Pilipai 2:2 - U Bulunagana U Niga

² Temar kato tala uanen teka, ba limiou te katoe miou a man markato a man niga. Ba lia te ka megou a nisasaala a kapan saluhe koru, na lia e ranga hatagala gia i tamilimiou, alimiou go ka meiam u töa puku u hakats bate hiangilngil hamana miou, na limiou go ka heremi a töa puku a katuun. Te markato uamou limiou teka, ba lia te sasaala nitöa gou.

Pilipai 2:2 Iomraidhean Croise

U Bulungana u Niga tere Iesu Kristo te kolotein e Jon 3:29

E Iesu e here nei a tsonun tölo na lia e heregi a tsonun hitaguhu i tanen. Pöata te hitöl mena a tson a tahol i tanen, ba tsonun hitaguhu te tuol hatalisina bate sasaala koruna te hengo mena neien u ranga tara tsonun tölo. Te markato uanen teka ba lia te sasaala koru hasigu.

Aposol 1:14

U katuun hoboto teka i gono hoboto bate singo nitöa uaier tere Sunahan. Nori i ka gono has mer a touhaliou, ne Maria e tsinana e Iesu, na u toulana e Iesu has.

Aposol 2:1

Pöata te butuma u Lan u Göagono ti ngöei u Pentikos, u katuun tere Iesu Kristo i ka hoboto ia tara töa makum.

Aposol 2:46

Turu mamana u lan nori i la hoboto uu tara Luman Lotu Pan tina singo hoboto uaien na nori i nou hoboto mei u hakats u niga na nisasaala pan.

Aposol 5:12

U aposol i katoi u mamana u mar mirakol i gusur u katuun. U katuun ti hamana i gono hobotoia tara makum te ngöeri a Luman Oho tere Solomon.

U pas te koloto menai e Pol turu kristenira i Rom 12:16

Kaka haniga gono meraiam u katuun, möa tu hapanpan iam. Kaka haniga gono meraiam u katuun papala, ba tema pei mi alimiou lahas te ka memiou a niatei.

1 Korin 1:10

Alia e ranga hatagala koru meragou limiou tara solona a Tsunono i tarara e Iesu Kristo, alimiou go haniga hobotoiam batema kats kilkile mi a peisa milimiou. Alimiou go kagono hobotoiam, bate ka memiou u töa puku u hakats na u ngil.

2 Korin 13:11

Matsi hahatoulana, alia e hakapa talegu u raranga i tar. Alimiou go torohana hatagala koruiam tego matskö koru uaiam limiou. Hengo taleiam u raranga i tar. Na limiou go hia tangtanganaiam bate ka haniga hobotomiou. Alimiou go markato uaiam teka be Sunahan te ka gono mera nou limiou, taraha nonei a mouna a markato te hiangilngil uaier na te hiakaka haniga uaier.

2 Korin 2:3

Ba lia temar koloto tala uagu teka, taraha alia u raman tego kato hataatagi mena milimiou alia, alimiou u katuun tego kato hasasaale moulia. Alia e kamegu a nihamana i tamilimiou hoboton töa, a nisasaala i tar, a nisasaala has i tamilimiou.

2 Korin 7:7

Na e Taitus e kato hasasaala has raiou lam te habulungana menaien tu markato hasasaala has mena mien limiou. Nonei e pei alimiou i ngilin tara korue moulia bate taatagi korumiou bate tagala sil hase moulia. Ba pöata tu hengo naia lia a ka teka ba lia e sasaala korugu.

Pilipai 1:4

Na te singo sil meragi lia limiou tara mamana pöata, bate singo megu a nisasaala.

Pilipai 2:16

Hala rami u rarangana tara nitöatöa. Te markato uamou limiou teka, ba lia te haniga koru ragou limiou turu Lan Pan tere Kristo. Taraha, nonei a manka teka e haröto nanou alia uma kui hatagala papalai.

Pilipai 2:20

Alia u möa ta taina ta katuun tego here ii e Timoti. Nonei puku lahas a töa katuun te hakats sil koru ranou limiou temar hakats sil has meragi lia alimiou.

Pilipai 4:2

Alimiou oro Yuodia mere Sintiki, alia e ranga hataatagi gia i tamilimiou, alimiou go torohanan hiakaka hanigaiam, taraha alimiou u mun toulana te hamana uami limiou tara Tsunono.

Kolosi 2:5

E manana, u tuenrei i tar e ka halehana ba ranou limiou, kaba u hakhakats i tar e ka gonon töa mera noulimiou. Na lia e sasaala megu te atei sil mena gilia te tuol hakarapoto uami limiou bate hamana hatagala mia tere Kristo.

2 Tesalonaika 2:13

Alam e roron haniga bera mou limiou tere Sunahan, alimiou a pala te taatagi sil rena a Tsunono. Taraha, e Sunahan e hopö kap raiou limiou i mam noa tego lu pouts meraien limiou i tanen. Pöata tu hamana mia limiou turu ranga hamana, u Namnamei i tanen e kato hagogosi a torimilimiou.

2 Timoti 1:4

Te hakats pouts menagi lia u sulun mata i tamölö, ba lia te ngilin tara koru nagou lö bate sasaala korugu.

Pilimon 1:20

A tsi toular, tara solona a Tsunono alö go taguhe moulia, ba lia te sasaala uagu tere Kristo.

2 Jon 1:4

Alia e sasaala koru megu te sabe mena gilia, te kukute menari a palair a galapien i tamölö u raranga u mana te hatei raira e Tamarara e Sunahan.

3 Jon 1:4

Pöata te hengo nagia lia a galapien i tar e kukute hanigeier u raranga u mana, ba lia te sasaala korugu. U bulungana teka e pan saluhe ba nitöa nena a manka hoboto te tatei kato hasasaale noulia.