U pas te koloto menai e Pol turu kristenira i Rom 1:1 - U Bulunagana U Niga

¹ Alia e Pol, a katunun kui tere Iesu Kristo, i ngö sile ii tegomi aposol uu lia na tegomi rarare menai lia U Bulungana u Niga tere Sunahan.

U pas te koloto menai e Pol turu kristenira i Rom 1:1 Iomraidhean Croise

U Bulungana u Niga tere Iesu Kristo te kolotein e Mak 1:14

I murina ti hakarabus naia e Jon be Iesu e la ualala i Galili mena hihatuts nena u Bulungana u Niga tere Sunahan.

U Bulungana u Niga tere Iesu Kristo te kolotein e Jon 12:26

A katuun te ngilin kato nena a toukui i tar ega kukutie iou lia. Na katuun te katoena a toukui i tar ena ka noua tena ka has goua lia, e Tamar te kato hapane nouen.”

U Bulungana u Niga tere Iesu Kristo te kolotein e Jon 15:15

Alia ema ngö lel ragi limiou u katunun kui, taraha a katunun kui ema atei sile nei a ka te katoena a katuun te hakuie nen. Kaba alia e ngö tala ragi limiou u katuun hamatskö i tar, taraha alia u hatei hakapa railimiou a man raranga hoboto te hateia lia e Tamar.

U Bulungana u Niga tere Iesu Kristo te kolotein e Jon 15:20

Alimiou go hakats pouts naiam u raranga ti hala ra ii lia alimiou: a katunun kui ema pan nanei a tsunono i tanen. Nori u katuun ti kato homia i tar e kato homi has rariou limiou romana, na u katuun te hengo hanigeier u raranga i tar e hengo haniga has rariou limiou.

Aposol 13:9

Kaba e Sol, ti ngö hase ii e Pol, e saputu mei u Namnamei u Göagono e tara tötosi e Elimas me poeiena, “Alö a pien tere Satan! Alö ema ngilemi a man markato a man niga! U mamana u gamo e saputu korue nolö! Alö e antunan hanöa hasem te kato hakököela memilö a mamana maroro a matskö tara Tsunono?

Aposol 20:24

Kaba lia ema hakats hapara nagi tego töatöa uu lia tsi tego mate uu lia. Kaba lia e hakats sil koruegu tego antunan hakapa haniga menai lia a toukui teka tu lueia lia tere Iesu a Tsunono, a toukuina te hatei menari u Bulungana u Niga tara nihitaguhu tere Sunahan.”

Aposol 21:40

Ba tsunono e hanigana be Pol e tuoluna turu tötö tara luma be hasoasei nena a limanen turu katuun. Ba u katuun e kakamotor be Pol e rangana i taren turu HaHibru.

Aposol 22:21

Ba Tsunono e poeiena i tar, ‘La, alia e hala halehana menagi lö turu katuun tema Jiu ri.’”

Aposol 22:7

Ba lia e rus uagu i puta turu tsiktsiki, me hengoegu u töa u ranga bate poeiena i tar, ‘O Sol, o Sol, aha te kato hakamits sile milö alia?’

Aposol 26:1

Be Agripa e poeiena tere Pol, “Alö e tatei ranga beiem a peisamölö.” Be Pol e hasoasei nena a limanen me hatanian rangana.

Aposol 26:14

Ba lam e rus hoboto uam i puta turu tsiktsiki, balia e hengoegu u töa u ranga turu HaHibru bate poeiena i tar, ‘O Sol, o Sol, aha te kato hakamits sile milö alia? Alö peisa te kato hakamits poutsem a peisam. E here nei a bulmakau a tson te kiki hatoumurena a tsi ruei tara katuun i tanen.’

Aposol 27:23

Taraha, i bong a töa angelo e tuol lala i rehir, a angelo tere Sunahan te hopö kap naiou lia, e Sunahan te hatsunone gulia.

