U Bulungana u Niga tere Iesu Kristo te kolotein e Mak 5:7 - U Bulunagana U Niga

⁷ Ba nonei e ku hapanina me poeiena, “O Iesu, a Pien Tson tere Sunahan Iasa Koru, alö e katsin he mi lia? Alia e singo hataatagi koru gia i tamölö i matana e Sunahan, alö goma hahune ii lia.”

U Bulungana u Niga tere Iesu Kristo te kolotein e Mak 5:7 Iomraidhean Croise

Matiu 16:16

Be Saimon Pita e ranga palisenen me poeiena, “Alö e Mesaia te hopö kapiin e Sunahan. Alö a Pien Tson tere Sunahan te töatöa nitöana.”

Matiu 26:63

Kaba e Iesu e kakamoto ba nitöa raien. Ba tsunono e ranga lelna i tanen me poeiena, “Alia e rangate gia lö i matana e Sunahan, alö go hatei ramei lam, alö e Mesaia, a Pien Tson tere Sunahan?”

Matiu 4:3

Be Satan emi torohane nen me poeiena i tanen, “Tego Pien uu lö tere Sunahan, ba lö te rangam, bu hatu teka te palis uar tara beret.”

Matiu 8:29

Ba huol e ku hohomi korur me poeier, “A Pien Tson tere Sunahan, alö emi hamia i tamulam? Alö goma hakamits mam railam, a pöatan hahuna i tamulam e kanoana!”

U Bulungana u Niga tere Iesu Kristo te kolotein e Mak 14:61

Kaba e Iesu e kakamoto mema ranga nei. Ba tsunono pan turu pris e rangata lele nen, “Alö e Mesaia, a Pien Tson tere Sunahan?”

U Bulungana u Niga tere Iesu Kristo te kolotein e Mak 3:11

Tara man pöata ti tara reia u katuun ti kamei u liliahanei e Iesu, ba nori te hatukun ria i matanen. Ba nori te ku hapanir bate poeier, “Alö a Pien Tson tere Sunahan!”

U Bulungana u Niga tere Iesu Kristo te kolotein e Mak 5:6

Pöata te tareien e Iesu ba nonei e piata nama memi hatukununa i matana e Iesu.

U Bulungana u Niga tere Iesu Kristo te kolotein e Mak 5:8

Nonei e markato uu teka taraha e Iesu e ranga hakapa meien, “Koul ba naiam a katuun teka.”

U Bulungana u Niga tere Iesu Kristo te kolotein e Luk 1:32

Pöata te pan noien romana ba nori te ngöe roien a Pien tere Sunahan iasa Koru. E Sunahan a Tsunono te hale noien a nitsunono tere tubunen e Devit.

U Bulungana u Niga tere Iesu Kristo te kolotein e Luk 6:35

Kaba limiou go ngil raiam u pakö i tamilimiou bate kato haniga ramen. Alimiou go hala pukpukuiam, kaba ma hakats nami tego lu pouts menami ta ka. Ba limiou te lue miou romana u hamatana pan, bate haröto has namiou alimiou a galapien tere Sunahan Iasa Koru. Taraha? Nonei e niga has na turu katuun u omi tena mala haniga uari tere Sunahan.

U Bulungana u Niga tere Iesu Kristo te kolotein e Luk 8:28

Pöata te tareien e Iesu, ba nonei e ku hapanina me tuhatukun nena i matana e Iesu. Ba nonei e ku hohomi koruna me poeiena, “O Iesu a Pien Tson tere Sunahan Iasa Koru! Aha te ngil memi lö alia? Alia e singo hataatagi gia i tamölö, ma hahunei lia!”

U Bulungana u Niga tere Iesu Kristo te kolotein e Jon 20:31

A man raranga teka i koloto sile ii tego hamana mena milimiou e Iesu nonei e Mesaia, a Pien Tson tere Sunahan. Na te hamana mia limiou i tanen ba limiou te lu sila has namoua a nitöatöa tara solo nen.

Aposol 16:17

Pöata te kukuteien e Pol na lam, nonei e ku nitöani, “A pal tson teka u katunun kui tere Sunahan iasa koru. Nori e haröto rari limiou a maroro te lu sila namia limiou a nihitaguhu tere Sunahan.”

Aposol 19:13

Ba palair u Jiu e torohanan kato haser a mar toukui teka me poeier a solona e Iesu a Tsunono tegi hakoul meraien u liliahanei u omi turu katuun. Na nori a man töa i roron ranga u teka, “Alia e ranga hatagala koru megou lö tara solona e Iesu te roron ranga nena e Pol, koul ban!”

Aposol 8:36

Pöata ti la noaien i maroro ba nori ena butu ria tara töa ramun, ba tson pepeito teka e poeiena, “Röto, a ramun teka. Aha te hatu kap na noulia tego habaptais uu lia?” Be Pilip e poeiena, “Te ka memialö a nihamana i torimölö, alö e antunan habaptaisim.” Ba nonei e ranga palisina me poeiena, “Alia e hamanegu e Iesu Kristo nonei a Pien Tson tere Sunahan.”

U pas te koloto menai e Pol turu kristenira i Rom 16:20

E Sunahan tara masalohana e tö mismisase noua e Satan i kopina pitapitana mou milimiou. A nihitaguhu tara Tsunono i tarara e Iesu Kristo e tatei ka gono mera noulimiou.

Hibru 2:14

A galapien teka te ranga nanen nori u katuun tuun, na e Iesu e butun katuun here has rameien. Nonei e kato sile ii a ka teka tego tatei mate uaien bate töan kato homiena e Satan, nonei a katuun te kamena a nitagala tega kato hamate meraien u katuun.

Hibru 7:1

E Melkisedek a kingina i Salem, na nonei a pris has tere Sunahan iasa koru. Tara pöata te kopis ma e Abraham tara hiatatung te atung hamate merameien u king, be Melkisedek e hitupali gono menen be kalale nen.

Jemis 2:19

Alimiou e mar hamana uamiou teka: e Sunahan a töa puku. Bara! Kaba a nihamana teka ema antunanei. Taraha, u liliahanei u omi e hamana has uaier iesana, ba nori te toltololo mer a nimatout.

2 Pita 2:4

E Sunahan ema taatagi rai u katuun u omi i manasa, na nonei ema tatei taatagi has ranei romana u tson hihatuts u gamogamo teka. Nonei ema taatagi has rai u angelo ti kato homi. E möa. Nonei e lapo ba raien i hel me haka ranen tara man kiou a man kuhil koru i puta e antunana te butuna romana u lanin hahuna.

1 Jon 3:8

A katuun te kato homi nitöana nonei a pien tere Satan, taraha e Satan e solon kato homi i mam noahas batemi antunana i romana. Na a Pien Tson tere Sunahan e butu silema tegomi kato hatia menaien a toukui tere Satan.

U pas te kolotein e Jut 1:6

Na u angelo tima tuol ia iahana nipepeito te halarien e Sunahan, ba nori te hipus ba ner a han i taren i Kolö, e Sunahan e kits kap raien a man tsien, be haka ranen tara makum a kuhil koru e antunana turu lanin hahuna pan.

Revelesin 12:12

Alimiou hoboto te ka mia i Kolö go sasaala iam! Kaba a niomi pan e butu noa i tamilimiou u katuun te ka mia turu tsiktsiki na i tasi. Taraha? E Satan e koul hakapa uu i tamilimiou na nonei e raharaha koruna. Nonei e atei silena a pöata i tanen e sukusukun kapana.”