Pilipai 4:8 - U Bulunagana U Niga

⁸ Na töa patu a ka, a man hahatoulana. Alimiou go hakats nitöa neiam a manka a man mana, na manka a man niga, na manka te matsköna, na manka te gogosona, na manka te hanigeier u katuun. Alimiou go hakats siliam a mamanaka te tatei ranga haniga ner u katuun.

Pilipai 4:8 Iomraidhean Croise

Matiu 22:16

Ba nori e hala ralila u katunun tsitsilo i taren na palair u katuun tere Herot tere Iesu mena poeier, “Tson Hihatuts, alam e atei silem alö a katununa turu mana. Alö e roron hihatuts hamana nem a maroro tere Sunahan, taraha alö ema hakats nami a manka te hakats ner u katuun tsi a nikapan i taren.

U Bulungana u Niga tere Iesu Kristo te kolotein e Mak 6:20

e Herot e matouti e Jon, na e atei sil e Jon a katuun a niga koru. Pöata te hengoeia e Herot a man raranga tere Jon ba nonei e toku koruna, kaba nonei e ngilin hengo noa laseien.

U Bulungana u Niga tere Iesu Kristo te kolotein e Luk 16:15

Be Iesu e poeiena i taren, “Alimiou e kato here nami a peisa milimiou u katuun u niga i matar u katuun, kaba e Sunahan e atei silena u hakhakats i tamilimiou e omina. Taraha? A ka te panna i matar u katuun e here nei a ka pinopino i matana e Sunahan.

U Bulungana u Niga tere Iesu Kristo te kolotein e Luk 2:25

Bara, a töa katuun e kaia i Jerusalem a solonen e Simion. Nonei a katuun a niga na e roron hatsunoni e Sunahan, na nonei e hahalosi tego taguhu merai e Sunahan u katunura i Israel. Na u Namnamei u Göagono e roron kaia i tanen.

U Bulungana u Niga tere Iesu Kristo te kolotein e Luk 23:50

A töa katuun a solonen e Josep a toun Arimatia, a töa taun turu Jiu. Nonei a katuun a niga, na nonei e hahalosi tega butu uama a Nipepeito tere Sunahan. Nonei a pala turu Kout Pan turu Jiu, kaba nonei ema hanige ii a ka ti hatangana nen na ti katoeien tere Iesu.

U Bulungana u Niga tere Iesu Kristo te kolotein e Jon 7:18

A katuun te ranga peisa mena u ngil i tanen e ngilin hapan nena a peisanen. Kaba a katuun te ngilin hapan nena a katuun te haleie men, e ranga hamanana, nonei ema gamo nei.

Aposol 10:22

Ba nori e poeier, “A töa tsunono tara ami, a solonen e Konilius, e tula rena moulam. Nonei a katuun a niga na nonei e hatsunono hasena e Sunahan, u Jiu hoboto e hanige ren. A töa angelo tere Sunahan e butuia i tanen me poeiena, ‘Alö gona ngöeiema e Saimon Pita ba nonei te la uanama i luma i tamölö, balö te hengo mia turu ranga i tanen.’”

Aposol 22:12

“A töa tson a solonen e Ananias e la uama i tar. Nonei a katuun te hatsunonei e Sunahan bate kukutiena a Lo i tarara, na u Jiu hoboto ti kaia i Damaskus i haniga korueien.

Aposol 6:3

Alimiou go hopö kap raiam a tohit a katuun i gusumilimiou te ka mer a solo a niga i matar u katuun, na u Namnamei u Göagono ega saputuia i taren bate ka meier a niatei a niga. Ba ra te haka raiera u katuun teka egi tara kapiin nonei a toukuin kannou teka.

U pas te koloto menai e Pol turu kristenira i Rom 13:13

Aragi kato hamatskö, te kato uaria u katuun tara lan. Aragi ma kukutiei a markato te kato homi ria u katuun tara pati na te spak uar na te tsikolo uar na te hakats homi uar na te raharaha uar na te hiomi uar. E möa.

U pas te koloto menai e Pol turu kristenira i Rom 13:3

Taraha, u katuun tara gamman ema kato hamatout rari u katuun te kato hanigar. E möa. Nori e kato hamatout raier u katuun te kato homir. Alö go kato haniga balö tema tatei matoutemi a katuun tara gamman, ba nonei te haniga hase noulö.

