U Bulungana u Niga tere Iesu Kristo te kolotein e Mak 7:21 - U Bulunagana U Niga

^21-22 Taraha e lakasa nama iogana tara tui tara katuun, te lakasa nama: u hakats u omi, na tsikolo na kop na hipuli na tsikolen a katuun a hitöl na mamangilin a manka tara tana katuun na markato a omi. Na gamogamo na markaton hamatsingolo tua na u hiomi nu tuts na hipus na u hirata u omi.

U Bulungana u Niga tere Iesu Kristo te kolotein e Mak 7:21 Iomraidhean Croise

Matiu 15:19

Na manka man omi teka e la nama tara katuun: u hakats u omi na hipöli na tsikolo na kop na u ranga u gamo, na u tuts.

Matiu 9:4

Kaba e Iesu e atei sil hakapi u hakhakats i taren me poeiena, “Taraha tsiponi ba limiou te ka memiou u hakats homi i torimilimiou?

U Bulungana u Niga tere Iesu Kristo te kolotein e Mak 7:20

Ba nonei e peiena, “A ka te lakasa nama tara katuun, nonei a ka te kato homie nen.

U Bulungana u Niga tere Iesu Kristo te kolotein e Luk 16:15

Be Iesu e poeiena i taren, “Alimiou e kato here nami a peisa milimiou u katuun u niga i matar u katuun, kaba e Sunahan e atei silena u hakhakats i tamilimiou e omina. Taraha? A ka te panna i matar u katuun e here nei a ka pinopino i matana e Sunahan.

Aposol 5:4

Tima hol noei u tsiktsiki, u tsiktsiki peisa i tamölö. Na i murina tu hahol naien lö, alö u kato meien u ngil peisa i tamölö. Ga ime tsiponi tu mar hakats uu lö balö te katoeiem a markato a omi teka? Alö ma gamo rai lam, kaba alö u gamoe e Sunahan.”

Aposol 8:22

Palis ban u hakats u omi teka, ba lö te singo uam tara Tsunono tego ngil uaien ba nonei te luba nena u ngilngil u omi i torimölö.

U pas te koloto menai e Pol turu kristenira i Rom 7:5

Taraha, nonei tara pöata ti katoeiara a markatona turu ngilngilina i puta te hatakei a Lo tere Mosis, me hatakeiena u ngilngil u omi i tarara, me habutena a markatona tara tou mate.

U pas te koloto menai e Pol turu kristenira i Rom 7:8

A Lo tere Mosis e mar ranga uu teka ba markato a omi e sabiena a maroro tego hatakei menaien u mamana u ngilngil u omi i peisar, a markato teka e takui silaia tara Lo. Kaba tego möa uu ta Lo, ba markato a omi tema ka menei ta nitagala tega las menaien lia tara markato a omi.

Kolosi 3:5

Alimiou go hanöan töa baneiam u ngilngilina i puta te kana i peisa milimiou: te tsikolo uaier na te hiakaka gono uaier, na markato a korkoriana, na markato na turu ngil u omi. Na limiou goma ngil bemi a peisamiou a manka tara palair u katuun. A markato teka e here nei a katuun te hatsunonena u kesa.

Taitus 3:3

Taraha, i manasa ara i hipus has bate kato hatutu hasira na palai i gamo has raioura. Na u ngilngilina tara mamanaka a nigana i puta e pile haröroto koru has raioura. Na mar nikaka i tarara e saputi a markatona turu hiomi na markato a omi. U katuun ima haniga rai ra, na ra ima haniga has raien.

Jemis 2:4

Te markato uamu lalö teka, ba lö te poeiem a töa katuun e niga bala nena a tana katuun. A mouna u hakats i tamölö e omina.