Revelesin 3:3 - U Bulunagana U Niga

³ Hakats kap tala naiam a manka ti hatuts rai limiou na u raranga tu hengoe iam limiou. Kukute iam bate tori tsuga namiou a man markato a man omi i tamilimiou. Esi tema tagule nou ii, alia ena la hasingoto here guma romana a kopkop ba limiou tema atei sile moi a saha mar pöata tena la guma lia romana.

Revelesin 3:3 Iomraidhean Croise

Matiu 25:13

Be Iesu e poeiena, “Alimiou go haneiam, taraha alimiou ema atei silemi u lan tsi a aua te butu nama romana a Tsunono i tamilimiou.”

U Bulungana u Niga tere Iesu Kristo te kolotein e Mak 13:33

Haneiam, tara kap hanigaiam. Taraha, alimiou ema atei silemi i hangisa te butu nama romana a pöata teka.

U Bulungana u Niga tere Iesu Kristo te kolotein e Mak 13:36

Nonei emi mots sabena tego soho uu lö tara pöata tena la hasingoto namen.

1 Tesalonaika 5:2

Taraha, alimiou u atei hakapa sileiam a Tsunono e songots butu nama romana. A Tsunono e la here namei romana a kopkop tara bong. E möa ta katuun tega atei sil a pöata te butu namen romana.

1 Timoti 6:20

O Timoti, tara kapiin a manka hoboto ti hale ii lö. Ka halehana ban u ranga pinopino tema hapane nei e Sunahan, na turu rangan raharaha turu katuun te gamor bate poeier e ka mer a niatei.

2 Timoti 1:13

Pile kap hakarapotein a markatona turu raranga u mana tu hatutsin lia i tamölö, balö te katoe men turu nihamana na te ngil menari a taina katuun te ka has na tere Iesu Kristo.

Hibru 2:1

Nonei tegi pile hakarapoto beira u raranga u mana ti hengoen ra. Ara ena mots hapolasa susul ba naren.

2 Pita 1:13

Alia e poeiegu e nigana tego hatakei kapin töa menai lia u hakhakats i tamilimiou tara manka teka tara pöata te töatöa noa gia lia.

2 Pita 3:1

A man hahikapien i tar, alia e koloto menagi u hahuoluna u pas teka i tamilimiou. Turu huol hoboto u pas teka alia e torohanan hatakeiegu u hakhakats u niga i tamilimiou bate hatei lel ragi limiou a manka ti atei sil hakapa haseiam limiou.

2 Pita 3:10

Kaba u Lan Pan tara Tsunono e songots butu hasingoto tuun nama romana, temar butu hasingoto uana a katuun a kopkop. Nonei turu Lan, u kolö e taia mena romana u gururu u kapan, na manka i kolö e kulupu hakapa riou, na han i puta na mamanaka te kana i tanen e ats hakapa nitöa riou.

Revelesin 16:15

“Hengo iam! Alia e songotei la hasingoto guma romana. A katuun te kalatan töana ega sasaala. Alimiou go heremi a katuun te tara kap haniga nena u hasobö i tanen batema tatei beloso neia i matar u katuun.”

Revelesin 2:25

Kaba alimiou go pile hakarapoto naiam u nihamana na markato a niga te ka memi limiou e antunana tena kopis pouts guma lia romana.

Revelesin 2:5

Hakats kap tala naiam a markato a nigana i manasa tu rus ba naiam limiou. Paliseiam a man markato a man omi i tamilimiou bate markato haniga pouts uamiou tu kato uaiam limiou i manasa. Te möa nen, alia e la guma romana batemi luba ragi limiou u lam tara makum i tanen.

Revelesin 22:7

Be Iesu e poeiena, “Hengo! Ema lehana noi ba lia te la guma romana. U buku teka e hatei nena a manka te butu nou, na katuun te kukutena u raranga i tanen ega sasaala.”

Revelesin 3:11

Alia e la boroboro guma romana, pile hakarapoto naiam a manka te ka memi limiou. U katuun u omi e namots luba rari limiou a manka a man niga te ngilin hala nena e Sunahan.

Revelesin 3:19

Te kato homi roua u katuun te ngil regu lia, alia e hapiou ragouen bate hamatskö ragouen. Alimiou go ngil hatagale iam a Tsunono bate tori tsuga namiou a markato a omi.

Revelesin 3:2

Kalataiam, bate kato hatagale miou a tsi pala te ka noana te katsin mate patuna. Alia u sabe a manka tu katoeiam limiou ema antuna neia turu ngilngil tere Sunahan.