U Bulungana u Niga tere Iesu Kristo te kolotein e Mak 8:34 - U Bulunagana U Niga

³⁴ Be Iesu e ngö rena u katuun na u katunun tsitsilo i tanen egi la uama i tanen. Ba nonei e poeiena, “Te ngilin kukute nama lia ta katuun, nonei ega solopali a peisanen, bate haniga nena tego sagoho menaien a kamitsina te kukute mena neien lia te markato uana a katuun te söatena a kuruse na tara tou mate i tanen, bate la gono mena moulia.

U Bulungana u Niga tere Iesu Kristo te kolotein e Mak 8:34 Iomraidhean Croise

Matiu 10:38

Na esi tema söatenei a kuruse i tanen bate kukutie noulia, nonei ema katuun hamana has uanei i tar.

Matiu 16:24

Be Iesu e poeiena turu katunun tsitsilo i tanen, “Esi te ngilin kukute nanou lia ega solopali a mamanaka te ka uana i peisanen, bate töan söatena a kuruse i tanen bate kukutie nou lia.

Matiu 27:32

Tara pöata ti laien, ba nori e sabeier a töa tsonuna i Sairini, a solonen e Saimon. Ba nori e hatöe rien a kuruse tere Iesu.

U Bulungana u Niga tere Iesu Kristo te kolotein e Mak 10:21

Be Iesu e tara uana i tanen me ngil korue nen me poeiena, “A töa patu a ka tego kati lö. Alö gona haholin a mamanaka hoboto i tamölö bate lueiem a moni bate hala ramien u katuun ti möa ta moni balö te kukute mumoulia. Balö tena ka memou romana a mamanaka a niga koruna i Kolö.”

U Bulungana u Niga tere Iesu Kristo te kolotein e Mak 7:14

Be Iesu e ngö lel rena u katuun me poeiena, “Hahengo haniga mia i tar bate atei sile miou a ka teka.

U Bulungana u Niga tere Iesu Kristo te kolotein e Luk 13:24

Be Iesu e ranga palise nen me poeiena turu katuun ti ka gono meien, “Alimiou go torohana hatagalaiam bate sila moua tara tamana a tekteki. Taraha? Alia e ranga mera goulimiou, a katuun a parpara e torohanan tasur romana kaba ema antuna roui.

U Bulungana u Niga tere Iesu Kristo te kolotein e Luk 14:33

Na e markato has uana iesana i tamilimiou a man tötöa. Alö go tula ban a mamanaka te ka memölö. Te möa nen, alö ema antunan katunun tsitsilo uamoi i tar.”

U Bulungana u Niga tere Iesu Kristo te kolotein e Luk 18:22

Pöata te hengoeia e Iesu a ka teka, ba nonei e poeiena i tanen, “A töa patu a ka tego kati lö. Alö go haholin a manka hoboto i tamölö bate hala rami u katuun ti möa ta ka. Ba lö te ka memou romana a mamanaka a niga i Kolö. Ba lö te töan kukutie mumou lia.”

U Bulungana u Niga tere Iesu Kristo te kolotein e Luk 20:45

Pöata ti hengo hobotoia u katuun i tanen, be Iesu e poeiena turu katunun tsitsilo i tanen, “Hanei sil raiam u tson hihatuts tara Lo. Nori e ngilin hula la nitöa meier u hasobö pan u ngahangaha i taren, bate ngil koruer u katuun egi hapan raien tara töana. Na nori e ngil koru haser egi gum ia turu gumgum u niga i matar u katuun iahana luman lotu na turu gumgum has tara pal kapan tara kannou.

U Bulungana u Niga tere Iesu Kristo te kolotein e Luk 9:23

Ba nonei e poeiena i taren hoboto, “A katuun te ngilin la gono menoulia ega haka putei a peisanen bate söatena a kuruse i tanen ba nonei te kukutie noulia.

U Bulungana u Niga tere Iesu Kristo te kolotein e Jon 10:27

U katuun i tar e hengo mareier a mar ranga i tar. Alia e atei sil ragen, na nori e kukute hase riou lia.

U Bulungana u Niga tere Iesu Kristo te kolotein e Jon 19:17

Ba nori e lueier e Iesu, ba nonei e söata peiseiena a kuruse i tanen me lakasa uana tara makum ti ngöei U Lakö turu Baku. Turu rangana i Hibru i ngöeien i Golgota.

Aposol 14:22

Ba nori e hatagala raier a torir u kristen me hala ner u rangan hitaguhu i taren tegi pile hatagala menaien u nihamana i taren tara Tsunono. E Pol mere Barabas i pei hasi, a maroro te lauana tara Nipepeito tere Sunahan e ka mena u hakats u tiama u parpara i tanen.

U pas te koloto menai e Pol turu kristenira i Rom 6:6

Ara e atei silera a markato a omina i tarara na i manasa i hakute gono mei e Kristo tara kuruse, ba ra tema tatei kukute lel narei a markato a omi.

U pas te koloto menai e Pol turu kristenira i Rom 8:17

Na te pien uarara i tanen, ba ra te lue rou a manka man niga i tanen, te markato uana a pien te luena a manka tere tamanen. Na e Sunahan e hala ranoira a manka te hala haseien e Kristo. Kaba tena lu gono merouen ra a manka man niga i tanen, aragi lu hasi a mar nikamits te lueien.

