Pilimon 1:19 - U Bulunagana U Niga

¹⁹ Alia e Pol na lia e koloto peisegi u raranga teka a limar, alia e hamatane gou lö. Kaba lö e atei silem alö e ka has mem a haroho i tar, taraha alia u taguhe ioulö balö te hamana uaiem tara Tsunono.

Pilimon 1:19 Iomraidhean Croise

U pas te koloto menai e Pol turu kristenira i Rom 16:22

Alia e Tesias, alia te koloto negu u raranga tere Pol na te pala gono mera gou limiou tara Tsunono, e hala has ragi limiou a niniganiga i tar.

1 Korin 4:15

Noahasina te ka memia limiou a parpara koru a katuun te tatei hatuts rari limiou e Kristo, alimiou go hakats pouts naiam alia puku a töa i tamamilimiou. Taraha, alia u butu here ii e tamamilimiou tara pöata tu hatuts naia lia u Bulungana u Niga bate taguhu ragou limiou tego hamana uaiam limiou tere Iesu Kristo.

2 Korin 10:1

Alia e Pol, e ranga hataatagi hatagalagu na e ranga hatami gia i tamilimiou, te markato has uana e Kristo. A palai i tamilimiou e poeier alia e hala putegu a peisar te ka gono meragi lia limiou, kaba te ka halehana gialia, alia e ranga hatagala koru gia i tamilimiou.

2 Korin 3:2

Alimiou noahas u pas te hahatei ranou limiou ti koloto naia i tui mulam, u katuun hoboto e atei sileren na e tara hase ren.

2 Korin 9:4

Ara ena mots matsingolora tegi na sabe menai a tei Masedonia te la gono mere gulia, tegoma kato taatago menami limiou ta moni tu mar ranga uu lia.

Galesia 5:2

Hengo iam. Alia e Pol e hatei ragi limiou, te hapö moua limiou be Kristo tema antunan taguhu ranoui limiou.

Galesia 6:11

Alimiou go taraiam, a nikoloto pan i tar te koloto peisa mena gule lia a kapakapana u pas teka.

1 Timoti 1:2

Alia e koloto menagi u pas teka i tamölö, O Timoti! Alö e heremi a pien hamana koru i tar te hamana hoboto uarara tara Tsunono. E Sunahan e Tamarara na e Iesu Kristo a Tsunono, e tatei hale rilö a niniganiga na nitaatagi na masalohana.

Taitus 1:4

O Taitus, alö a pien tson i tar, te hamana hoboto uarara tere Sunahan. E Sunahan e Tamarara na e Iesu Kristo te taguhu raioura e tatei taatagi nariou lö na e tatei hala hase rilö a masalohana.

Pilimon 1:18

Te kato homien i tamölö, tsi te ka menen ta haroho i tamölö, ba lö te hateie moulia balia te palis poutse gouen.