Pilipai 3:2 - U Bulunagana U Niga

² Hanei sil raiam u katuun u omi te kato homieier u tuenrei, na te kato here rari u muki, bate poeier alimiou go hapöiam.

Pilipai 3:2 Iomraidhean Croise

Matiu 24:10

U katuun u parpara koru e hapolaser romana u nihamana i taren. Nori e hala mera roi a palai turu katuun te pakö raren batena hia o omi pouts hasir romana.

Matiu 7:15

Be Iesu e rangana me poeiena, “Hanei sil raiam u propet u gamogamo. Nori e hererari u muki u hie, kaba nori e gamor bate kato here nari a peisaren u sipsip u alena.

Matiu 7:6

“Möa tu hala rami u muki a ka te göagonona. Na e möa tu lapo namia u beröana turu poum, taraha nori e namots tö hohomie ren bate habiritsir bate koto lileke rariou limiou.”

U pas te koloto menai e Pol turu kristenira i Rom 2:28

A katuun te ka mena u nihamana i torinen nonei a Jiu hamana. Ema ka peisa uanei tara katuun te hapö naia a hatöatongo tere Sunahan i pikpikönen. E möa.

2 Korin 11:13

U katuun teka ema aposol hamanari. E möa. U katuun u gamogamo te kato here nari a peisaren u aposol tere Kristo.

Galesia 5:13

Kaba alimiou a matsi hahatoulana, e Sunahan e ngö sil rai limiou tego hapolasa ba mena milimiou a Lo. Kaba u raranga teka ema ranga nanei alimiou go pekoeiam a Lo bate kukute lase miou u ngilngilina i puta. E möa. Kaba e Sunahan e hapurese sil rai limiou tego hiangilngil uaiam limiou bate hiatagtaguhu miou.

Galesia 5:15

Kaba te kato here rami limiou u muki bate hiakatokato homi miou, alimiou go hanei iam! Alimiou ena mots hiakatokato homi nitöamiou, ba tema hiakaka haniga mi.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Pilipai 3:19

Nori e ka ria tara marorona tegi tia uaien, taraha nori e hakats sil talaser a tou nou, bate sasaala mer te haniga menarien a man markatona tara nimatsingolo, bate hakats puku lasner a mankana i puta.

Pilipai 3:3

A markatona i puta na markato te hapö uaier ema kato raneira u katuun tere Sunahan. E möa. Ara u katuun hamana tere Sunahan, taraha ara e hatsunonera e Sunahan i torirara bate sasaala mera e Iesu Kristo.

1 Timoti 1:19

Alö go pile hakarapotein u nihamana i tamölö balö te atei silem alö u möa ta ka ta omi i tamölö. A palair u katuun e atei siler a ka te omina, kaba nori e kato noahaseren bate kato homi taleier u nihamana i taren.

Taitus 1:16

Nori e pei laser nori e atei siler e Sunahan, kaba a markato i taren te haröto nena nori ema atei sileri e Sunahan. Nori e hipus korur, na nori ema antunan kato has nari ta ka ta niga. Na u katuun ema ngil koru has rarien.

2 Pita 2:22

A markato teka e haröto nena te mana uana u rangan haharuei turu Buku u Göagono te poeiena, “A muki e luana bate nou poutsena u nilua i tanen.” Na u tai e mar ranga uana teka, “A poum e totobu hagogoso nama batena susupa pouts len na tara mömoa.” Te markato has uaier u katuun te habirits sil pouts leneier a man markato a man omi i taren.

U pas te kolotein e Jut 1:4

Taraha, a palair u katuun u omi i mous ma i gusu milimiou. U mar katuun teka i tus merai turu mar nihahuna te ka noua turu kout tere Sunahan, ba nori tena tia riou, ti mar ranga uu propet tere Sunahan. Nori e roron paliseier u raranga u niga tere Sunahan bate katoerien u rarangana tara markato a omi. U katuun teka e roron tori tsuga naier a töa puku a Tsunono i tarara, e Iesu Kristo.

Revelesin 2:9

Alia e atei silegu a torimilimiou e tiamana, na limiou ema ka bala memi ta ka. Kaba limiou e ka noa has memiou a mamanaka. Alia e atei sil hasegu a palair u katuun e tuts sil rariou limiou. Ba nori te poeier nori u Jiu, kaba e möa. Nori u katuun tere Satan!

Revelesin 21:8

Kaba u pata bulbulu, na pala te hahamanar, na u katuun te hakats homir, na u hihipuli, na u tsiktsikolo na u lulu tson, na u matmatuna, na u gamogamo na u katuun te hatsunoner u kesa, a han i taren e kana romana iahana kiou pan te kulupuna u tula u ahiin u hiski koru. A ka teka nonei a hahuoluna tou mate.”

Revelesin 22:15

Ielesala tara taun te ka ria u mar katuun teka: u katuun u omi, na u matmatuna, na u tsiktsikolo na u lulu tson, na u hihipuli, na u katuun te hatsunoner u kesa, na u katuun hoboto te gamogamor na te kukutier u raranga u gamo.

Revelesin 3:9

Na pal katuun tere Satan te gamor bate poeier nori u Jiu kaba ema Jiu ri, alia e kato ragoien, ba nori tena hatukun roua i matamilimiou bate tara marei riou alia e ngil koru ragou limiou.