Pilipai 1:7 - U Bulunagana U Niga

⁷ E niga nitöana temar hakats mera gilia limiou teka, taraha a torir e roron hakats sil nitöa ranoulimiou. E Sunahan e kalala hoboto raioura tara pöata tuma ka noaia lia tara karabus, bate kato hatagala noahasegu u Bulungana u Niga. Na e Sunahan e kalala noahas ranou ra i romana te ka gia lia tara karabus.

Pilipai 1:7 Iomraidhean Croise

Aposol 20:23

A ka lasi teka te atei sile gulia: tara mamana taun u Namnamei u Göagono e roron hatei halesaleiou lia bate poeiena, ‘Alö ena sabie mou a kamits ba nori tena haka hase roua lö tara karabus.’

Aposol 21:33

Ba tsunono turu soldia e lana tere Pol me pile kap nanen ba nonei e ranga merena u soldia i tanen tegi kits menien a huol a tsien. Ba nonei e rangatana, “Esi nonei teka, na ha te katoe lalen?”

1 Korin 13:7

U ngil e tagala silena mamanaka, noahasina tara saha ka te butuna. E hamanena mamanaka bate hamana silena tego butu hamana uaien romana, na ema tatei sökana has nei.

1 Korin 9:23

Alia e kato sila nagia a manka hoboto teka tara solo turu Bulungana u Niga tere Iesu Kristo, tego lu menai lia romana a manka man niga te hatei nena u Bulungana u Niga.

2 Korin 3:2

Alimiou noahas u pas te hahatei ranou limiou ti koloto naia i tui mulam, u katuun hoboto e atei sileren na e tara hase ren.

2 Korin 7:3

Alia ema ranga negi a ka teka tego saka merai limiou u ranga. E möa. Alia u ranga hakapein alam e ngil koru ramou limiou, noahasina tena mate hoboto rouara tsi tena töatöa hoboto has rouara.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Epesis 3:1

Alia e Pol, alia i hakarabus sile ii ti kui menai lia a toukui tere Iesu Kristo.

Epesis 4:1

Alia e Pol, alia e karabus silegu te kui menagi lia a toukui tara Tsunono. Na e Sunahan e hopö kap raiou limiou tego katuun uaiam limiou i tanen. Na lia e hatei ragou limiou ego marka uaiam temar ngil uana e Sunahan.

Epesis 6:20

Nonei a ka teka te ka sile gia lia tara karabus, ti habulungana menai lia u Bulungana u Niga. Na limiou go singo sile moulia balia tema tatei matout gi tego habulungana menai lia u Bulungana u Niga.

Pilipai 1:12

A man hahatoulana i tar, alia e ngilegu alimiou go atei sileiam a ka te butuia i tar e taguhu korui a toukui turu Bulungana u Niga. Me la kalakala uana tara mamana katuun, na u soldia hoboto tara gamman pan iahana taun teka na palair u katuun hoboto has e atei siler a ka te karabus silegu lia, te katunun kui uagu lia tere Kristo.

Pilipai 1:14

U katuun u para koru te pala uar tere Kristo e hamana hatagala koru tala uaier tara Tsunono, taraha alia e ka gia tara karabus. Na nori ema ka meri ta nimatout te hatei menarien u raranga tere Sunahan.

Pilipai 1:5

Taraha, alimiou u taguhe moulia tara toukuina turu Bulungana u Niga, tara pöata tu hengo tutune mien limiou bate la noahasina i romana.

Pilipai 2:22

Alimiou e atei silemiou e Timoti e harötein nonei a katunun kui a niga. Alia e heregi e tamanen ba nonei te here nei a pien i tar. Alam e kui hoboto silem u Bulungana u Niga.

Pilipai 4:14

Kaba limiou e kato haniga koru memiou te taguhu noahas mena milimiou alia tara pöata teka te ka megia lia a nitiama.

Pilipai 4:15

Alimiou u katunura i Pilipai e atei miou, a pöata tu laba naia lia a provins i Masedonia temi rarare mameia lia u Bulungana u Niga, alimiou puku a pal katunura turu lotu tu taguhe moulia tara markato tu hala mena milimiou a moni na man taina manka has. Kaba palair u katuun, e möa.

