Pilimon 1:1 - U Bulunagana U Niga

¹ Alia e Pol, alia e karabus silegu tu kui menai lia a toukui tere Iesu Kristo. Alam mere Timoti, e toularara e koloto menami u pas teka i tamölö. O Pilimon, alö a hahikapien i tamulam tu kui gono meraioulam.

Pilimon 1:1 Iomraidhean Croise

Aposol 16:1

Ere Pol mere Sailas i la mam uu tara taun i Debi be la lelir i Listra te kaia a töa kristen a hitots, a solonen e Timoti. E tsinanen a toun Jiu, nonei a kristen has kaba e tamanen a toun Grik.

1 Korin 3:9

Alam u katunun kui hoboto tere Sunahan. Alimiou a kui i tanen na luma has i tanen.

2 Korin 1:1

Alia e Pol i ngö silei tego aposol uu lia tere Iesu Kristo. Taraha, nonei a toukui te ngil mei lia e Sunahan, alia go katoeien. Alam mere Timoti e toularara, e koloto menami u pas teka, turu katuun tere Sunahan i Korin. Na e la has uana turu katuun hoboto tere Sunahan te ka ria tara provins i Akaia.

Galesia 3:26

Na te hamana mia limiou tere Iesu Kristo, ba limiou te katuun hoboto uamou tere Sunahan.

Epesis 3:1

Alia e Pol, alia i hakarabus sile ii ti kui menai lia a toukui tere Iesu Kristo.

Epesis 4:1

Alia e Pol, alia e karabus silegu te kui menagi lia a toukui tara Tsunono. Na e Sunahan e hopö kap raiou limiou tego katuun uaiam limiou i tanen. Na lia e hatei ragou limiou ego marka uaiam temar ngil uana e Sunahan.

Epesis 6:20

Nonei a ka teka te ka sile gia lia tara karabus, ti habulungana menai lia u Bulungana u Niga. Na limiou go singo sile moulia balia tema tatei matout gi tego habulungana menai lia u Bulungana u Niga.

Pilipai 1:1

Alam ere Pol mere Timoti u katunun kui tere Iesu Kristo, alam e hala menami u pas teka i tamilimiou hoboto u katuun tere Iesu Kristo te ka mia tara taun i Pilipai, alimiou na u katunun halotu na u katunun hitaguhu turu lotu.

Pilipai 2:25

Kaba lia e hakats negu e hahankana tegi hala mam pouts menai e Epaprodaitus i tamilimiou. Nonei a hahatoulana i tarara ti hala nemuma limiou tegomi taguheiou lia. Nonei e kui hatagala gono meiou lia turu Bulungana u Niga.

Pilipai 4:3

Na lia e rangate goulö ti ron kui gono meiou lia, alia e ngilegu alö go taguhir a huol a tahol teka. Taraha, nori i kui hatagala koru me ti hahatei lamenien u Bulungana u Niga, nori mere Klemen na palair a man hahikapien hoboto i tar ti kui gono meioulia, na man solo i taren e kana turu bukuna tara nitöatöa.

Kolosi 1:1

Alia e Pol, a aposol tere Iesu Kristo. E Sunahan e lu meilia u ngil peisa i tanen tego aposol uu lia. Na lam mere Timoti e toularara e koloto menami u pas teka i tamilimiou u katuun tere Sunahan te ka mia tara taun i Kolosi.

Kolosi 4:11

Na e Iesu te ngöeri e Jastus e hala has nena u hanhaniga i tanen i tamilimiou. Nori puku a topisa a Jiu te hamana uar tere Kristo te kui gono meriou lia teka tara Nipepeito tere Sunahan. Na nori i taguhe ioulia me kato hagigaher a torir.

1 Tesalonaika 3:2

Ba tara markato tala teka ba lam e tula namula e Timoti a hahatoulana i tarara te kui gono mera noulam tara toukui te habulungana menari u Bulungana u Niga tere Kristo. Nonei e la silela tegona hatagala meraien limiou na tegona kato hatagala menien u nihamana i tamilimiou.

2 Tesalonaika 1:1

Alam ere Pol mere Sailas na e Timoti e tara pouts ramou limiou i romana, alimiou hoboto u katuun tere Sunahan e Tamarara na u katuun has tere Iesu Kristo a Tsunono. Alam e hala menami u pas teka i tamilimiou u kristenira tara taun i Tesalonaika.

2 Timoti 1:8

Bora, alö goma matsingolo mei tego ranga hatei menailö a Tsunono i tarara. Na lö goma matsingolo has mei lia, te karabus sil menagi lia e Kristo tara luman karabus. Kaba tara nitagala tere Sunahan, hahanei sil tego toul menailö a pala i tamölö tara nikamitsina turu Bulungana u Niga.

Pilimon 1:23

E Epapras e hala nanou u rangan haniga i tanen i tamölö. Nonei e ka gono menou lia tara karabus te kato menaien a toukui tere Iesu Kristo.

Pilimon 1:24

Na palair u katuun te kui gono mere gulia ere Mak mere Aristakus na e Demas na e Luk e hala has neruma u rangan haniga i tamölö.

Pilimon 1:9

Kaba lia e singo hatagala gia i tamölö tara markato te ngil menari a tana katuun. Alia e Pol, e ranga heregi a tsonpan na e karabus sil hasegu e Iesu Kristo.