Pilipai 1:10 - U Bulunagana U Niga

¹⁰ Ba limiou te tatei ngile miou a ka te niga bala koruna. Bate tatei na gogosomiou romana batema ka memi ta markato ta omi tara pöata te butu nama romana u Lan u Kapan tere Kristo.

Pilipai 1:10 Iomraidhean Croise

Matiu 16:23

Be Iesu e habiritsina me poeiena tere Pita, “Lau i murir o Satan! Alö e hatu kap namou lia. Taraha alö ema hakei mia u hakhakats i tamölö tere Sunahan. Alö e ka lasmem u hakatsin a katuun tuun!”

Matiu 26:33

Be Pita e rangana me poeiena i tanen, “U katuun hoboto teka e laba nariou lö romana, kaba lia ema antunan laba nagilö romana!”

U Bulungana u Niga tere Iesu Kristo te kolotein e Jon 1:47

Pöata te tara raien e Iesu ba nonei e ranga nena e Nataniel me poeiena, “A toun Israel hamana te la nama teka. Nonei ema tatei gamogamo nei.”

U Bulungana u Niga tere Iesu Kristo te kolotein e Jon 3:20

Taraha, u katuun u omi e rama koru ner u ualesala, ba man markato a man omi i taren tema tatei lakasa nei.

Aposol 24:16

Ba tara mamana pöata a torir e tagala silena tego matskö uu lia i matana e Sunahan na i matar u katuun has.”

U pas te koloto menai e Pol turu kristenira i Rom 12:2

Alimiou goma kukutiemi a markato tara han i puta teka. E möa. E Sunahan e ngilin hala ranei limiou u hakats u tsimus bate habiritsena a torimilimiou ba limiou te atei sile mou u ngil tere Sunahan bate hanigei men, a ka te nigana na ka te sasaala mena e Sunahan na ka te matskö nitöana.

U pas te koloto menai e Pol turu kristenira i Rom 12:9

Alimiou go hiangilngil hamana iam ba tema gamo mi. Rama naiam a ka te omina bate pile kap namiou a ka te nigana.

U pas te koloto menai e Pol turu kristenira i Rom 16:17

A matsi hahatoulana, alia e ranga hatagala mera goulimiou, hanei sil raiam u katuun te roron lu kata rer u katuun ba nori tema hamana hanigari. Nori ema hanigeri u hihatuts tu luema limiou i tamulam, möa tu hasukusuku mia i taren.

U pas te koloto menai e Pol turu kristenira i Rom 2:18

Alimiou e atei silemiou a saha ka te ngilena e Sunahan, tego katoeiam limiou. Na Lo e hatuts ranei limiou tego haniga mena milimiou a ka te matsköna.

U pas te koloto menai e Pol turu kristenira i Rom 7:16

Kaba te atei sile gia lia te kato menagi lia a man markato a man omi, ga, e hatei hase nelia a Lo tere Sunahan e matsköna na e nigana.

U pas te koloto menai e Pol turu kristenira i Rom 7:22

Iahana a torir iogana alia e ngil koruegu a Lo tere Sunahan.

U pas te koloto menai e Pol turu kristenira i Rom 8:7

Tara pöata te hatakuiena u ngilngilina i puta u hakats tara katuun, ba katuun teka te omiena e Sunahan. Nonei e raman hengo nena e Sunahan. Na nonei ema antunan kato has nanei a Lo tere Sunahan.

1 Korin 1:8

Nonei e kato hatagala ranou limiou, bate hamana hatagala mia i tanen ba limiou tema kame moi ta töa ta ka ta omi i tamilimiou tara pöata temi tuol moua limiou i mata nen.

1 Korin 10:32

Alimiou go hakats raiam u Jiu na u katuun tema Jiu ri na u katuun has tere Kristo, ba limiou tema kato homi mia i mataren.

1 Korin 8:13

Te kato homie na a markato tara kannou e toular, alia ema tatei nou lenegi u benö. Alia ena mots kato homiegi e toular a markato tara kannou teka.

2 Korin 1:12

U mana nitöa, alam e tatei sasaalam bate ranga mem u hakats u gogoso nitöa ti marka uu lam tara niniganiga te hala railam e Sunahan, ba lam te kato hamatsköm bate kato haniga mia tara han i puta teka na i mata milimiou has. Alam uma kato mei a manka teka a niatei i tamulam, kaba tara niatei tere Sunahan.