Aposol 9:15

Ba Tsunono e poeiena i tanen, “Lala, taraha alia u hopö kapiin a katuun teka tega hatei menaien a solor turu katuun tema Jiu ri na turu king i taren na turu katunura i Israel.

U pas te koloto menai e Pol turu kristenira i Rom 1:16

Alia e haröto koru megu u Bulungana u Niga. E Sunahan e haleien a nitagala tego lu pouts merien u katuun hoboto te hamane ren, e la mam uana turu Jiu, bate töan la uana turu katuun tema Jiu ri.

U pas te koloto menai e Pol turu kristenira i Rom 1:5

E Iesu Kristo e hala railam a nitagala tego aposol uu lam i tanen, ba lam te hatei namen turu hun katuun hoboto tegi hamana uaien i tanen, bate hengo hanige ren.

U pas te koloto menai e Pol turu kristenira i Rom 1:9

A peisar hoboto e tagala silena a toukui tere Sunahan, balia te ranga hatei lanegu u Bulungana u Niga tara Pien i tanen. Ne Sunahan e atei silena te roron singo sil bera gilia limiou, tara mamana pöata te singo gia lia.

U pas te koloto menai e Pol turu kristenira i Rom 11:13

Na lia e ranga gia i tamilimiou u katuun tema Jiu ri. Alia a aposol te hala mena lei e Sunahan i tamilimiou u katuun tema Jiu ri, na lia e ngil koruegu a toukui i tar.

U pas te koloto menai e Pol turu kristenira i Rom 15:29

Tena tara ragoua lia limiou, alia e atei silegu alia e la megou a kaan hasasaala tere Kristo te kato hasasaala koru ranou limiou.

U pas te koloto menai e Pol turu kristenira i Rom 16:18

Taraha, nori u katuun teka ema kui beri a Tsunono i tarara e Kristo. E möa. Nori e kui siler u ngilngilina i puta i taren. Nori e roron angoso rer u katuun bate gamo rer u katuun tema atei sileri a ka tema mana nei.

U pas te koloto menai e Pol turu kristenira i Rom 16:25

Aragi solosei e Sunahan! Nonei te antunan hatagalena u nihamana i tamilimiou ba limiou te hamana mia i tanen, te hengo mena milimiou u Bulungana u Niga te rararie gulia, na turu raranga te hatei nena e Iesu Kristo. Nonei u raranga teka e solon mous i manasa.

1 Korin 1:1

Alia e Pol, e Sunahan e ngil sile ii lia tegomi kui mei lia a toukui tere Iesu Kristo. Alam mere Sostenis e toularara e koloto menami u pas teka turu katuun tere Sunahan i Korin te kato hagöagono sila raia tere Iesu Kristo. E Sunahan e ngö sil rai limiou tego katuun uaiam limiou i tanen timar ngö has merai u katuun te hamana ria tere Iesu Kristo tara mamana makum, te hatsunoner e Iesu Kristo, a Tsunono i tarara na i taren has.

1 Korin 9:1

Alia a aposol, alia u tara hakapi e Iesu a Tsunono i tarara, na nonei e purese ba hakapein a kits kap i tar tara markato a omi. Alia u taguhu raiou limiou bate hamana uamiou tara Tsunono. Alimiou a kannou tara nikukui i tar.

2 Korin 1:1

Alia e Pol i ngö silei tego aposol uu lia tere Iesu Kristo. Taraha, nonei a toukui te ngil mei lia e Sunahan, alia go katoeien. Alam mere Timoti e toularara, e koloto menami u pas teka, turu katuun tere Sunahan i Korin. Na e la has uana turu katuun hoboto tere Sunahan te ka ria tara provins i Akaia.

2 Korin 11:5

Alia e peiegu u aposol gamogamo teka ema pan bala nari lia.

2 Korin 11:7

Alia u kato homi, tu hala puta menai a peisar tego hapan merai lia limiou bate rarare pukpukuegu u Bulungana tere Sunahan i tamilimiou? E möa.

