Pilipai 2:5 - U Bulunagana U Niga

⁵ Alimiou go ka has meiam u mar hakats te ka has meiena e Iesu Kristo:

Pilipai 2:5 Iomraidhean Croise

Matiu 11:29

Lueiam a toukui i tar balia te hatuts ragou limiou, taraha alia e ron hala puteiegu a peisar na e tori tami has gia turu katuun hoboto. Ba limiou tena tatei husa mou batena sabe hase mou a nigumgum a niga te ka nitöana.

U Bulungana u Niga tere Iesu Kristo te kolotein e Luk 22:27

Esi te panina, a katuun te gumuna bate nouna, tsi a katuun te sösöatena a kannou? A katuun te gumuna, nonei te panina. Kaba lia e ka gia i gusumilimiou e heregi a katunun sösöata kannou.

Aposol 10:38

E hatei nena e Iesu na i Nasaret. E Sunahan e hale meien u Namnamei u Göagono na nitagala has. Nonei e tataala bate taguhu rena u katuun na nonei e kato haniga pouts hasir u katuun hoboto ti ka mei a siki na u katuun te pile kapir e Satan, taraha e Sunahan e ka gono meien.

Aposol 20:35

Tara mamana toukui i tar, alia u haröto railimiou tegi mar kui hatagala uu ra teka, bara te tatei taguhu raier u katuun u pinolasa. Aragi hakatsin u raranga te kato e Iesu a Tsunono me poeiena, ‘A nisasaala tara katuun te hala nena a manka tara tana katuun e pan bala nena a nisasaala tara katuun te luna tara tana katuun.’”

U pas te koloto menai e Pol turu kristenira i Rom 14:15

Te omi silana a hahatoulana i tamölö tara ka te noue mölö, e hatei nena alö ema ngil hamane mien. Taraha, nonei e kukutiena a markato i tamölö bate kato homiena a torinen. Kaba e Kristo e mate sil hasi a hahatoulana i tamölö. Tara kap haniga talein a ka te noue mölö. Nonei e namots kukutiena a markato i tamölö bate kato homi hasena a peisanen.

U pas te koloto menai e Pol turu kristenira i Rom 15:3

Taraha, e Kristo has ema kato sile ii tega hasasaala peisa menaien a peisanen. E möa. Ti mar koloto has menaien turu Buku u Göagono te poeiena, “U ranga u omi turu katuun ti ranga homi na ioulö e rus uanama i tar.” Na ka teka e butu hamanaia tere Kristo.

U pas te koloto menai e Pol turu kristenira i Rom 15:5

E Sunahan te tuol hatagala nitöana na te hatagala nitöa ranoura ega hala rai limiou a masalohana bate kukutemiou a markato tere Iesu Kristo.

1 Korin 10:33

Nonei teka te torohanan markato has uagou lia. Tara mamanaka te katoe gulia, alia e torohanan kato haniga gia i matar u katuun hoboto. Alia ema hakats nagi a ka te niga peisana i tar. E möa. Alia e hakats has negu a ka te nigana i taren. Alia e kato silegu nori egi haniga be Sunahan te lu pouts ranen.

Epesis 5:2

E Iesu e taatagi koru raioura me mate sil ranoura. A tou mate i tanen e here nei u haats te soka hamasi hanigan töa uana tere Sunahan, be Sunahan te ngil korue nen. Te markato tala uanen teka ba limiou te ngil koru has ramiou a palaier u katuun.

Pilipai 1:1

Alam ere Pol mere Timoti u katunun kui tere Iesu Kristo, alam e hala menami u pas teka i tamilimiou hoboto u katuun tere Iesu Kristo te ka mia tara taun i Pilipai, alimiou na u katunun halotu na u katunun hitaguhu turu lotu.

1 Pita 2:21

E Sunahan e ngö hakapa raiou limiou tego kato mena milimiou a markato teka. Taraha, e Kristo has e kamits hakapa sil raiou limiou, na ka teka e haharuei nena tego kukute has mena mi limiou a maroro teka.

1 Pita 4:1

E Kristo e sagohi a kamits i tuenreinen, na limiou go mar hakats hatagala has uaiam iesana batema rama nami a nikamits. Taraha, a katuun te sagohena a nikamits i tuenreinen ema hakats nanei tega kato menaien a markato a omi.

1 Jon 2:6

Esi a katuun te poeiena nonei e ka gono mena e Sunahan, a katuun teka ega markato has uu te markato uu e Iesu.