Pilipai 2:7 - U Bulunagana U Niga

⁷ Nonei e butun katunuma me haka banena a nikapan i tanen, mena katunun kukui pukuna.

Pilipai 2:7 Iomraidhean Croise

U Bulungana u Niga tere Iesu Kristo te kolotein e Mak 9:12

Ba nonei e ranga palis ranen me poeiena, “E Ilaitsa ena mam hamana pouts romana nama batemi hamatsköeiena a mamanaka. Kaba i kolotein, Alia tu butun Katunuma e sagohe gou a kamits pan batema ngileri.

U Bulungana u Niga tere Iesu Kristo te kolotein e Luk 22:27

Esi te panina, a katuun te gumuna bate nouna, tsi a katuun te sösöatena a kannou? A katuun te gumuna, nonei te panina. Kaba lia e ka gia i gusumilimiou e heregi a katunun sösöata kannou.

U Bulungana u Niga tere Iesu Kristo te kolotein e Jon 1:14

U Ranga e butun katunuma memi kana i gusurara. Nonei a tsonun hihitaguhu na tsonuna tara nimana. Alam u tara hakapi a nitsunono i tanen, a mar nitsunono te kamena a töa koru a Pien Tson tere Sunahan, e Tamanen i Kolö.

U pas te koloto menai e Pol turu kristenira i Rom 15:3

Taraha, e Kristo has ema kato sile ii tega hasasaala peisa menaien a peisanen. E möa. Ti mar koloto has menaien turu Buku u Göagono te poeiena, “U ranga u omi turu katuun ti ranga homi na ioulö e rus uanama i tar.” Na ka teka e butu hamanaia tere Kristo.

U pas te koloto menai e Pol turu kristenira i Rom 15:8

Alia e hatei ragou limiou, e Kristo e butun katunun kuia turu Jiu, taraha nonei e ngilin harötein e Sunahan e kato hatagali u ranga hamana te hala naien turu tubur u Jiu bate butu hamanana, na e ngil hasi u katuun tema Jiu ri egi solosei meien a nihitaguhu i tanen. Ti koloto has menaien turu Buku u Göagono: “Alia e habulungana nagoua lö, o Sunahan, i gusur u katuun tema Jiu ri, bate köma hasasaale goulö.”

U pas te koloto menai e Pol turu kristenira i Rom 8:3

E Sunahan e kato a töa ka a niga koru, na Lo tere Mosis ema antunan katoe ii a ka a niga teka, taraha u ngilngilina i puta ema antunan kukute ii a Lo teka. Be Sunahan e hala nenama a Pien Tson i tanen peisa memi lueiena u tuenrei te markato uu turu tuenrei i tarara me mate silena a markato a omi. Ne Sunahan e luban a nitagala tara markato a omi te kana turu tuenrei i tarara.

2 Korin 13:4

E manana, ti nila naia e Kristo tara kuruse e harötein a nipata i tanen, kaba tara nitakei na nitöatöa i tanen, e haröto nena a nitagala tere Sunahan. Na lam e roron pata here hase mien, kaba pöata tena ka moua lam i tamilimiou, alam e ka memou a nitagala tere Sunahan te markato uana a katuun te ka gono mena e Sunahan.

2 Korin 8:9

Alimiou e atei silemiou a nitaatagi tara Tsunono e Iesu Kristo. Noahasina te ka meien a mamanaka a niga, kaba turu ngilngil tanen i tarara ba nonei e butu here namei a katuun te möa ta ka. Nonei e laba sila nama a mamanaka a niga tanen i Kolö tegomi hala meraienra a mamanaka a nigana i Kolö.

Galesia 4:4

Kaba tara pöata hamatskö te hopö kapiin e Sunahan, ba nonei e hala nenama a Pien Tson i tanen. A tahol te poseien, ba nonei e kana i kopina a Lo turu Jiu.

Pilipai 2:6

Nonei na e Sunahan nori a töa, kaba e Kristo ema peits nai a nikapan i tanen. E möa.

Hibru 12:2

Aragi tara las uu tere Iesu. Nonei a mouna u nihamana i tarara na nonei te kato hamanena a manka te hamana sile rara. Nori i nila naien tara kuruse, na nonei ema rama ii. Nonei ema matsingolo rai u katuun tega mate here menaien a katuun a kopkop, taraha nonei e atei sil nonei ena sasaala koru nou. Na i romana nonei e gumna tara pal matou tere Sunahan noahas.

Hibru 13:3

Ma solopala rami u katuun te ka ria tara karabus. Hakats here rami alimiou e ka gono mera men tara karabus. Hakats sil has raiam u katuun te kato hakamits raier, kato here has rami u katuun e kato hakamits has rariou limiou.

Hibru 4:15

Kaba ra egima tatei hakats ii bate poeiera a pris a tsunono pan i tarara ema antunan taatagi ranei ra tara pöata tema tagala ria ra. E möa. Kaba man torohana te ron butuna i tarara, e butu hasia i tanen tego torohana menaien. Kaba nonei ema kato homi ii.