2 Korin 12:11

Alia e ranga here gulei a katuun a tutu. Kaba lia e kato silegi a ka teka tego söata menai lia tu ranga tu niga i tamilimiou. Alia a katuun papala, kaba lia ema tetenei nagi u aposol u nigan ranga i tamilimiou.

2 Korin 2:12

Pöata tu tukuia lia tara taun i Troas tego hahatei menai u Bulungana u Niga tere Kristo, a Tsunono e kalata bei lia a tamana na tara mamana toukui i tanen.

2 Korin 4:5

Alam ema habulungana nami a peisamulam. E möa. Alam e habulungana nem e Iesu Kristo nonei a Tsunono, na lam u katunun kui i tamilimiou e ka silem nonei e Iesu.

Galesia 1:1

Alia e Pol, na man hahatoulana i tar te hamana mia tere Kristo, e hala menami u pas teka i tamilimiou u katuun u kristen te ka mia tara provins i Galesia. Alia a aposol. Na u katuun tuun tima halei lia a toukui teka. E möa. A toukuin aposol i tar e butuma tere Iesu Kristo na tere Tamarara e Sunahan te hatakei poutsi e Iesu tara tou mate i tanen.

Epesis 1:1

Alia e Pol, a töa aposol tere Iesu Kristo te hopö kapiin e Sunahan. Alia e koloto menagi u pas teka i tamilimiou u katuun tere Sunahan te ka mia tara taun i Epesis, alimiou u katuun te hamana nitöa uamiou tere Iesu Kristo.

Epesis 1:13

Na limiou has, e Sunahan e hopö kap merai limiou u Namnamei u Göagono te ranga hamana naien. Nonei e hopö kap sil railimiou tego katuun uaiam limiou tere Kristo. Taraha, alimiou u hengoeiam u raranga u mana na u Bulungana u Niga te poeiena e Sunahan e ngilin lu pouts mera nei limiou i tanen, ba limiou te hamana uamiou tere Kristo.

Epesis 4:11

Na nonei e hala nema a man nitagala teka turu katuun: a palai i hala ramei a nitagalana tara aposol, na palai a nitagalana tara propet, na palai a nitagalana tara tson hahabulungana, na palai a nitagalana tara tsonun halotu na tson hihatuts.

Pilipai 1:1

Alam ere Pol mere Timoti u katunun kui tere Iesu Kristo, alam e hala menami u pas teka i tamilimiou hoboto u katuun tere Iesu Kristo te ka mia tara taun i Pilipai, alimiou na u katunun halotu na u katunun hitaguhu turu lotu.

Pilipai 2:11

Ba u katuun hoboto te ranga riou bate poeier e Iesu Kristo te Tsunonona, ba tara markato teka ba nori te solosei riou e Sunahan e Tamarara.

Kolosi 1:1

Alia e Pol, a aposol tere Iesu Kristo. E Sunahan e lu meilia u ngil peisa i tanen tego aposol uu lia. Na lam mere Timoti e toularara e koloto menami u pas teka i tamilimiou u katuun tere Sunahan te ka mia tara taun i Kolosi.

Kolosi 1:25

E Sunahan e katoe ii lia a katunun kui turu katuun i tanen, me hale nei lia a toukui teka tego taguhu merai lia alimiou. Nonei a toukui i tar tego ranga hatei menai lia u bulungana i tanen.

1 Tesalonaika 2:2

Alimiou e atei miou, nori i kato homi raia lam tara taun i Pilipai. Kaba e Sunahan e kato ha ongolo raioulam ba lam e la noahas uaiem i tamilimiou mena hatei rami limiou u Bulungana u Niga tere Sunahan, noahasina ti hapiou u katuun u parpara.

1 Tesalonaika 2:8

Alam u ngil koru raiou limiou bate hala rami limiou u Bulungana u Niga tere Sunahan. Na lam uma peits ba railimiou ta töa taka i tamulam, na peisamulam has, taraha alimiou a matsomi i tamulam.