2 Korin 2:17

Taraha, alam ema here rami a palair u katuun te kato here nari u raranga tere Sunahan a toukuin moni i taren bate hahol sile rien tegi lu menaien ta moni. E möa. Tara solona e Kristo alam e ranga hamana mia i matana e Sunahan, taraha, nonei te hala raiou lam ba lam te habulungana hamatskö nem u raranga te hala namen.

2 Korin 6:3

Alam e tataala hatskapa korum batema ngilin kato homi nami ta katuun ba nori te tatei ranga homi nariou a toukui te kate mulam.

2 Korin 8:8

Alia ema tuke ragi limiou, alia e ngilin tara negu a nimana tara nimaniata tara palair u kristen te ngilin hitaguhur, balia te kato silegu alimiou go haröto has naiam tego ngil hamana koru mera milimiou u katuun tere Sunahan bate hala namiou a monin hitaguhu.

Galesia 5:11

A matsi hahatoulana i tar, tego hatei noahas merai lia u katuun egi hapö, ba taraha tsiponi ba nori te kato homi noahas ria i tar? Na tego hatei merai lia u katuun egi hapö, bara ba u raranga tara kuruse tema tatei kato homie nei u hakhakats i taren.

Epesis 4:15

Aragi hiangilngil bate ranga nera a ka te manana. E kato uana teka ba ra te pan susul rou bate here roi e Kristo, a kapan turu katuun i tanen. Nonei e here nei u baku te hakuiena u tuenrei hoboto.

Epesis 5:10

Na limiou go torohanan atei sileiam a ka te haniga korue nou a Tsunono.

Epesis 5:27

Nonei e kato mei a ka teka tego lu mera meien a hun katuun i peisanen bate taratara haniga nitöana. A hun katuun tere Kristo alimiou goma ka memi ta ka tega omia i matana e Kristo. Na nonei e ngilena a hun katuun i tanen egi hagöagoni a peisa ren bate ka haniga nitöar.

Epesis 6:24

E Sunahan e tatei taatagi rena u katuun hoboto, ba u ngilngil i taren tere Iesu Kristo a Tsunono i tarara tema antunan kapa nei. Nonei talasi. Alia e Pol

Pilipai 1:16

Na u katuun e kato merien taraha nori e ngil korue riou lia. Nori e atei siler e Sunahan e haka mei lia teka tego tuol hakarapoto menai lia u Bulungana u Niga.

Pilipai 1:6

Alia e atei silegu e Sunahan e hatania hakapi a toukui a niga teka i tamilimiou, e antunana te kapa nitöa nen romana tara pöata te butu nama romana u Lan u Kapan tere Iesu Kristo.

Pilipai 2:16

Hala rami u rarangana tara nitöatöa. Te markato uamou limiou teka, ba lia te haniga koru ragou limiou turu Lan Pan tere Kristo. Taraha, nonei a manka teka e haröto nanou alia uma kui hatagala papalai.

1 Tesalonaika 3:13

Taraha, a Tsunono e ngilena a torimilimiou ega gogoso nega matsköia i matana e Tamarara e Sunahan, tara pöata tena la pouts nama romana a Tsunono i tarara e Iesu na u katuun hoboto i tanen.

1 Tesalonaika 5:21

Alimiou go areneiam a mamanaka hoboto, bate haka hanigemiou a manka te nigana.

1 Tesalonaika 5:23

E Sunahan e tatei kato hagogoso nitöanena a torimilimiou, e Sunahan te hala nenama a masalohana i torirara. Alam e ngil hasem e Sunahan e tatei tara kap nena u namnamei i tamilimiou na torimilimiou na u tuenrei i tamilimiou, ba limiou te tatei niga nitöamiou tara pöata te la pouts nama romana e Iesu Kristo a Tsunono i tarara.

1 Jon 4:1

A man hahikapien, alimiou goma hengoemi u raranga turu katuun hoboto te poeier nori e ka mer u Namnamei tere Sunahan. Alimiou go tara haniga ramen tego haranga meraien e Sunahan. Taraha, a parpara koru a propet a gamogamo te ka ria tara mamana han hoboto.

Revelesin 2:2

Alia e atei silegu a manka te katoe milimiou. Alimiou e roron kui hahalongolo tuun las miou batema hapolase mi a nikukui a niga i tamilimiou. Alia e atei sil hasegu alimiou ema ngil koru rami u katuun u omi. Alimiou u torohana hakapa raiam u katuun te poeier nori u aposol kaba nori ema aposol hamanari, ba limiou te sabe tale miou nori e gamor.