Pilipai 4:3

Na lia e rangate goulö ti ron kui gono meiou lia, alia e ngilegu alö go taguhir a huol a tahol teka. Taraha, nori i kui hatagala koru me ti hahatei lamenien u Bulungana u Niga, nori mere Klemen na palair a man hahikapien hoboto i tar ti kui gono meioulia, na man solo i taren e kana turu bukuna tara nitöatöa.

Kolosi 4:18

Alia e Pol te kolotegi a tsi rangan haniga teka a limar hamatskö. Ma solopalemi lia, alia e ka noa has gia tara karabus. A nihitaguhu tere Sunahan e tatei ka gono mera noulimiou. Nonei talasi. Alia e Pol

Kolosi 4:3

Na limiou go singo sil has ramoulam be Sunahan te kalatena a maroro tego habulungana menai lam u raranga i tanen bate hatei nem u bulungana tere Kristo, te mous i manasa. Taraha, nonei a ka te karabus sile gulia.

1 Tesalonaika 5:5

Taraha, ara hoboto u katunura turu ualesala na tara lan. Ara e matsköra na e niga has ria i matana e Sunahan, nara e atei sil hase ren. Na ka teka e kato uana tara markato turu ualesala. Ara ema katuun uarei tara bong na turu kuhil, te haharuei nena a markato a omi na a nitutu.

2 Timoti 1:8

Bora, alö goma matsingolo mei tego ranga hatei menailö a Tsunono i tarara. Na lö goma matsingolo has mei lia, te karabus sil menagi lia e Kristo tara luman karabus. Kaba tara nitagala tere Sunahan, hahanei sil tego toul menailö a pala i tamölö tara nikamitsina turu Bulungana u Niga.

2 Timoti 2:9

U Bulungana u Niga teka te sagoho sila nagia lia a kamits tara luman karabus. Nori e kits here nari lia a kopkop, kaba u bulungana tere Sunahan ema tatei kits nari.

Pilimon 1:13

Alia e ngilin hake gien teka ba nonei te lueiena a makum i tamölö bate taguhe noua lia tara pöata te karabus sil menagi lia tu hahatei menai lia u Bulungana u Niga.

Hibru 3:1

A matsi hahatoulana, e Sunahan e ngö sil railimiou tego katuun uaiam limiou i tanen. Na limiou go hakats naiam e Iesu. E Sunahan e hala sile mei e Iesu tegomi aposol uen turu lotu i tarara na tegomi tsunono pan meraien u pris turu lotu i tarara.

1 Pita 4:13

Alimiou go sasaalaiam, taraha e here nei alimiou e sagoho gono memi e Kristo a kamits. Nonei tego tatei sasaala koru beiam limiou romana tara pöata te butu mena men romana a nikapan i tanen.

1 Pita 5:1

Alia e ka hamanasa megu u raranga i tamilimiou a pal kapan te tara kap ner u lotu. Na lia has a katuun pan turu lotu i tarara. Alia u tara hakapi temar kamits uu e Kristo, na lia e lu gono has megoen romana a nikapan tara pöata te butu namen romana. Alia e ranga hataatagi mera goulimiou, alimiou go taratara kap haniga raiam u katuun te hala railimiou e Sunahan. Nori e hereri u sipsip na limiou u katunun taratarakap i taren. Alimiou goma kato memi a toukui teka te hakui tuun mera nei limiou e Sunahan. E möa. Alimiou go ka meiam u ngilngil i peisa milimiou bate katoe men. Alimiou goma kato sile mien tego lu mena milimiou ta moni. E möa. Alimiou go kame iam u ngil u tagala tara toukui teka.

2 Pita 1:13

Alia e poeiegu e nigana tego hatakei kapin töa menai lia u hakhakats i tamilimiou tara manka teka tara pöata te töatöa noa gia lia.

1 Jon 3:14

Kaba ara e atei sil talera ara i laba nema a tou mate me aroho uarima tara nitöatöa. Taraha ara e ngil korueiera a man hahatoulana i tarara, a pal katuun te hamana ria tere Iesu. A katuun tema ngile nei e toulanen e ka noana tara tou mate. Nonei e ka halhal ba nena a nitöatöa tere Sunahan bate here nei a katuun a mate.