Pilimon 1:16 - U Bulunagana U Niga

¹⁶ Kaba ema lupouts here namoi lö a katunun kukui puku. Nonei e toularara tara pala tere Kristo. Alia e ngil korue gen. Na lö e ngil koru hase moen, taraha nonei a katunun kukui puku i tamölö na limiou e hamana hoboto has mia tara Tsunono.

Pilimon 1:16 Iomraidhean Croise

Matiu 23:8

“Kaba u katuun ema tatei ngö raroui limiou u Rabai (te poeiena a Tson Hihatuts) taraha alimiou e ka memiou a töa puku a Tson Hihatuts, nonei a Tsunono, na limiou u munmun toulana.

Aposol 9:17

Be Ananias e lana mena tasuna tara luma tere Judas. Ba nonei ena hatakopena a limanen tere Sol me poeiena, “O Sol, ara e muntoulana sila ria tere Kristo, a Tsunono te tula nena moulia. E Iesu, te butuma i tamölö i kalana tara pöata tu la uamalö teka, nonei te tula nena moulia tegomi taguhu menai lia alö balö te tara haniga pouts mou, balö te saputu memou u Namnamei u Göagono tere Sunahan.”

1 Korin 7:22

A katunun kukui puku te ngöena a Tsunono e here nei a katuun te tapurese hakapaia i matana a Tsunono. Na katuun tema katunun kukui pukui tara pöata te ngöeien e Sunahan e here tale nei a katunun kukui puku tere Kristo.

Kolosi 3:22

Na u katunun kukui puku, hengo raiam u katuun pan i tamilimiou tara mamanaka bate kukutemiou aha te ranga naren. Ma hengo puku rami tara pöata te peito rarien limiou tego kato hasasaala mera mien limiou. E möa. Alimiou go hengo nitöa mera mien u ngil pan i torimilimiou bate matoutemiou a Tsunono i Kolö.

1 Timoti 6:2

A katunun kukui puku te ka na tara katuun pan te kamena u nihamana goma tatei omieien, noahasina te pala uanen tere Kristo. Nonei ega ngil korueien bate kui hatagala koru beienen, taraha, nonei e kui beiena a katununa turu nihamana. Alö go hihatuts hatagalein a manka teka.

Hibru 3:1

A matsi hahatoulana, e Sunahan e ngö sil railimiou tego katuun uaiam limiou i tanen. Na limiou go hakats naiam e Iesu. E Sunahan e hala sile mei e Iesu tegomi aposol uen turu lotu i tarara na tegomi tsunono pan meraien u pris turu lotu i tarara.

1 Jon 5:1

U katuun hoboto te hamaner e Iesu nonei a Mesaia te hopö kapiin e Sunahan, nori a galapien tere Sunahan. Na katuun te ngileiena e Tamarara e Sunahan, nonei e ngil haseiena a pien tere Sunahan.