Pilipai 1:12 - U Bulunagana U Niga

^12-13 A man hahatoulana i tar, alia e ngilegu alimiou go atei sileiam a ka te butuia i tar e taguhu korui a toukui turu Bulungana u Niga. Me la kalakala uana tara mamana katuun, na u soldia hoboto tara gamman pan iahana taun teka na palair u katuun hoboto has e atei siler a ka te karabus silegu lia, te katunun kui uagu lia tere Kristo.

Pilipai 1:12 Iomraidhean Croise

U Bulungana u Niga tere Iesu Kristo te kolotein e Luk 21:13

Na nonei has a pöata teka tegona ranga namia limiou u Bulungana u Niga.

Aposol 8:4

U kristen ti sata i la uu turu han hoboto me hahatei laner u Bulungana u Niga.

U pas te koloto menai e Pol turu kristenira i Rom 8:28

Na ra e ateira, a mamanaka hoboto e kui haniga silena u katuun te ngiler e Sunahan, u katuun te ngö sil rai e Sunahan tegi kukute menaien u ngilngil i tanen.

U pas te koloto menai e Pol turu kristenira i Rom 8:37

Kaba e noahasina. E Kristo e hala ranei ra a nitagala tegi la sei koru uu ra tara mamanaka hoboto teka, taraha nonei e taatagi koru ranou ra.

Pilipai 1:5

Taraha, alimiou u taguhe moulia tara toukuina turu Bulungana u Niga, tara pöata tu hengo tutune mien limiou bate la noahasina i romana.

Pilipai 1:7

E niga nitöana temar hakats mera gilia limiou teka, taraha a torir e roron hakats sil nitöa ranoulimiou. E Sunahan e kalala hoboto raioura tara pöata tuma ka noaia lia tara karabus, bate kato hatagala noahasegu u Bulungana u Niga. Na e Sunahan e kalala noahas ranou ra i romana te ka gia lia tara karabus.

Pilipai 2:22

Alimiou e atei silemiou e Timoti e harötein nonei a katunun kui a niga. Alia e heregi e tamanen ba nonei te here nei a pien i tar. Alam e kui hoboto silem u Bulungana u Niga.

Pilipai 4:15

Alimiou u katunura i Pilipai e atei miou, a pöata tu laba naia lia a provins i Masedonia temi rarare mameia lia u Bulungana u Niga, alimiou puku a pal katunura turu lotu tu taguhe moulia tara markato tu hala mena milimiou a moni na man taina manka has. Kaba palair u katuun, e möa.

Pilipai 4:3

Na lia e rangate goulö ti ron kui gono meiou lia, alia e ngilegu alö go taguhir a huol a tahol teka. Taraha, nori i kui hatagala koru me ti hahatei lamenien u Bulungana u Niga, nori mere Klemen na palair a man hahikapien hoboto i tar ti kui gono meioulia, na man solo i taren e kana turu bukuna tara nitöatöa.

1 Timoti 2:8

Alia e ngilegu a pal tson turu han hoboto, egi hasöani u ualima u gogoso te möa ta raharaha bate singo uar tere Sunahan.

2 Timoti 2:9

U Bulungana u Niga teka te sagoho sila nagia lia a kamits tara luman karabus. Nori e kits here nari lia a kopkop, kaba u bulungana tere Sunahan ema tatei kits nari.

2 Timoti 4:17

Kaba a Tsunono e ka gono meiou lia bate hatagale noulia, ba u raranga te sila nama romana i tar, ba u katuun hoboto tema Jiu ri te hengoeren. Ba tara markato teka ba e Sunahan te luba nena lia i runguna a laion.