U pas te koloto menai e Pol turu kristenira i Rom 14:18

Na katuun te kui beiena e Kristo tara markato teka, e Sunahan na u katuun has e hanige ren.

U pas te koloto menai e Pol turu kristenira i Rom 2:29

A Jiu hamana nonei a katuun te hengo hanigeiena e Sunahan i torinen. Na mar hatöatongo te ngil koruena e Sunahan ema ka neia turu pikpikö. E möa. Kaba a hatöatongo te ngilena e Sunahan nonei u tori te kato hagogosi u Namnamei u Göagono. A mar katuun teka ema ngil ranei u katuun egi hapaneien. E möa. Nonei e ngil lasena e Sunahan tega hapaneien.

1 Korin 4:5

Na limiou goma ona rami u katuun i mamuna a pöata tena la nama romana a Tsunono. Nonei te ona hamatsköe nou a manka te mousna turu kuhil bate hakei nouen turu ualesala, bate haröto has nanou u hakats turu katuun. Be Sunahan te hala ranoui u katuun hoboto u rangan haniga i taren.

2 Korin 6:8

A palair u katuun e hapan rariou lam bate solosei rariou lam. Ba palai te sigala rariou lam bate ranga hohomi rariou lam. U katuun e poeier alam u gamogamo, kaba u raranga i tamulam e mana nitöana.

2 Korin 8:18

Na lam e hala gono has memien u hahatoulana i tarara te tara marei hoboteier a hun katuun tere Kristo tara toukui te katoe nen te habulungana haniga mena neien u Bulungana u Niga.

2 Korin 8:21

Taraha, alam e torohanan kato hamatskö mia i matana a Tsunono na i matar u katuun has.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

Epesis 4:25

Alimiou go hanöa ba neiam a markatona turu gamo bate ranga namiou a ka te manana tara tana katuun, taraha ara hoboto e pala uara tara hun katuun tere Kristo.

Epesis 5:9

Taraha, u ualesala te habutena a mamanaka te nigana na te matsköna na te manana.

Epesis 6:14

A katuun te hiatatung silena e Sunahan e kato uana tara soldia te hamatsköena a man kaan hiatatung i tanen. Nonei e hapouseiena a lete na e hasogeiena a kaan hatukap turu lumluma na e hasogeiena u sendol na e pile nena a kaan hatukap na e hakopeiena u hatan hiatatung na e pile nena u kilatan hiatatung. Te markato tala uanen teka ba limiou te katoemiou u ranga te manana bate katoemiou a markato a matskö bate polasemiou u Bulungana u Niga tara masalohana. Na limiou go pile hakarapoto has naiam u nihamana bate lu hasemiou a nihitaguhu tere Sunahan, be Satan tema antunan kato homi ranoui limiou. Ba limiou te hake mia u raranga tere Sunahan i torimilimiou. U Namnamei tere Sunahan e kato homieiena a toukui tere Satan.

Pilipai 3:1

Na a kapakapana u raranga i tar a matsi hahatoulana, alimiou go sasaala meiam a Tsunono. Alia ema antunan karous nagi tego hahatei hakopis menai lia u raranga. Taraha e taguhu has ranou limiou.

Kolosi 4:5

Hatara naiam a markato a niga na matskö te ka gono mera milimiou u katuun tema hamanari. Hahanei sil nitöa neiam a man pöata a man niga ba limiou te hatei ramien e Iesu.

1 Tesalonaika 4:12

E kato uana teka ba limiou tema hasola mia tara moni tara tana katuun. Te markato haniga uamou limiou teka, ba u katuun te haniga rariou limiou.

1 Timoti 2:2

Singo sil has raiam u king na palair u katuun pan hoboto, ba ra te tatei karia tara masalohana bate kakamoto hanigara i matana e Sunahan na turu katuun hoboto.

1 Timoti 3:11

A touhaliou has i taren egi kato haniga batema katoeri tu ranga te poeiena a tana katuun e kato homina. Nori e tatei hakats hanigar bate pakokeier a mamanaka te katoe ren.

1 Timoti 3:4

Nonei e antunan tara kap haniga nena a tahol na galapien i tanen na galapien e tatei hengo haniga hase ren na e tatei tara marei hase ren.

