Pilipai 3:8 - U Bulunagana U Niga

⁸ A manka hoboto te butuia i tar e here tala nei a manka pinopino te hakats menagi lia e Iesu Kristo a Tsunono i tar. Alia e atei sil talegu e Iesu, na nonei te niga bala nena a mamanaka hoboto. Alia e ngil korue gen bate ngöe gi a mamanaka ti ngil korui lia i manasa a bita pinopino. Ba lia te pile kap hakarapoto nagou e Kristo.

Pilipai 3:8 Iomraidhean Croise

U Bulungana u Niga tere Iesu Kristo te kolotein e Luk 1:43

Alia a tahol papala, na lö e tsinana a Tsunono i tar. Aha te la sile mumalö i tar?

U Bulungana u Niga tere Iesu Kristo te kolotein e Luk 11:20

Kaba te tsuga ba ragia lia u liliahanei u omi tara nitagala tere Sunahan, ba ka teka te hatara nena a Nipepeito tere Sunahan e la hakapa uama i tamilimiou.

U Bulungana u Niga tere Iesu Kristo te kolotein e Jon 14:20

A pöata e butu nama romana ba limiou tena atei sile mou alia e ka gia tere Tamar na limiou e ka has mia i tar na lia e ka has gia i tamilimiou.

U Bulungana u Niga tere Iesu Kristo te kolotein e Jon 14:7

Te atei sile mia limiou alia, alimiou e atei sil hasemiou e Tamar. Te taniana i romana alimiou e atei sil tale men na limiou u tara hakape men.”

U Bulungana u Niga tere Iesu Kristo te kolotein e Jon 16:3

Nori e katoe riou a manka man omi teka, taraha nori ema atei sile roi lia ne Tamar has.

U Bulungana u Niga tere Iesu Kristo te kolotein e Jon 17:3

Nonei teka a maroro tara nitöatöa te ka nitöana: u katuun te atei sile riou lö a Sunahan te mana nitöana, na lia e Iesu Kristo tu hala nema lö.

U Bulungana u Niga tere Iesu Kristo te kolotein e Jon 17:8

Na lia u hala hakapa raien a man raranga tu hale mei lö alia, ba nori te hamane ren. Na nori e atei siler alia u la hamanama i tamölö, na nori e hamaner tu hala mena mei lö alia.

U Bulungana u Niga tere Iesu Kristo te kolotein e Jon 20:13

Ba nori e rangate ren, “A tsi tahol, aha te tabe sile mölö?” Be Maria e ranga palis ranen me poeiena, “Nori e söate lila a Tsunono i tar, na lia ema ateigi ime tena na hake lilen!”

U Bulungana u Niga tere Iesu Kristo te kolotein e Jon 20:28

Be Tomas e ranga palis uana i tanen me poeiena, “O Tsunono na e Sunahan i tar!”

Aposol 20:24

Kaba lia ema hakats hapara nagi tego töatöa uu lia tsi tego mate uu lia. Kaba lia e hakats sil koruegu tego antunan hakapa haniga menai lia a toukui teka tu lueia lia tere Iesu a Tsunono, a toukuina te hatei menari u Bulungana u Niga tara nihitaguhu tere Sunahan.”

U pas te koloto menai e Pol turu kristenira i Rom 8:18

Alia e poeiegu u nikamits te söate rara i romana e tetenei bala nena a manka a man niga na man kapan tena haröto ranoira e Sunahan.

1 Korin 2:2

Alia uma ngilin ranga nai ta taina ta ka kaba lia u ngilin hatagali e Iesu Kristo i gusumilimiou na saha ka te mate sileien tara kuruse.

1 Korin 9:10

Nonei e ranga has raioulam. Ba nonei e poeiena u katuun e tatei hol haser a katunun taratarakap turu lotu tara toukui i tanen. A katuun te lebe iena a kui e kui silena tego lu menaien a hapalan kannou, na katuun has te gala menama a kannou.

2 Korin 4:4

A tson hiamus na turu puta teka e Satan, e kato hakuhilir u hakhakats turu katuun te hahamanar banori tema atei sileri u raranga u mana, te here nei u ualesala te alesala uana i taren. U ualesala nonei u Bulungana u Niga tere Kristo, e Kristo u haharuei tere Sunahan.

2 Korin 4:6

Taraha nonei e Sunahan te poei, U alesala go butuma i gusuna u kuhil. Nonei u ualesala te alesalana i torimulam bate hala ranei lam a niatei na tara niniganiga tere Sunahan te lakasa nama i matana e Iesu Kristo.