1 Korin 15:31

Alia e mate nitöagu turu mamana u lan a matsi hatoulana. U mana koru alia e sasaala korugu ba lia te rangan hangisei mera gou limiou, u hangisei te kato hasegia lia tere Iesu Kristo a Tsunono i tarara.

1 Korin 8:13

Te kato homie na a markato tara kannou e toular, alia ema tatei nou lenegi u benö. Alia ena mots kato homiegi e toular a markato tara kannou teka.

1 Korin 9:19

Alia ema katunun kukui puku uagi ta töa ta katuun. Kaba lia e kato here nagi a peisar a katunun kukui puku turu katuun hoboto ba lia te tatei lase gou a katuun a parpara bate hamana uaier tara Tsunono.

Galesia 2:20

Alia i lu hakapi a nitöatöa a tsimus. Kaba nitöatöa teka ema nitöatöa uanei i tar. Emoa. Kaba e Iesu nonei te kana i tar. Na mamana markato na man toukui te katoe gialia i puta, alia e katoe gien tara marorona turu nihamana. Na lia e hamana gia tara Pien Tson tere Sunahan. E ngil korue ioulia me mate silena tego taguhu menaien lia.

Galesia 5:24

Na u katuun te ka uaier tere Kristo, a mamana markato a omi hoboto i taren na u ngilngilina i puta, nori i hakute gono meien e Kristo tara kuruse me matena.

Galesia 6:14

Kaba lia, alia e hatei ragoui u katuun a Tsunono puku i tarara e Iesu Kristo te mateia tara kuruse. A kuruse i tanen e mar mouna uana teka: a markatona i puta ema tagala lel nanei lia, na lia ema kato sil lel hasegi a markatona i puta.

Pilipai 3:10

Alia e ngilin atei haniga sil korueiegu e Kristo. Na lia e ngilin atei sil hasegu a nitagala te hatakei ien tara tou mate. Alia e ngilin sagohegu a kamits te sagoheien, ba lia tena here noahase goien tara pöatan mate i tanen.

Pilipai 3:7

I manasa alia u ron ranga bate poeiegu a manka teka te roron taguheiou lia. Kaba i romana alia e poeiegu a manka teka a manka pinopino, taraha alia e hamana tala gia tere Kristo te niga bala nena a manka teka.

Kolosi 1:24

Alia e sasaala megu te sagoho mena gilia a kamits te taguhu mera gilia alimiou. Tara kamits i tar alia e ngilin kato hantue negu a kamits tere Kristo te sagoheien tego taguhu meraien u katuun i tanen, te hereri u tuenrei i tanen.

Kolosi 3:5

Alimiou go hanöan töa baneiam u ngilngilina i puta te kana i peisa milimiou: te tsikolo uaier na te hiakaka gono uaier, na markato a korkoriana, na markato na turu ngil u omi. Na limiou goma ngil bemi a peisamiou a manka tara palair u katuun. A markato teka e here nei a katuun te hatsunonena u kesa.

2 Tesalonaika 3:11

Alam e mar ranga uaiem teka te hengo mena milam u raranga te poeiena a palai i tamilimiou e karousur batema kuiri, ba nori te ranga pinopino homi ner a manka tara palair u katuun.

Taitus 2:12

bate hatuts raneira tegi tori tsuga menaira u ngilngilina i puta. Na tara pöata i romana aragi hala puta hasi a peisarara bate kukutera a markato a niga tere Sunahan.

Hibru 13:13

Aragi laban a han te ka rara bate la uara tere Iesu ielesala, bara tena söata haseiera a nimatsingolo timar hamatsingolo has menai u katuun e Iesu.

1 Pita 4:1

E Kristo e sagohi a kamits i tuenreinen, na limiou go mar hakats hatagala has uaiam iesana batema rama nami a nikamits. Taraha, a katuun te sagohena a nikamits i tuenreinen ema hakats nanei tega kato menaien a markato a omi.

1 Pita 4:13

Alimiou go sasaalaiam, taraha e here nei alimiou e sagoho gono memi e Kristo a kamits. Nonei tego tatei sasaala koru beiam limiou romana tara pöata te butu mena men romana a nikapan i tanen.

2 Pita 1:14

E Iesu Kristo a Tsunono i tarara e hatei hakapei lia a pöatan mate i tar e sukusuku hakapa.

1 Jon 3:16

Ara e mar atei sil mena rei u ngilngil hamana teka: e Kristo ema peitsnai a nitöatöa i tanen, ba nonei e mate sil ranoura. Na ara gima peits has nai a nitöatöa i tarara, kaba aragi markato has uu iesana bara te mate sil hasera a man hahatoulana i tarara, a pala te hamana ria tere Iesu.

Revelesin 2:10

Möa tu matouteiam a nikamits na u tori tiama te sagohe mou limiou. Hengoiam. E Satan ena haka ranoua limiou tara karabus ba limiou te torohana rariou. A niomi teka e antunana romana turu maloto u lan. Kaba limiou go tagala sil noa hase moulia, antunana tara pöata te atung hamate rarouen limiou, ba lia te hala ragoui limiou a nitöatöa hamana.