Pilipai 3:10 - U Bulunagana U Niga

¹⁰ Alia e ngilin atei haniga sil korueiegu e Kristo. Na lia e ngilin atei sil hasegu a nitagala te hatakei ien tara tou mate. Alia e ngilin sagohegu a kamits te sagoheien, ba lia tena here noahase goien tara pöatan mate i tanen.

Pilipai 3:10 Iomraidhean Croise

Matiu 20:23

Be Iesu e poeiena, “Alimiou ena ua moa tara kap i tar. Kaba lia ema antunan hopö kap nagi esi tena gum noa tara pal matou na tara pal keruka i tar. E Tamar puku lahas te hopö kapiin u katuun tegi lui a man makum teka.”

U Bulungana u Niga tere Iesu Kristo te kolotein e Jon 10:18

E möa ta katuun ga antunan atung hamate naiou lia turu ngil i tanen. Alia peisa te hala nagou a peisar tara tou mate. Alia e ka megu a nitagala tego haniga uu lia ba u katuun te atung hamatie riou lia, na lia e ka has megu a nitagala tego töatöa pouts uu lia. Nonei a ka te ranga mei lia e Tamar tego katoi lia.”

U Bulungana u Niga tere Iesu Kristo te kolotein e Jon 17:3

Nonei teka a maroro tara nitöatöa te ka nitöana: u katuun te atei sile riou lö a Sunahan te mana nitöana, na lia e Iesu Kristo tu hala nema lö.

U pas te koloto menai e Pol turu kristenira i Rom 8:17

Na te pien uarara i tanen, ba ra te lue rou a manka man niga i tanen, te markato uana a pien te luena a manka tere tamanen. Na e Sunahan e hala ranoira a manka te hala haseien e Kristo. Kaba tena lu gono merouen ra a manka man niga i tanen, aragi lu hasi a mar nikamits te lueien.

U pas te koloto menai e Pol turu kristenira i Rom 8:29

E Sunahan e atei sil mamir eresi te katuun uariou romana i tanen na nonei e hopö kap mam raien tegi here menaien a Pien Tson i tanen, ba Pien Tson i tanen te here nei a pien a hamua te ka mena u toulanen u parpara te kute ruma i tanen.

U pas te koloto menai e Pol turu kristenira i Rom 8:36

Ti mar koloto menaien turu Buku u Göagono: “Alam e ka heremi u katuun i tamölö, nonei te katsin atung hamate nitöa merari lam u katuun Nori e kato here rarilam u sipsip te kato hamate raier.”

2 Korin 1:10

Nonei e luba raialam tara nimate a kapan koru, na lam e hamanem nonei ena luba lel has ranoua lam tara nimate.

2 Korin 1:5

Taraha, te kamits hapara sil mena reira e Kristo, e Sunahan e hala hapara has nenama romana a niniganiga i tanen bate hala sila nenamen tere Iesu Kristo.

2 Korin 13:4

E manana, ti nila naia e Kristo tara kuruse e harötein a nipata i tanen, kaba tara nitakei na nitöatöa i tanen, e haröto nena a nitagala tere Sunahan. Na lam e roron pata here hase mien, kaba pöata tena ka moua lam i tamilimiou, alam e ka memou a nitagala tere Sunahan te markato uana a katuun te ka gono mena e Sunahan.

Galesia 2:20

Alia i lu hakapi a nitöatöa a tsimus. Kaba nitöatöa teka ema nitöatöa uanei i tar. Emoa. Kaba e Iesu nonei te kana i tar. Na mamana markato na man toukui te katoe gialia i puta, alia e katoe gien tara marorona turu nihamana. Na lia e hamana gia tara Pien Tson tere Sunahan. E ngil korue ioulia me mate silena tego taguhu menaien lia.

Galesia 6:17

Na lia ema ngil lenegi ta katuun ega hale ii lia ta nitiama. A man gahil tu lueia lia turu katuun ti omie ioulia e haröto nena alia a katunun kui tere Iesu.

Epesis 4:13

Na toukui teka e la lasnou e antunana tara pöata tena hamana hoboto rouara bate ka mera u töa u nihamana. E antunanoa tara pöata tena atei sil haniga hobote rouara a Pien Tson tere Sunahan bate here nei a töa a niatei. Ba ra tena butu here roi a katuun te ka mena u nihamana na markato a niga a tangoho, te markato uana e Kristo.

Pilipai 3:8

A manka hoboto te butuia i tar e here tala nei a manka pinopino te hakats menagi lia e Iesu Kristo a Tsunono i tar. Alia e atei sil talegu e Iesu, na nonei te niga bala nena a mamanaka hoboto. Alia e ngil korue gen bate ngöe gi a mamanaka ti ngil korui lia i manasa a bita pinopino. Ba lia te pile kap hakarapoto nagou e Kristo.

Kolosi 1:24

Alia e sasaala megu te sagoho mena gilia a kamits te taguhu mera gilia alimiou. Tara kamits i tar alia e ngilin kato hantue negu a kamits tere Kristo te sagoheien tego taguhu meraien u katuun i tanen, te hereri u tuenrei i tanen.

Kolosi 2:13

I manasa alimiou u ka halhal ba naiam a nitöatöa tere Sunahan, taraha alimiou u katuun u omi na limiou u ka mia ielesala tara Lo tere Sunahan. Kaba i romana e Sunahan e hala gono me ranei limiou na e Kristo a nitöatöa a mana. Nonei e luban a mamana markato a omi hoboto i tarara.

Kolosi 3:1

E Sunahan e hatakei pouts gono mera ii limiou e Kristo tara tou mate i tanen. Bara! Alimiou go kato sil taleiam a manka ni Kolö, te gumna e Kristo tara pal matou tere Sunahan.

1 Pita 1:3

Aragi solosei e Sunahan e Tamana a Tsunono i tarara e Iesu Kristo. Tara nitaatagi pan koru i tanen nonei e hala rai ra a nitöatöa a tsimus te hatakei meien e Iesu Kristo tara tou mate i tanen. Na tara mamanaka a niga te haka beraien ra i Kolö, a manka tema tatei omiri na tema tatei mulari na tema tatei taiari.

2 Pita 1:13

Alia e poeiegu e nigana tego hatakei kapin töa menai lia u hakhakats i tamilimiou tara manka teka tara pöata te töatöa noa gia lia.

1 Jon 2:3

Te hengo hanige riara u raranga tere Sunahan, ara e atei silera ara u katuun hamana i tanen.

1 Jon 2:5

Kaba a katuun te hengo hanigeiena u raranga tere Sunahan, nonei a katuun te ngil hamana korueiena e Sunahan. Na katuun te ngilin atei sil korueiena tega ka haniga gono menaien e Sunahan, nonei e tatei hengoena u raranga i tanen.

Revelesin 1:18

Na lia te töatöagu. Alia u mate, kaba lö go tara! Alia u töatöa poutsuma na lia e töatöa nitöa gou tara mamana pöata. Na lia te pan saluhe ba negu a tou mate na te tsunono negu a han turu mate.