U pas te koloto menai e Pol turu kristenira i Rom 1:11 - U Bulunagana U Niga

¹¹ Taraha, alia e ngil koruegu tego tara merai limiou bate hala ragi limiou a ka a niga turu Namnamei u Göagono, bate hatagalena u nihamana i tamilimiou.

U pas te koloto menai e Pol turu kristenira i Rom 1:11 Iomraidhean Croise

Aposol 16:5

Ba u nihamana turu kristen e butu hatagala koruna, na u hihase i taren e butu hapan susul turu mamana u lan.

Aposol 19:21

Na i murina a manka teka, ba u Namnamei tere Sunahan e haleie nei e Pol u hakats tega la uaien tara provins i Masedonia na i Gris, bate la hamurimuri uana i Jerusalem. Be Pol e poeiena, “I murina tena tare goua lia a man han teka, balia tena tara hase gou i Rom.”

Aposol 19:6

Pöata te hatakopeia e Pol a limanen ieluren, ba u Namnamei u Göagono e koul uanama i taren. Ba nori e ranga ria turu mamana u mar ranga, me ranga ner a manka te butu moto nou.

U pas te koloto menai e Pol turu kristenira i Rom 1:12

U raranga i tar e mar mouna uana teka: alia e ngilegu aragi taguhu mei a tai u nihamana te kamerara.

U pas te koloto menai e Pol turu kristenira i Rom 15:23

Kaba lia u hakapeia a toukui i tar tara man han teka, na lia e ngilin na tara hamanasa ragou limiou, taraha alia u solon hahaloso tego na tara merai limiou.

U pas te koloto menai e Pol turu kristenira i Rom 15:29

Tena tara ragoua lia limiou, alia e atei silegu alia e la megou a kaan hasasaala tere Kristo te kato hasasaala koru ranou limiou.

U pas te koloto menai e Pol turu kristenira i Rom 15:32

Te haniga noa e Sunahan, balia tena butu megoua a nisasaala pan i tamilimiou, ba ra te sasaala hobotora.

U pas te koloto menai e Pol turu kristenira i Rom 16:25

Aragi solosei e Sunahan! Nonei te antunan hatagalena u nihamana i tamilimiou ba limiou te hamana mia i tanen, te hengo mena milimiou u Bulungana u Niga te rararie gulia, na turu raranga te hatei nena e Iesu Kristo. Nonei u raranga teka e solon mous i manasa.

2 Korin 1:15

Alia u hamani a ka teka balia te la pouts ua guma i tamilimiou a hahuolina pöata, batemi kato hasasaala ragou limiou.

2 Korin 1:21

Kaba e Sunahan noa lahas te hatagala ra noulam na limiou tegi tuol hatagala beira e Kristo. Nonei te hala railam a toukui teka.

2 Korin 11:4

Taraha! Tena la menama romana ta katuun a taina a Iesu tsi u taina u namnamei u göagono tsi u taina u bulungana u niga te halhal nena a Iesu na u Namnamei u Göagono na u Bulungana u Niga tu la mema lam, alimiou e toul here noahas me moien temar toul menai e Eva e Satan.

2 Korin 9:14

Ba nori te singo sil rariou limiou bate ngil koru has rariou limiou, taraha e Sunahan e haröto sila nena a nihitaguhu i tanen i tamilimiou.

Pilipai 1:8

E Sunahan e atei silena a torir e ngil koru ranou limiou hoboto temar ngil has mera nei limiou e Iesu Kristo.

Pilipai 2:26

Nonei e ngilin tara koru ranou limiou hoboton töa, na nonei e hakats haparpara koruna, taraha alimiou u hengo naiam te siki uaien.

Pilipai 4:1

A matsi hahatoulana, alimiou go tuol hakarapoto lasmia tara nitagala tara Tsunono. Alia e ngilin tara koru ragou limiou, a man hahikapien i tar. Alimiou e kato hasasaala korue moulia na limiou e heremi a prais i tar.

1 Tesalonaika 3:13

Taraha, a Tsunono e ngilena a torimilimiou ega gogoso nega matsköia i matana e Tamarara e Sunahan, tara pöata tena la pouts nama romana a Tsunono i tarara e Iesu na u katuun hoboto i tanen.

1 Tesalonaika 3:2

Ba tara markato tala teka ba lam e tula namula e Timoti a hahatoulana i tarara te kui gono mera noulam tara toukui te habulungana menari u Bulungana u Niga tere Kristo. Nonei e la silela tegona hatagala meraien limiou na tegona kato hatagala menien u nihamana i tamilimiou.

2 Tesalonaika 3:3

Kaba a Tsunono a katuun a hihipakoko. Nonei e kato hatagale nou a torimilimiou bate hatongo kap ranoua limiou tere Satan.

Hibru 13:9

U hihatuts tema atei sileri te las ba ranoui limiou a maroro tere Sunahan egima kukute ii. A torimilimiou ema antunan lu nanei ta nitagala tara mamana mar lo na tara kannou. A man lo teka ema taguhu ranei u katuun te kukutie ren. E möa. A tori milimiou ega tagala mei a nihitaguhu tere Sunahan.

1 Pita 5:10

Alimiou e gamon sagoho lele mou a kamits, kaba i murinen e Sunahan e kato haniga pouts ranou u katuun u niga i tanen bate hatagala ranou limiou na u nihamana i tamilimiou tara mamana pöata. Nonei a Sunahan te roron taatagi ranou limiou bate ngö sil ranoui limiou tego na lu gono menami limiou e Kristo a nikapan i tanen te ka nitöana.

1 Pita 5:12

E Silbanus e koloto benei lia u pas teka te hala menagi lia i tamilimiou. Nonei e toularara tara markato turu kristen na lia e hamana korue gen. Turu pas teka alia e hala ra gilimiou u rarangan hitaguhu bate hatei ragi limiou nonei a nihitaguhu hamana tere Sunahan teka. Na limiou go tuol hakarapoto mia tara markato tara nihitaguhu teka.

2 Pita 1:12

Nonei te ngilin ranga hatei kapin töa mera gilia limiou ba u hakats i tamilimiou te hakats kap nitöanena a manka teka, noahasina ti atei sil hakapa memien limiou bate tuol hakarapoto mia turu raranga u mana tu lueiam limiou.