiu ri a toukui a niga.”

Aposol 28:14

Ba tara taun teka ba lam e saberaiam u katuun ti hamanaia tere Iesu. Ba nori e ngö rariou lam ba lam ena ka gono meramen u tohit u lan. Ba lam e töan la uaiem i Rom.

U pas te koloto menai e Pol turu kristenira i Rom 1:12

U raranga i tar e mar mouna uana teka: alia e ngilegu aragi taguhu mei a tai u nihamana te kamerara.

U pas te koloto menai e Pol turu kristenira i Rom 11:25

A matsi hahatoulana, alimiou goma pei mi alimiou e atei korumiou. Alia e ngilegu alimiou go atei sileiam u raranga u mana teka te mous i manasa: e kato uana teka, a nihihipus tara tei Israel ema ka nitöa noi romana. E möa. E antuna noa romana tara pöata te onoto noua u hihase turu katuun tema Jiu ri te pala uaier tere Sunahan.

U pas te koloto menai e Pol turu kristenira i Rom 7:1

A matsi hahatoulana i tar, alia e koloto uagu i tamilimiou te atei silemiou a lo. Alimiou e atei miou, alimiou e ka puku las mia tara lo tara pöata te töatöa mia limiou. Kaba tara pöatan mate e möa.

1 Korin 1:10

Alia e ranga hatagala koru meragou limiou tara solona a Tsunono i tarara e Iesu Kristo, alimiou go haniga hobotoiam batema kats kilkile mi a peisa milimiou. Alimiou go kagono hobotoiam, bate ka memiou u töa puku u hakats na u ngil.

1 Korin 10:1

A matsi hahatoulana, alimiou goma solopalemi a ka te butuia turu tuburara i manasa. U köasi tere Sunahan e kopo kap hoboto raien, na nori hoboto i tataala aroho silaia i gusuna u Tasi u Rörö.

1 Korin 12:1

A matsi hahatoulana, alia e ngilegu alimiou go atei sileiam a man nitagala te hala nena u Namnamei u Göagono turu katuun.

1 Korin 14:20

A matsi hatoulana, möa tu hakats here mi a pien. Kato here rami a galapien u tetenei te tutu ba ner a markato a omi. Kaba tara man palaina manka, mar hakats uaiam te hakats uana a katuun pan.

1 Korin 14:26

Aha tala tego katoeiam limiou a matsi hahatoulana? A pöata te la gögono hoboto mia limiou, a man tötöa i tamilimiou e ka memiou a man toukui. A töa e kamena u köma, na tabi e hihatutsuna, na tai e haröto nena a ka a mana, na tai e ranga nena u tana u mar ranga, na tai e palise nen. A mamanaka teka ego hatakei hatagala memilimiou u lotu.

1 Korin 9:2

Tema aposol gia lia tara palair u katuun, e nigana alimiou e atei silemiou alia a aposol. Alimiou a nihiharöto te aposol uagulia tara Tsunono, tu taguhu merai lia alimiou bate hamana uamiou tara Tsunono.

2 Korin 1:8

A matsi hatoulana, alam e ngilem alimiou go atei sileiam a nomi te butuia i tamulam tara provins i Eisia. Alam u söata a kamits a kapan koru, te tagala balein a nitagala i tamulam, ba lam e katsin mate hakapam.

2 Korin 2:14

Aragi haniga uu tere Sunahan. Nonei te mammam here raneira u soldia ti tagala saluheia tara hiatatung, taraha ara e pala uaier tere Kristo. E Sunahan e taguhu ranoura, bara te polaser u Bulungana u Niga tere Kristo turu katuun hoboto, bate here nei u soka u masi nitöa te hatei nena te atei sil menarienra tara mamana makum.

Galesia 3:15

A matsi hahatoulana, alia e hatei ragi limiou u töa u haharueina temar ka uarara tara man tötöa man lan. Tega kitseia a katuun u ranga, ba u katuun te haniga naren, e möa ta katuun tega tatei pekoeien romana na tega tatei hapona hasia turu ranga i tanen.

Galesia 6:18

A matsi hahatoulana i tar, a nitaatagi tara Tsunono i tarara e Iesu Kristo e tatei kagono meiena u namnamei i tamilimiou hoboto. U mana. Alia e Pol

Pilipai 1:22

Te töatöa noahas goua lia, ba lia te katoe gou a saha toukui te nigana. Alia ema atei silegi aha te nigana: tego töatöa noa uu lia tsi tego mate uu lia.

Pilipai 4:17

Kaba limiou goma poeiemi alia e ngilin lu tunegu ta hitaguhu. E möa. Alia e sasaala koru megu te tara menagi lia alimiou u katuun u tatangana. E Sunahan e tatei kato haniga ranou limiou.

Kolosi 1:6

U Bulungana u Niga teka e kato haniga rena u katuun bate kato hasasaala ranen, bate la uana tara mamana han hoboto. Te kato has uaien i gusu milimiou tara pöata ti hengo tutuun namia limiou a nihitaguhu tere Sunahan me atei sil haniga korue men.

1 Tesalonaika 2:18

Alia e Pol u ngil korui tego la uu lam i tamilimiou, kaba e Satan e roron hatu kap raiou lam.

1 Tesalonaika 4:13

A matsi hahatoulana, alam e hatei has rami limiou u katuun ti mate ti hamanaia tere Iesu. Alimiou goma tabe sil koru ramien te kato uaier a pala te hahamanar. A pala teka ema hamaneri tegina ka haniga hoboto gono menaien e Sunahan i murina a tou mate i taren.

2 Tesalonaika 2:7

A markato te peko menari a lo e kui hamousuna i romana bate antunana tara pöata te la hatalis na e si te hatu kap nanen.

2 Timoti 4:17

Kaba a Tsunono e ka gono meiou lia bate hatagale noulia, ba u raranga te sila nama romana i tar, ba u katuun hoboto tema Jiu ri te hengoeren. Ba tara markato teka ba e Sunahan te luba nena lia i runguna a laion.