U Bulungana u Niga tere Iesu Kristo te kolotein e Mak 6:6 - U Bulunagana U Niga

⁶ Ba nonei e asingoto koru nena ti hahamana uaien. Be Iesu e hula la na tara man han te hihatuts uaien turu katuun.

U Bulungana u Niga tere Iesu Kristo te kolotein e Mak 6:6 Iomraidhean Croise

Matiu 4:23

E Iesu e hula laia tara man han hoboto i Galili, me hihatutsna tara man luman lotu turu Jiu. Nonei e hihatutsin u Bulungana u Niga tara Nipepeito tere Sunahan bate kato haniga pouts has raiena u katuun ti ka mei a mamana mar siki.

Matiu 8:10

Pöata te hengoeia e Iesu u raranga teka ba nonei e asingoto koruna. Ba nonei e ranga meraiena u katuun ti kukutieien me poeiena, “Alia e ranga hamana koru meragou limiou, alia uma sabie mei ta töa ta mar katuun teka i Israel tega kamei u mar nihamana te kamena a tson teka.

Matiu 9:35

E Iesu e hula laia tara mamana taun na man han hoboto. Ba e hihatuts lana tara man luman lotu turu Jiu bate habulungana la nena u Bulungana u Niga tara Nipepeito tere Sunahan. Na nonei e kato haniga pouts hasir u katuun ti kamei a mamana mar siki.

U Bulungana u Niga tere Iesu Kristo te kolotein e Mak 1:39

Ba nonei e la uana tara mamana makum hoboto i Galili me hihatutsna tara man luman lotu me tsuga ba has rena u liliahanei.

U Bulungana u Niga tere Iesu Kristo te kolotein e Mak 10:1

E Iesu e laban i Kapenium me la uana tara provins i Judia, me arohena a Ramun olo i Jodan me la noa talasina. U katuun u parpara i kukute noa laseien mena gonogono lelria i tanen, ba nonei e hihatuts lel na i taren te roron markato uaien.

U Bulungana u Niga tere Iesu Kristo te kolotein e Luk 13:22

E Iesu e la silaia tara man taun na man han, me hihatuts na turu katuun te la uaien i Jerusalem.

U Bulungana u Niga tere Iesu Kristo te kolotein e Luk 4:31

Be Iesu e la uana i Kapenium, a taun i Galili, me hihatuts na turu katuun turu Lan u Göagono turu Jiu.

U Bulungana u Niga tere Iesu Kristo te kolotein e Luk 4:44

Be Iesu e hihatuts lana tara man luman lotu i Judia.

U Bulungana u Niga tere Iesu Kristo te kolotein e Jon 9:30

Ba nonei e asingoto koruna me poeiena, “Boka! Alimiou ema atei silemi a katuun te kato hakalati a matar na ime te la men?

Aposol 10:38

E hatei nena e Iesu na i Nasaret. E Sunahan e hale meien u Namnamei u Göagono na nitagala has. Nonei e tataala bate taguhu rena u katuun na nonei e kato haniga pouts hasir u katuun hoboto ti ka mei a siki na u katuun te pile kapir e Satan, taraha e Sunahan e ka gono meien.