1 Timoti 4:12

Alö a katuun a hitots, ego möa ta katuun tega pita putputeiou lö. Harötein ta markato ta niga turu katuun te hamanar te markato uana a katuun a kristen turu hihatuts i tamölö, na tara markato i tamölö na te ngil mera milö u katuun hoboto na te hamana ua mölö tere Sunahan, bate ka mem a markato a gogoso.

1 Timoti 5:10

Na nonei has a amoaba teka te kamena a solo a niga tara man markato a man niga te kato mameien. Hena, te hatuts haniga raien a galapien i tanen bate tara kap haniga ranen, a solonen e tatei kana tara man solo. Na te taguhu haniga raien u katuun ti tuku ti lama tara tana han, bate galus hasena a mour u katuun u kristen na te taguhu raien u katuun te ka mer a siki bate torohanan katoena a mamana markato a niga, nonei e tatei hakoloto nena a solonen tara man solo.

1 Timoti 5:2

Na lö go kato rai a touhaliou pan u tsinamölö bate kato here has rami u kukubei u hahinamölö turu hakats u gogoso.

Taitus 1:8

Kaba nonei a mar katuun te tatei toulena a katuun bate las mena neien i luma i tanen, na mar katuun te ngileiena a mamanaka a niga. Na nonei ega hakats haniga bate katoeiena a manka te matsköna, na ega kato hasi a mamana markato a gogoso bate hala puta hasena a peisanen.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Taitus 2:2

Hatutsir u tsonpan egima spak ii, nori egi hakats hanigani a man markato te katoeren bate kukuteier a man markato te nigana. Nori egi atei sil haniga korui u raranga u mana tere Sunahan na markato te ngil menari a taina katuun, na markato tegi tuol hakarapoto uu bate söateiera a mamana nitiama.

Taitus 2:7

Tara mamanaka te katoe mölö, na turu hihatuts i tamölö, harötein a markato a niga balö te habulungana nem u raranga u mana na u matskö.

Taitus 3:14

Na u katuun i tarara egi kato sil tegi lu menaien a man markato a man niga, bate taguhu raier u katuun te makmakum ner a mamanaka. U katuun i tarara ena mots ka pinopinor.

Hibru 11:2

U katunur i manasa i hamanaia tere Sunahan, na nonei a ka te haniga sila raien e Sunahan.

Hibru 13:18

Singo be ramu moulam tere Sunahan. Taraha, alam e hasagohem a torimulam e gogosona i matana e Sunahan, na lam e ngilin kato hanigantöa nem a mamanaka.

Jemis 1:27

A katuun te niga hamanana na te matsköna i matana e Sunahan e Tamarara e markato uana teka: nonei egona taguhir u binai na u amoaba tara pöata te omina a nikaka i taren, na nonei e ka halehana ba nena a manka a man omi tara han i puta.

Jemis 3:17

Kaba a torina a katuun te kamena u hakats u nigana iasa e gogosona bate roron nolo pouts has rena a palai te hiaraharahar. Nonei a katuun a kakamoto na e hahengona tara tana katuun. Nonei e taatagi koru silena a katuun na e ka mena a markato a niga. Nonei e atei silena ime tega markato uaien, na nonei ema gamoe nei a tana katuun.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.

1 Pita 4:8

A ka te pan bala koruna tara mamanaka, alimiou go hiangilngil hatagalaiam, taraha u ngilngil nonei te kato hataie nou a mamana a markato a omi.

2 Pita 3:1

A man hahikapien i tar, alia e koloto menagi u hahuoluna u pas teka i tamilimiou. Turu huol hoboto u pas teka alia e torohanan hatakeiegu u hakhakats u niga i tamilimiou bate hatei lel ragi limiou a manka ti atei sil hakapa haseiam limiou.

1 Jon 3:18

A matsi galapien i tar, ara gima ranga tuun nai te ngil merarira u toularara. E möa. Aragi ngil hamana raien bate taguhu raren.

1 Jon 3:3

U katuun hoboto te hahanei siler e Kristo bate sasaalar, nori e markato hagogoso has uaier temar gogoso has uana e Kristo.

1 Jon 4:1

A man hahikapien, alimiou goma hengoemi u raranga turu katuun hoboto te poeier nori e ka mer u Namnamei tere Sunahan. Alimiou go tara haniga ramen tego haranga meraien e Sunahan. Taraha, a parpara koru a propet a gamogamo te ka ria tara mamana han hoboto.