Pilipai 1:6 - U Bulunagana U Niga

⁶ Alia e atei silegu e Sunahan e hatania hakapi a toukui a niga teka i tamilimiou, e antunana te kapa nitöa nen romana tara pöata te butu nama romana u Lan u Kapan tere Iesu Kristo.

Pilipai 1:6 Iomraidhean Croise

U Bulungana u Niga tere Iesu Kristo te kolotein e Jon 6:29

Be Iesu e ranga palis uana i taren me poeiena, “A toukui tere Sunahan e markato uana teka, alimiou go hamana mia tara katuun te tula na men.”

Aposol 11:18

Pöata ti hengoien u ranga tere Pita, ba nori e haniga korue ren. Ba nori e soloseier e Sunahan me poeier, “U mana, e Sunahan e haniga hasir u katuun tema Jiu ri tegi habirits ba menaien a man markato a man omi ba nori te töatöa has riou!”

Aposol 16:14

A töa tahol a solonen e Lidia e kaia i gusura a touhaliou ti hengoia i tamulam. Nonei a taholuna tara taun i Taiataira na nonei e roron haholin u labalaba a hihol i tanen te la sei. Nonei e roron hatsunoni e Sunahan, ba Tsunono e kalatena a torinen ba nonei e hanige iena u raranga tere Pol.

1 Korin 1:8

Nonei e kato hatagala ranou limiou, bate hamana hatagala mia i tanen ba limiou tema kame moi ta töa ta ka ta omi i tamilimiou tara pöata temi tuol moua limiou i mata nen.

2 Korin 1:15

Alia u hamani a ka teka balia te la pouts ua guma i tamilimiou a hahuolina pöata, batemi kato hasasaala ragou limiou.

2 Korin 2:3

Ba lia temar koloto tala uagu teka, taraha alia u raman tego kato hataatagi mena milimiou alia, alimiou u katuun tego kato hasasaale moulia. Alia e kamegu a nihamana i tamilimiou hoboton töa, a nisasaala i tar, a nisasaala has i tamilimiou.

2 Korin 7:16

Alia e sasaala korugu, taraha, alia e hamanegu alimiou e kukute mou a man markato a man matskö na man niga.

2 Korin 9:4

Ara ena mots matsingolora tegi na sabe menai a tei Masedonia te la gono mere gulia, tegoma kato taatago menami limiou ta moni tu mar ranga uu lia.

Galesia 5:10

Na e Sunahan e hahune nou esi a katuun te kato hatutu ranou limiou. Kaba lia e hamanegu a Tsunono e taguhu ranou limiou ba limiou temar hakats uamou temar hakats uagu lia.

Epesis 4:12

Nonei e kato silei a ka teka tego taguhu meraien u katuun tere Sunahan ba nori te kui beren. Na tegi kato hatagala menaien u tuenrei tere Kristo bate panina.

Pilipai 1:10

Ba limiou te tatei ngile miou a ka te niga bala koruna. Bate tatei na gogosomiou romana batema ka memi ta markato ta omi tara pöata te butu nama romana u Lan u Kapan tere Kristo.

Pilipai 1:29

E Sunahan e hanigeiena, alimiou go solosei sila namia e Kristo te hamana uami limiou i tanen na te lu mena moi limiou u kamits i tanen.

Pilipai 2:12

A man hahikapien i tar, alimiou u roron hengoe moulia tu kaia lia i tamilimiou. Kaba limiou go hengo hatagala lel noahase moulia tara pöata te ka halehana bara gia lia limiou. E Sunahan e lu pouts merai limiou i tanen. Na limiou go matout iam bate kui hatagala silemiou tego hakapa haniga mena milimiou a toukui a niga tere Sunahan.

Pilipai 2:13

E Sunahan noahas te kuina i torimilimiou bate taguhu ranou limiou tego kukute mena milimiou u ngilngil i tanen bate katoemiou a manka te hanige nen.

Pilipai 2:16

Hala rami u rarangana tara nitöatöa. Te markato uamou limiou teka, ba lia te haniga koru ragou limiou turu Lan Pan tere Kristo. Taraha, nonei a manka teka e haröto nanou alia uma kui hatagala papalai.

Kolosi 2:12

Pöata ti lueia limiou a baptais, e here ii alimiou i kaho gono merai e Kristo. Na pöata tu hamanaia limiou tara nitagala tere Sunahan, te hatakei poutseia e Kristo tara tou mate i tanen, e here nei e Sunahan e hatakei pouts gono merai limiou e Iesu Kristo.

1 Tesalonaika 1:3

Pöata te singo mialam tere Tamarara e Sunahan, alam ema mala solopalemi te hamana haniga uami limiou na te kato haniga has uami limiou. Na lam ema solopala hasemi te ngil mera milimiou a palair u katuun bate taguhu ramen. Na te hamana hatagala uami limiou tena la pouts nama romana e Iesu Kristo a Tsunono i tarara.

2 Tesalonaika 1:11

Ba lam te singo nitöa bera moulimiou. Alam e singo silem e Sunahan te hopö kap raiou limiou e tatei haniga ranou limiou, bate hala ranei limiou a nitagala tego kato memi limiou a ka a niga hoboto te ngilin katoe milimiou, na tego hakapa haniga mena milimiou a toukui te hamane milimiou be Sunahan te taguhu ranou limiou.

2 Tesalonaika 3:4

A Tsunono e kato hagigahi a torimulam ba lam te hamanem alimiou e hengo hanige miou u ranga i tamulam na e kato lel hasemoien romana.

Pilimon 1:21

Alia e koloto megi u pas teka taraha, alia e atei silegu alö e kato bemoi lia a ka teka, na man palaina a manka lel has.

Hibru 10:35

Alimiou goma hapolase mi u nihamana u tagala i tamilimiou, be Sunahan te hala ranei romana limiou u hamatana u niga.

Hibru 12:2

Aragi tara las uu tere Iesu. Nonei a mouna u nihamana i tarara na nonei te kato hamanena a manka te hamana sile rara. Nori i nila naien tara kuruse, na nonei ema rama ii. Nonei ema matsingolo rai u katuun tega mate here menaien a katuun a kopkop, taraha nonei e atei sil nonei ena sasaala koru nou. Na i romana nonei e gumna tara pal matou tere Sunahan noahas.

1 Pita 5:10

Alimiou e gamon sagoho lele mou a kamits, kaba i murinen e Sunahan e kato haniga pouts ranou u katuun u niga i tanen bate hatagala ranou limiou na u nihamana i tamilimiou tara mamana pöata. Nonei a Sunahan te roron taatagi ranou limiou bate ngö sil ranoui limiou tego na lu gono menami limiou e Kristo a nikapan i tanen te ka nitöana.

2 Pita 3:10

Kaba u Lan Pan tara Tsunono e songots butu hasingoto tuun nama romana, temar butu hasingoto uana a katuun a kopkop. Nonei turu Lan, u kolö e taia mena romana u gururu u kapan, na manka i kolö e kulupu hakapa riou, na han i puta na mamanaka te kana i tanen e ats hakapa nitöa riou.