U Bulungana u Niga tere Iesu Kristo te kolotein e Mak 6:11 - U Bulunagana U Niga

¹¹ Tema las hagum rarien limiou tsi tema hengo rarien limiou, ba limiou te tatei laba namiou a taun i taren bate tohu ba namiou u köahu i pitpitana moumilimiou. A ka teka e haröto nanou te raharaha mera neien e Sunahan.”

U Bulungana u Niga tere Iesu Kristo te kolotein e Mak 6:11 Iomraidhean Croise

Matiu 12:36

“Na lia e hatei ragou limiou, turu Lanin Hahuna alimiou e hala raroui a nihahuna tara man ranga pinopino a man omi tu ranga naiam limiou.

U Bulungana u Niga tere Iesu Kristo te kolotein e Mak 6:10

Na pöata te butu mia limiou tara töa taun, ka mia tara töa luma puku e antunana te laba namia limiou a taun teka.

U Bulungana u Niga tere Iesu Kristo te kolotein e Luk 9:5

Tema haniga raria limiou u katuun, tohu ba naiam u köahu i pitpitana a moumilimiou bate laba namiou a taun i taren. A markato teka e haröto ranoien a niomi e butu noua i taren.”

Aposol 18:6

Kaba nori u Jiu i hipusiin u ranga i tanen me ranga sisi ria i tanen. Ba nonei e tohu ba nena u köahu turu hasobö i tanen te haröto merien a raharaha i tanen. Ba nonei e poeiena i taren, “Te tapolasa ba nemoa limiou e Sunahan bate tiamiou, a ka peisa noahas i tamilimiou. Alia u hatei hakapa railimiou u raranga u mana. Alia e la hamanasa tala uagou turu katuun tema Jiu ri.”

U pas te koloto menai e Pol turu kristenira i Rom 2:16

A mamanaka teka e butu nou tara pöata temi one noua e Sunahan a man hakats hoboto te mousuna i torir u katuun, temar ranga has uana u Bulungana u Niga te habulungana negulia na e poeiena e Sunahan emi ona sila ranouen tere Iesu Kristo.

U pas te koloto menai e Pol turu kristenira i Rom 2:5

Alimiou e hipus koru miou, na limiou ema antunan palisemi u hakats. Na limiou e kato hapan koru lele miou a nihahuna te lue moa limiou tara pöatan hahuna tere Sunahan, tara pöata te haröto nanouen temar raharaha uanen na te ona hamatskö uanen.

2 Pita 2:6

Na te hakulupu hakapan töa menaien a taun i Sodom na i Gomora mena köahu tununa bate hatara nena aha te hahalosena u katuun te kato homir.

2 Pita 2:9

E Sunahan e tatei haka haniga rena u katuun u niga tegi torohana meraien, bate haka rena u katuun u omi tara nihahuna e antunana te butuna romana u Kout Pan i tanen.

2 Pita 3:7

Ba turu töa u mar raranga noahas u kolö na u puta e hahaloser a pöata tega kato homi lel meraien u tula. A han i puta na i kolö e hahaloser a pöata te kout mera noi e Sunahan u katuun u omi bate kato hataia ranen.

1 Jon 4:17

Tema matout reiara romana tara pöata te butuna u kout tere Sunahan, ba ra te atei silerou u ngilngil i tarara e butu haniga nitöana. Taraha, a nikaka i tarara i puta teka e markato has uana tara nikaka tere Iesu.

U pas te kolotein e Jut 1:7

Alimiou e atei sil hase miou a taun i Sodom na i Gomora na palair u taun has i rehiren. U katuun ti kaia tara man han teka i kato hohomi koru mei a peisaren ti hiakaka gono pouts u a pal tson na touhaliou has. Na ka teka e haröto nena ime temar hahuna mera neien romana, u katuun u omi turu tula te kulupu nitöana.