Galesia 1:16

Na pöata te hatareien lia a Pien Tson i tanen, tegona rarare menai lia u Bulungana u Niga i tanen tara palaier u katuun halhal, alia uma rangatei ta katuun ta saha taka tegona katoi lia. E möa.

Epesis 4:13

Na toukui teka e la lasnou e antunana tara pöata tena hamana hoboto rouara bate ka mera u töa u nihamana. E antunanoa tara pöata tena atei sil haniga hobote rouara a Pien Tson tere Sunahan bate here nei a töa a niatei. Ba ra tena butu here roi a katuun te ka mena u nihamana na markato a niga a tangoho, te markato uana e Kristo.

Pilipai 1:1

Alam ere Pol mere Timoti u katunun kui tere Iesu Kristo, alam e hala menami u pas teka i tamilimiou hoboto u katuun tere Iesu Kristo te ka mia tara taun i Pilipai, alimiou na u katunun halotu na u katunun hitaguhu turu lotu.

Pilipai 3:10

Alia e ngilin atei haniga sil korueiegu e Kristo. Na lia e ngilin atei sil hasegu a nitagala te hatakei ien tara tou mate. Alia e ngilin sagohegu a kamits te sagoheien, ba lia tena here noahase goien tara pöatan mate i tanen.

Pilipai 3:12

Alia ema peigi alia u kato hakapi a manka teka bate niga nitöagu. E möa. Alia e torohana noahasegu tego here menai lia a mar katuun te hopö kap sil mei lia e Iesu Kristo.

Pilipai 3:7

I manasa alia u ron ranga bate poeiegu a manka teka te roron taguheiou lia. Kaba i romana alia e poeiegu a manka teka a manka pinopino, taraha alia e hamana tala gia tere Kristo te niga bala nena a manka teka.

2 Timoti 4:6

Taraha, a nitöatöa i tar e katsin kapa hamanasana na u rahatsing i tar e takis here noi a uain te hala menari tere Sunahan. A pöatan la i tar e sukusuku hamanasana.

Hibru 3:14

Tegi hamana hatagala nitöa uu ra tere Sunahan ti mar hamana mam uu ra, ara e ka uara tere Kristo.

1 Pita 2:7

A hatu teka e haharuei nena e Iesu. Nonei e taguhu koru ranou limiou u katuun te hamana miou. Kaba turu katuun tema hamanari, u ranga e markato uana teka, “A hatu ti hapiraka ban u katunun kukui luma, nonei a hatu te niga balana tara toukuina tara luma.”

2 Pita 1:2

E Sunahan e taatagi koru ranou limiou bate hala ranei limiou a masalohana pan te atei sil mena milimiou e Sunahan, na Tsunono i tarara e Iesu.

2 Pita 1:3

Tara nitagala pan i tanen nonei e hala raira a mamanaka te hantuna ranou ra tegi kato menai ra a markato a niga i tanen. Nonei e taguhu mera neira te atei sil mena reien ra, na te atei sil mena reira nonei te ngö meraira tegina lu gono menaien ra a nikapan na niniganiga hamatskö i tanen.

2 Pita 1:8

Te kukute haniga lele moua limiou a man markato a man niga teka, ba limiou te atei haniga sile mou e Iesu Kristo a Tsunono i tarara bate habutemiou a mamanaka a niga.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita

1 Jon 1:3

Alam e hatei nem a ka tu tari lam na ka tu hengoe nilam bara te hiakaka haniga hobotora, bate ka gono mera e Tamarara na e Iesu Kristo a Pien Tson i tanen.

1 Jon 2:19

U katuun teka i laba hakapa raioura, taraha nori ima katuun hamana uai tara hun katuun i tarara. Sanena nori ti katuun uu i tarara, nori sanena e ka haniga gono meraioura. Kaba pöata ti laba raienra, ba u katuun e atei sil taleier nori hoboton töa ema katuun uari tara hun katuun i tarara.

1 Jon 5:20

Ara e atei silera a Pien Tson tere Sunahan e la silema i puta tegomi hala meraien ra a niatei tegi tatei atei sil menai ra e Sunahan hamana. Ara e ka gono mera e Sunahan hamana na e Iesu Kristo a Pien Tson i tanen. Nonei a Sunahan hamana teka, na a katuun te pala uana tara Pien Tson i tanen e ka mena a nitöatöa te ka nitöana.