1 Tesalonaika 2:9

A matsi hahatoulana, hakats kap naiam alam i kuin moni hatagala koru mei a lan na bong. Alam uma ngilin hala railimiou ta nitiama tara pöata tu habulungana nailam u Bulungana U Niga tere Kristo i tamilimiou.

1 Timoti 1:1

Alia e Pol, a aposol tere Iesu Kristo. E Sunahan te lu pouts raiou ra na e Iesu te hamana riara nori i hopö kap silei lia tego aposol uu lia.

1 Timoti 2:7

Nonei a ka te hala sile mei lia e Sunahan tego aposol uu lia i tanen, bate hatuts raiegu u katuun tema Jiu ri ba nori te tatei hamaner a ka te manana bate atei sileren. Alia ema gamogi. E möa! Alia e ranga hamanagu.

2 Timoti 1:11

E Sunahan e hopö kap mei lia tego aposol uu lia na tego habulungana menai lia u Bulungana u Niga teka bate hihatuts nagen.

Taitus 1:1

Alia e Pol, a katunun kui tere Sunahan na aposol has tere Iesu Kristo. Alia i hala silemei tegomi hatagala menai u nihamana turu katuun te hopö kapir e Sunahan. Na tego taguhu meraien lia ba nori te atei siler u hihatuts u mana, bate tatei tus mera neien tara markato te hanigeiena e Sunahan.

Hibru 5:4

A katuun ema lu menei a nitsunono teka u ngil peisa i tanen. E möa. E Sunahan peisa te ngö sile nei a katuun a toukui teka, temar ngö has menaien e Eron a pris i manasa.

Hibru 7:26

Na e niga koruna te ka menareira a pris a kapan koru te göagono koruna na tema ka töa koru menei ta ka ta omi i tanen na e möa ta ka tega kato homieien na e ka halhal barena u katuun u omi. Na nonei e söata sei korue ria tara han tere tamanen i Kolö.

Jemis 1:1

Alia e Jemis, a katunun kukui puku tere Sunahan na tere Iesu Kristo a Tsunono. Alia e koloto menagi u pas teka i tamilimiou u Jiu te ka mia tara man taina man han, bate hala negu u hanhaniga i tamilimiou.

1 Pita 4:17

A pöata tega hatanian ona merai e Sunahan u katuun e butu hakapa, na nonei e ona mam ranou u katuun i tanen. Na te hatania nen romana i tarara, ga ime tena mar kapa uanoen romana turu katuun te hipus ner u Bulungana u Niga i tanen?

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

U pas te kolotein e Jut 1:1

Alia e Jut, a katunun kui tere Iesu Kristo, e toular e Jemis. Alia e koloto menagi u pas teka i tamilimiou, u katuun te ngöri e Sunahan. E Sunahan e Tamarara e ngil koru ranou limiou, na e Iesu Kristo te taratara kap ranou limiou.

Revelesin 1:1

U hiharöto tere Iesu Kristo. E Sunahan e haleien a manka teka ega haröto raien u katunun kui i tanen a manka tena butu nou romana. E Kristo e hala mena mei a angelo i tanen i tar, alia e Jon a tsonun kui i tanen, me haröte nei lia a manka teka.

Revelesin 22:6

Ba angelo e poeiena i tar, “U ranga teka e manana na egi hamani. Na Tsunono e Sunahan te hatakeiena u namnamei turu propet te haleiema a angelo i tanen gomi hatara meraien u katunun kui i tanen aha te sukusukun butuna.”

Revelesin 22:9

Ba nonei e poeiena i tar, “Alö goma markato uai teka! Alia has a katunun kui tere Iesu, alia na lö na man hahatoulana i tamölö u propet, na pala hoboto te hengoeier u raranga turu buku teka. Ara hoboto u katunun kui tere Iesu. Alö go hatsunoni e Sunahan!”