Pilimon 1:9 - U Bulunagana U Niga

⁹ Kaba lia e singo hatagala gia i tamölö tara markato te ngil menari a tana katuun. Alia e Pol, e ranga heregi a tsonpan na e karabus sil hasegu e Iesu Kristo.

Pilimon 1:9 Iomraidhean Croise

U pas te koloto menai e Pol turu kristenira i Rom 12:1

A matsi hahatoulana, e Sunahan e taatagi koru ranoura. Na lia e ranga hataatagi mera goulimiou, alimiou go hala koru naiam a peisa milimiou bate here nei u haats u tötöa tere Sunahan bate herenei a ka a gogoso te haleri e Sunahan ba nonei te hanigeie nen. Nonei a maroro te tatei mar hatsunono sila mena milimiou e Sunahan.

2 Korin 5:20

Alam u tson sösöata ranga tere Kristo, e Sunahan e ranga hataatagi sila na i tamulam. Na lam e ranga hataatagi koru mia i tamilimiou tara solona e Kristo, tego nolo pouts memi limiou e Sunahan.

2 Korin 6:1

Te kui gono tala memia lam e Sunahan, alam e ranga hatagala koru mera moulimiou, goma hapolase mi e Sunahan te taatagi koru raiou limiou.

Galesia 3:26

Na te hamana mia limiou tere Iesu Kristo, ba limiou te katuun hoboto uamou tere Sunahan.

Epesis 3:1

Alia e Pol, alia i hakarabus sile ii ti kui menai lia a toukui tere Iesu Kristo.

Epesis 4:1

Alia e Pol, alia e karabus silegu te kui menagi lia a toukui tara Tsunono. Na e Sunahan e hopö kap raiou limiou tego katuun uaiam limiou i tanen. Na lia e hatei ragou limiou ego marka uaiam temar ngil uana e Sunahan.

Epesis 6:20

Nonei a ka teka te ka sile gia lia tara karabus, ti habulungana menai lia u Bulungana u Niga. Na limiou go singo sile moulia balia tema tatei matout gi tego habulungana menai lia u Bulungana u Niga.

1 Timoti 1:12

Alia e haniga koruegu e Iesu Kristo a Tsunono i tarara, te hatagale ioulia, taraha nonei e tari tu kui haniga uu lia ba nonei e lu mena nei lia tara toukui i tanen.

Taitus 2:2

Hatutsir u tsonpan egima spak ii, nori egi hakats hanigani a man markato te katoeren bate kukuteier a man markato te nigana. Nori egi atei sil haniga korui u raranga u mana tere Sunahan na markato te ngil menari a taina katuun, na markato tegi tuol hakarapoto uu bate söateiera a mamana nitiama.

Hibru 13:19

Alia e rangata hatagala silegu tego singo sil mena limiou alia be Sunahan te hala boroboro pouts mena meilia i tamilimiou.

1 Pita 2:11

A man hahikapien i tar, alimiou e heremi u katunun hulala tuun i puta, na limiou e ka pukuemou a tsitabubun pöata turu tsiktsiki teka. Na lia e ranga hataatagi mera gilimiou, alimiou goma rongarongemi a peisa milimiou tego kato menaien a man ngil a man omi, u ngil te roron hiatatung mena u namnamei i tamilimiou.